ବିଶ୍ୱକପ ହକି ମ୍ୟାଚକୁ ଜଗିବ ଡ୍ରୋନ୍ କ୍ୟାମେରା ! ୩୦ଲକ୍ଷ ଟଙ୍କାରେ ଓଡିଶା ପୋଲିସ କିଣିବ ଦୁଇଟି ଡ୍ରୋନ୍, ଗୁରୁପ୍ରିୟା ସେତୁ ଉପରେ ବି ରହିବ ନଜର ।
କନକ ବ୍ୟୁରୋ : ରାଜଧାନୀର କଳିଙ୍ଗ ଷ୍ଟାଡିୟମ ଓ ମାଲକାନଗିରିର ଗୁରୁପ୍ରିୟା ସେତୁ ଉପରେ ନଜର ରଖିବ ଡ୍ରୋନ୍ କ୍ୟାମେରା । ଏଥିପାଇଁ ଓଡିଶା ପୋଲିସ କିଣିବ ଡ୍ରୋନ୍ କ୍ୟାମେରା । ଏହି ଦୁଇଟି ସ୍ଥାନର ବ୍ୟବସ୍ଥା ଉପରେ ନଜର ରଖିବା ପାଇଁ ୩୦ ଲକ୍ଷ ଟଙ୍କା ବ୍ୟୟରେ ଦୁଇଟି ଅତ୍ୟାଧୁନିକ ଡ୍ରୋନ୍ କ୍ୟାମେରା ଓଡିଶା ପୋଲିସ କିଣିବାକୁ ଯାଉଛି । ଆଦିବାସୀ ଇଲାକାର ବିଛିନାଚଂଳକୁ ଯୋଡୁଥିବା ଗୁରୁପ୍ରିୟା ସେତୁକୁ ନକ୍ସଲଙ୍କ ଦାଉରୁ ରକ୍ଷା କରିବା ପାଇଁ ଏହି ଡ୍ରୋନ୍ ସହାୟକ ହେବ ବୋଲି ପୋଲିସ ମହାନିର୍ଦ୍ଦେଶକ ରାଜେନ୍ଦ୍ର ପ୍ରସାଦ ଶର୍ମା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ନଭେମ୍ବରରୁ ଖେଳା ଯିବାକୁ ଥିବା ହକି ମହାକୁମ୍ଭ ପାଇଁ ଡ୍ରୋନ୍ କ୍ୟାମେରା ସହାୟତାରେ କଳିଙ୍ଗ ଷ୍ଟାଡିୟମ ଉପରେ ନଜର ରଖାଯିବ । ଖେଳ ଆରମ୍ବ ହେବା ଠାରୁ ଶେଷ ପର୍ଯ୍ୟନ୍ତ ଷ୍ଟାଡିୟମ ଓ ଏହାର ବାହାରେ ଥିବା ଟ୍ରାଫିକର ଟିକିନିଖି ଖବର ଦେବ ଡ୍ରୋନ୍ । ଏନେଇ ଆଜି ପୋଲିସ କମିଶନର ସତ୍ୟଜିତ୍ ମହାନ୍ତି ସୂଚନା ଦେଇଛନ୍ତି । ଆହୁରି ମଧ୍ୟ ହକି ବିଶ୍ୱକପ୍ ସମୟରେ କଳିଙ୍ଗ ଷ୍ଟାଡିୟମ କିମ୍ବା ଏହାର ଆଖପାଖ ଅଂଚଳରେ କେହି କମରସିଆଲ୍ ଡ୍ରୋନ୍ ଉଡାଇ ପାରିବେ ନାହିଁ । ଏଥିପାଇଁ କମିଶନରେଟ୍ ପୋଲିସ ସଂପୃକ୍ତ ସ୍ଥାନ ଗୁଡିକୁ ନିଷିଦ୍ଧାଚଂଳ ଭାବରେ ଘୋଷଣା କରିବ ।