ଡ୍ରଗ୍ସ ନେଉଥିଲେ କି ଦୀପିକା ପାଦୁକୋନ ? ସାମ୍ନାକୁ ଆସିଲା ଡ୍ରଗ୍ସ ଚାଟର ପ୍ରମାଣ । ଟ୍ୟାଲେଣ୍ଟ ମ୍ୟାନେଜର କରିସ୍ମାଙ୍କ ସହ ଡ୍ରଗ୍ସ ସମ୍ପର୍କରେ ଚାଟ୍ କରୁଥିଲେ ଦୀପିକା ।
କନକ ବ୍ୟୁରୋ : ବଲିଉଡର ଡ୍ରଗ୍ସ କନେକ୍ସନରେ ସବୁଠାରୁ ବଡ ନାଁ ଭାବେ ସାମ୍ନାକୁ ଆସିଛି ଅଭିନେତ୍ରୀ ଦୀପିକା ପାଦୁକୋନଙ୍କ ନାଁ । ସୁଶାନ୍ତ ସିଂହଙ୍କ ମୃତ୍ୟୁ ପରେ ବଲିଉଡ୍ ଓ ଡ୍ରଗସ କାରବାରର ତଦନ୍ତ କରୁଥିବା ନାର୍କୋଟିକ୍ସ କଂଟ୍ରୋଲ ବ୍ୟୁରୋର ସୂଚନା ଅନୁସାରେ କରିସ୍ମା ନାମକ ଜଣେ ଟ୍ୟାଲେଂଟ ମ୍ୟାନେଜର ସହ ଡ୍ରଗ୍ସ ବାବଦରେ ଚାଟ୍ କରିଥିଲେ ଦୀପିକା । କରିସ୍ମା ଓ ଦୀପିକା ଏହି ଚାଟରେ କ’ଣ କଥା ହୋଇଥିଲେ ସେସବୁ ଏବେ ଏନସିବି ହାତରେ ଲାଗିଛି । ଏହାପରେ ଜେରା ପାଇଁ ଦୀପିକାଙ୍କୁ ଯେକୌଣସି ସମୟରେ ସମନ କରିପାରେ ଏନସିବି ।
Kanak News is now on WhatsApp
Join and get latest news updates delivered to you via WhatsApp
ବଲିଉଡ ସହ ଡ୍ରଗ୍ସ ଲିଙ୍କକୁ ନେଇ ଗତ ଗୋଟିଏ ମାସର ତଦନ୍ତ ଭିତରେ ମୋଟ ଉପରେ ଯେତିକି ଧମାକା ହୋଇନଥିଲା ମାତ୍ର ଗୋଟିଏ ଦିନରେ ତାଠୁ ବଡ ଧମାକା ସୃଷ୍ଟି ହୋଇଛି । ଅଭିନେତା ସୁଶାନ୍ତ ସିଂ ମୃତ୍ୟୁ ମାମଲାରେ ଡ୍ରଗ୍ସ ଲିଙ୍କର କନେକ୍ସନ ସୋମବାର ବଲିଉଡର ଏମିତି ପାୱାର ହାଉସ ପର୍ଯ୍ୟନ୍ତ ପହଞ୍ଚିଯାଇଛି, ଯେଉଁଥିରେ ବଲିଉଡକୁ ଲାଗିଛି ୧୧ ହଜାର ଭୋଲ୍ଟର ଝଟକା । ସୋମବାର ଡ୍ରଗ୍ସ କନେକ୍ସନରେ ସବୁଠାରୁ ବଡ ନା ଭାବେ ସାମନାକୁ ଆସିଛି ଫିଲ୍ମ ଅଭିନେତ୍ରୀ ଦୀପିକା ପାଦୁକୋନଙ୍କ ନା ।
