ମଦ ପିଇ ନିଶାସକ୍ତ ଅବସ୍ଥାରେ ବସ୍ ଚଳାଉଥିଲେ ଡ୍ରାଇଭର । କଟିଲା ୪୦୫୦୦ ଟଙ୍କାର ଫାଇନ୍ ।

କନକ ବ୍ୟୁରୋ : ମଦ ପିଇ ନିଶାସକ୍ତ ଅବସ୍ଥାରେ ଡ୍ରାଇଭର ବସ୍ ଚଲାଉଥିବାରୁ ୪୦ ହଜାର ୫ଶହ ଟଙ୍କାର ଫାଇନ କାଟିଲା ପୁରୀ ଆରଟିଓ । ଡ୍ରାଇଭରଙ୍କ ପାଖରେ ବୈଧ ଡ୍ରାଇଭିଂ ଲାଇସେନ୍ସ ନଥିଲା, ପରମିଟ ନଥିବା ସତ୍ୱେ ବସରେ ଯାତ୍ରୀଙ୍କୁ ନେଇ ପୁରୀ ଆସିଥିବାରୁ ଚାଲାଣ କଟିଛି ।

ବସଟି ବାଲେଶ୍ୱର ସହଦେବଖୁଂଟା ଅଂଚଳର । ବସ ମାଲିକଙ୍କ ନାମ ବିନୋଦ କୁମାର ପେରିୱାଲ, ଡ୍ରାଇଭରଙ୍କ ନାମ ସାହୱାଜ ଖାନ ବୋଲି ଜଣାପଡିଛି । ନିଶାସକ୍ତ ଅବସ୍ଥାରେ ଗାଡି ଚାଳନା ପାଇଁ ଅନେକ ସମୟରେ ଦୁର୍ଘଟଣା ହେଉଛି । ତେଣୁ ନିଶାସକ୍ତ ଅବସ୍ଥାରେ ଗାଡି ନ ଚଲାଇବାକୁ ବାରମ୍ବାର ସଚେତନ କରାଯାଉଛି । ଏପରିକି ନିଶାସକ୍ତ ଡ୍ରାଇଭରଙ୍କୁ ଧରିଲେ ମୋଟା ଅଙ୍କର ଫାଇନ ମଧ୍ୟ କଟାଯାଉଛି । ରାତିରେ ବିଭିନ୍ନ ସ୍ଥାନରେ ବ୍ଲକିଂ କରି ଚେକିଂ କରାଯାଉଛି । ଏହାସତ୍ତେ୍ୱ ମଧ୍ୟ କିଛି ଗାଡିଚାଳକ ନିଶାସକ୍ତ ଅବସ୍ଥାରେ ଗାଡି ଚଳାଉଛନ୍ତି ।