ଡ୍ରୋନରେ ଭେନଜୁଏଲା ରାଷ୍ଟ୍ରପତିଙ୍କୁ ମାରିବାକୁ ଉଦ୍ୟମ । ବୁଲେଟପ୍ରୁଫ୍ ସୁରକ୍ଷା କବଚ ତିଆରି କରି ରାଷ୍ଟ୍ରପତିଙ୍କ ଜୀବନ ବଞ୍ଚାଇଲେ ସୁରକ୍ଷାକର୍ମୀ
ଭେନେଜୁଏଲାର ରାଷ୍ଟ୍ରପତିଙ୍କ ଉପରେ ଡ୍ରୋନ ଆକ୍ରମଣର ଚିତ୍ର ସାରା ବିଶ୍ୱରେ ଚହଳ ସୃଷ୍ଟି କରିଛି । ଭେନେଜୁଏଲାର ରାଷ୍ଟ୍ରପତି ନିକୋଲସ ମୋଡୁରୋ ଯେତେବେଳେ ନ୍ୟାସନାଲ ଗାର୍ଡଙ୍କର ଏକ ସମାବେଶକୁ ସମ୍ବୋଧିତ କରୁଥିଲେ ସେହି ସମୟରେ ଏହି ଡ୍ରୋନ ଆକ୍ରମଣ ହୋଇଛି । ଦୁଇଟି ଡ୍ରୋନରେ ନିକୋଲସଙ୍କ ଉପକେର ଆକ୍ରମଣ ଉଦ୍ୟମ କରାଯାଇଥିବା ବେଳେ ରାଷ୍ଟ୍ରପତିଙ୍କ ସୁରକ୍ଷାକର୍ମୀ ବୁଲେଟପ୍ରୁଫ ସୁରକ୍ଷା କବଚ ତିଆରି କରି ଭେନେଜୁଏଲାର ରାଷ୍ଟ୍ରପତିଙ୍କୁ ସୁରକ୍ଷା ଯୋଗଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭେନେଜେୁଏଲା ରାଷ୍ଟ୍ରପତି ତାଙ୍କ ପତ୍ନୀଙ୍କ ନ୍ୟାସନାଲ ଗାର୍ଡର ୮୧ତମ ସମାବେଶକୁ ସମ୍ବୋଧିତ କରୁଥିବା ବେଳେ ହଠାତ ପ୍ରଥମେ ଏକ ବିସ୍ଫୋରଣ ଘଟିଥିଲା । ଏହାକୁ ରାଷ୍ଟ୍ରପତି ସେନାର ଏକ ରଣକୈାଶଳ ବୋଲି ଭାବିଥିଲେ କିନ୍ତୁ ପରବର୍ତୀ ବିସ୍ଫୋରଣ ପରେ ଭାଷଣ ଦେଉଥିବା ରାଷ୍ଟ୍ରପତି ବି ଚମକି ଉଠିଥିଲେ । ଏହାପରେ ନିକୋଲସଙ୍କ ସୁରକ୍ଷାକର୍ମୀ ବୁଲେଟପ୍ରୁଫ ସୁରକ୍ଷା କବଚ ତିଆରି କରି ତାଙ୍କୁ ସୁରକ୍ଷିତ ସ୍ଥାନକୁ ନେଇ ଯାଇଥିଲେ । ଏହାରି ଭିତରେ ଆକାଶରେ ଏକ ଡ୍ରୋନ ବୁଲୁଥିବାର ଦେଖିବାକୁ ମିଳିଥିଲା ।
ରାଷ୍ଟ୍ରପତିଙ୍କ ସାମ୍ନାରେ ଓ ତାଙ୍କ ମୁଣ୍ଡ ଉପରେ ଡ୍ରୋନ ଜରିଆରେ ବିସ୍ଫୋରଣ ପାଇଁ ଯୋଜନା ହୋଇଥିବା ବେଳେ ଗୋଟିଏ ଡ୍ରୋନ ତଳେ ଖସି ପଡିଥିଲା । ଅନ୍ୟ ଏକ ଡ୍ରୋନ ନିୟନ୍ତ୍ରଣ ହରାଇ ନିକଟସ୍ଥ ଏକ ଆପାର୍ଟମେଂଟରେ ବିସ୍ଫୋରଣ କରିଥିଲା । ଆପାର୍ଟମେଂଟରୁ କିଛି ଫ୍ଲୋରରୁ ଧୁଆଁ ବାହାରଉଥିବାର ଦୃଶ୍ୟ ମଧ୍ୟ ଦେଖିବାକୁ ମିଳିଛି ।ଏହାପରେ ଭେନେଜୁଏଲା ପୁଲିସ ଘଟଣାସ୍ଥଳରେ ପହଁଚି ଉଦ୍ଧାର କାର୍ଯ୍ୟ ଜାରି ରଖିଥିଲା ।
ସେପଟେ ଏହି ଆପାର୍ଟମେଂଟର କିଛି ଲୋକ ଆହତ ହୋଇଥିବା ବେଳେ ନ୍ୟାସନାଲ ଗାର୍ଡ ସମାବେଶ ସ୍ଥଳରେ ବି କିଛି ସମୟ ପାଇଁ ଦଳାଚକଟା ପରିସ୍ଥିତି ସୃଷ୍ଟି ହୋଇଥିବା ଦେଖିବାକୁ ମିଳିଛି । କିଛି ସୁରକ୍ଷାକର୍ମୀ ମଧ୍ୟ ରକ୍ତ ଜୁଡୁବୁଡୁ ହୋଇଥିବାର ଚିତ୍ର ସାମ୍ନାକୁ ଆସିଛି । ଏହାପରେ ଭେନେଜୁଏଲାରେ ହାଇଆଲର୍ଟ ଜାରି କରାଯାଇଥିବା ଜଣା ପଡିଛି । ମିଳିଥିବା ସୂଚନା ଅନୁସାରେ ଡ୍ରୋନରେ ୨.୨ ପାଉଣ୍ଡର ସି-୦୪ ବିସ୍ଫୋରକ ବ୍ୟବହାର କରାଯାଇଥିଲା । ଏହି ଡ୍ରୋନ ଆକ୍ରମଣରେ ୧୨ଜଣ ଆହତ ହୋଇଥିବା ବେଳେ ୬ ଜଣଙ୍କ ଅବସ୍ଥା ଗରୁତର ରହିଛି । ଏହି ଆକମ୍ରଣ ପରେ ୦୬ଜଣଙ୍କୁ ଅଟକ ରଖାଯାଇଥିବା ବେଳେ ସେମାନଙ୍କ ଭିତରୁ ଦୁଇଜଣ ପୂର୍ବରୁ ଦେଶ ଦ୍ରୋହ ମାମଲାରେ ସମ୍ପୃକ୍ତ । ଏହି ଘଟଣା ପରେ ଭେନେଜୁଏଲା ରାଷ୍ଟ୍ରପତି କହିଛନ୍ତି ତାଙ୍କୁ ମାରିବା ପାଇଁ ଉଦ୍ୟମ କରାଯାଇଥିଲା ।