ଦୀପିକା ପାଦୁକୋନ । ଖୁବ୍ କମ୍ ଦିନ ଭିତରେ ବଲିଉଡରେ ନିଜ ପାଇଁ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି ଦୀପିକା । ତାଙ୍କ ସମସାମୟିକ ବହୁ ଅଭିନେତ୍ରୀଙ୍କୁ ପଛରେ ପକାଇ ସୁପରଷ୍ଟାରର ମାନ୍ୟତା ମଧ୍ୟ ପାଇଛନ୍ତିି । ହେଲେ ଏବେ ସୁଶାନ୍ତଙ୍କ ମୃତ୍ୟୁ ସହ ଡ୍ରଗ୍ସ ଲିଙ୍କର ଚେର ଖୋଜୁ ଖୋଜୁ ଦୀପିକାଙ୍କ ପାଖରେ ପହଞ୍ଚିଯାଇଛି ଏନସିବି । ସୂଚନା ଅନୁସାରେ କରିସ୍ମା ନାମକ ଜଣେ ଟ୍ୟାଲେଂଟ ମ୍ୟାନେଜର ସହ ୨୦୧୭ରେ ଡ୍ରଗ୍ସ ନେଇ ଚାଟ୍ କରିଥିଲେ ଦୀପିକା । କରିସ୍ମା ଓ ଦୀପିକା ଚାଟରେ କଣ କଥା ହୋଉଥିଲେ ସେସବୁ ଏବେ ଏନସିବି ହାତରେ ଲାଗିଛି । ନଜର ପକାନ୍ତୁ ହ୍ୱାଟ୍ସଆପରେ କଣ କଥା ହୋଇଥିଲେ ଦୀପିକା…
ଦୀପିକା ଓ କରିସ୍ମାଙ୍କ ଚାଟ
ଦୀପିକା : କରିସ୍ମାଙ୍କୁ ପଚାରିଥିଲେ ତୁମ ପାଖରେ ମାଲ ଅଛି କି?
କରସ୍ମା: ଉତରରେ ଦୀପିକାଙ୍କୁ କହିଥିଲେ ହଁ ଅଛି, କିନ୍ତୁ ଘରେ । ମୁଁ ବାନ୍ଦ୍ରାରେ ଅଛି..
ଯଦି ତୁମେ କହିବ ମୁଁ ଅମିତ ହାତରେ ପଠାଇ ଦେବି
ଦୀପିକା: ହଁ ! ପ୍ଲିଜ୍
କରିସ୍ମା: ଅମିତ୍ ପାଖରେ ଅଛି.. ସେ ନେଇକି ଯାଉଛି
ଦୀପିକା: ହୈସ ଅଛି ତ ?
କରିସ୍ମା: ନାଁ ! ଗଞ୍ଜେଇ
ଦୀପିକା ପାଦୁକୋନ ଏହି ଚାଟ ଯାହା ସହ କରିଛନ୍ତି ସେ ସୁଶାନ୍ତ ସିଂହ ରାଜପୁତ ମୃତ୍ୟୁ ଓ ଡ୍ରଗ୍ସ ଲିଙ୍କ ମାମଲାରେ ଏନସିବିର ତଦନ୍ତ ପରିସରରେ ଥିବା ଜୟା ଶାହାଙ୍କ ନିକଟତର ବୋଲି କୁହାଯାଉଛି । କରିସ୍ମା ଯେଉଁ ଟ୍ୟାଲେଂଟ କମ୍ପାନୀରେ କାର୍ଯ୍ୟ କରିଥାନ୍ତି ସେହି କମ୍ପାନୀରେ କାର୍ଯ୍ୟ କରିଥାନ୍ତି କରିସ୍ମା । ଡ୍ରଗ୍ସ ଲିଙ୍କ ନେଇ ଜୟାଙ୍କୁ ଏନସିବିର ତଦନ୍ତକାରୀ ଟିମ୍ ଏକାଧିକ ଥର ପଚରାଉଚରା କରିଛନ୍ତି ।
