କୃଷ୍ଣପ୍ରସାଦ ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ କର୍ମଚାରୀଙ୍କ ମରୁଡି। ସତ ଲୁଚାଇବାକୁ ଗଣମାଧ୍ୟମକୁ ନାଲି ଆଖି।
କନକ ବ୍ୟୁରୋ: ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ କର୍ମଚାରୀଙ୍କ ମରୁଡି । ଶିକ୍ଷାର ଉର୍ଣ୍ଣତି ପାଇଁ ସରକାର କେତେ କଣ ପଦକ୍ଷପ ହାତକୁ ନେଉଛନ୍ତି । ହେଲେ ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକଶିକ୍ଷା ଅଧିକାରିଙ୍କ କାର୍ଯ୍ୟାଳୟକୁ ଦେଖି, ଆପଣମାନେ ଜାଣିପାରିବେ କେମିତି କାର୍ଯ୍ୟକାରୀ ହେଉଛି ସରକାରୀ ଶିକ୍ଷା ଯୋଜନା । ଶିକ୍ଷାର ମାନଦଣ୍ଡ କେଉଁ ଆଡକୁ ଗତି କରୁଛି । ଅନେକ ଦିନ ହେଲା ଏଇ ଅଫିସରେ କର୍ମଚାରୀଙ୍କ ଦେଖାମିଳୁନି । ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟକୁ ଜଗିଛନ୍ତି ମାତ୍ର ଦୁଇଜଣ କର୍ମଚାରୀ । ବିଇଓଙ୍କୁ ମିଶାଇ ଏଠାରେ ମୋଟ ୧୧ ଜଣ କର୍ମଚାରୀ କାର୍ଯ୍ୟକରନ୍ତି । ହେଲେ ଦିର୍ଘଦିନ ହେବ ବ୍ଲକଶିକ୍ଷା ଅଧିକାରୀଙ୍କ କାର୍ଯ୍ୟାଳୟକୁ କୌଣସି କର୍ମଚାରୀ ଆସୁନାହାନ୍ତି । ତେଣୁ ଦିନ ସାଢେ ୧୨ଟା ଯାଏଁ ମଧ୍ୟ ଅଧିକାରୀଙ୍କ ଚେୟାର ଖାଲି ପଡୁଛି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ କଥା ହେଉଛି, ଅଫିସ ଖାଲିପଡିବା ସମସ୍ୟା ଦିନେ, ଦୁଇ ଦିନର ନୁହେଁ, ଅନେକ ଦିନ ହେଲା ଏମିତି ଖାଲି ପଡିଛି ବ୍ଲକ ଶିକ୍ଷା ଅଧିକାରୀଙ୍କ ଅଫିସ । ଆଉ ଗଣମାଧ୍ୟମର କ୍ୟାମେରା ଦେଖି ହଡବଡେଇ ଯାଉଛନ୍ତି କୃଷ୍ଣପ୍ରସାଦ ବ୍ଲକର ଅତିରିକ୍ତ ବ୍ଲକଶିକ୍ଷା ଅଧିକାରୀ । କ୍ୟାମେରାକୁ ଦେଖି ଚିହଁକି ଉଠୁଛନ୍ତି । ଏବଂ ଅଫିସର ସତ ଲୁଚାଇବା ପାଇଁ ଗଣମାଧ୍ୟମ ପ୍ରତିନିଧିଙ୍କୁ ନାଲି ଆଖି ଦେଖାଉଛନ୍ତି ସରକାରୀ ବାବୁ ।