ଏହା ପୂର୍ବରୁ କରନ ଜୋହରଙ୍କ ଏକ ପାର୍ଟିରେ ନଜର ଆସିଥିଲେ ଦୀପିକା ପାଦୁକୋନ । ଏଥିରେ ସାହିଦ୍ କପୁର, ଅର୍ଜୁନ୍ କାପୁର, ଭିକି କୌଶଲ ଓ ମଲାଇକା ଆରୋରାଙ୍କ ସହ ପାର୍ଟିର ମଜା ନେଉଥିଲେ ଦୀପିକା । ଏହା ଏକ ଡ୍ରଗ୍ସ ପାର୍ଟି ଥିଲା ବୋଲି ଅଭିଯୋଗ ହୋଇଥିଲା ।
ରୂପେଲି ପରଦାରେ ଏଭଳି ଅଭିନୟ କରି ସମସ୍ତଙ୍କୁ ଚମକାଇ ଦେଉଥିଲେ ଦୀପିକା । ଆଉ ଏବେ ଯେତେବେଳେ ରିୟଲ ଲାଇଫରେ ସେ ଡ୍ରଗ୍ସ ଲିଙ୍କ ସହ ଯୋଡି ହୋଇଯାଇଛନ୍ତି ସେତେବେଳେ ଦୀପିକାଙ୍କୁ ଟୁଇଟ୍ କରି ଟାର୍ଗେଟ କରିଛନ୍ତି କଙ୍ଗନା ରନୌତ । ବଲିଉଡକୁ ଡ୍ରଗ୍ସ ଲିଙ୍କ ନେଇ କାଠଗଡାରେ ଠିଆ କରିଥିବା କଙ୍ଗନା ଦୀପିକାଙ୍କୁ କଟାକ୍ଷ କରି କହିଛନ୍ତି, ‘‘ମୁଁ ପୁଣି ଥରେ ଦୋହରାଉଛି, ଡ୍ରଗ୍ସ ଦୁରୂପଯୋଗ କରିବାର ଏହା ପରିଣାମ ଅଟେ । ଯେଉଁ ଉଚ୍ଚ ସମାଜର ଧନୀ ଷ୍ଟାର ଘରର ପିଲାମାନେ ଯେଉଁମାନଙ୍କୁ ଭଲ ସୁବିଧା ମିଳୁଥିବା ଦାବି କରାଯାଉଛି ଓ ଭଲ ଲାଳନପାଳ ହୋଇଥାଏ ସେମାନେ ତାଙ୍କ ମ୍ୟାନେଜରକୁ ପଚାରୁଛନ୍ତି ମାଲ ହୈ କ୍ୟା…’’
ବେଙ୍ଗାଲୁରରେ ଜନ୍ମିତ ଦୀପିକା ୨୦୦୬ରେ କନ୍ନଡ ଫିଲ୍ମ ଐଶ୍ୱର୍ୟାରେ ଡେବ୍ୟୁ କରିଥିଲେ । ତାପରେ ୨୦୦୭ରେ ଓମ ଶାନ୍ତି ଓମ୍ ଜରିଆରେ ଶାହାରୁଖ ଖାନଙ୍କ ସହ ବଲିଉଡରେ ଏଂଟ୍ରି କରିଥିଲେ । ଏହି ଫିଲ୍ମରେ ତାଙ୍କର ଦମଦାର ଅଭିନୟ ପାଇଁ ତାଙ୍କୁ ବେଷ୍ଟ ଡିବଟ ଅଭିନେତ୍ରୀ ଭାବେ ଫିଲ୍ମ ଫେୟାର ଆୱାର୍ଡ ମିଳିଥିଲା । ତାପରେ କକଟେଲ, ବାଜିରାଓ ମସ୍ତାନି, ପଦ୍ମାବତ, ଛପକ ଭଳି ଏକାଧିକ ଦମଦାର ସିନେମା ବଲିଉଡକୁ ଭେଟି ଦେଇଥିଲେ । କେବଳ ବଲିଉଡ୍ ନୁହେଁ ହଲିଉଡରେ ମଧ୍ୟ ସେ ନିଜର କରିସ୍ମା ଦେଖାଇଛନ୍ତି । ହେଲେ ଦୀପିକାଙ୍କ ଡ୍ରଗ୍ସ ଲିଙ୍କ୍ ସାମନାକୁ ଆସିବା ପରେ ପୁରା ବଲିଉଡରେ ହଲଚଲ ସୃଷ୍ଟି ହୋଇଛି ।