ନିର୍ଭୟାକାଣ୍ଡ ଭଳି କଟକରେ କାଳରାତିର ଛାତିଥରା କାହାଣୀ: ଚଳନ୍ତା ବସରୁ ଅଳ୍ପକେ ବର୍ତିଗଲେ ନାବାଳିକା
କନକ ବ୍ୟୁରୋ: କଟକ ଲିଙ୍କ ରୋଡରେ ଚଳନ୍ତା ବସରେ ନାବାଳିକାକୁ ଦୁଷ୍କର୍ମ ଉଦ୍ୟମ ଘଟଣା ଚାଂଚାଲ୍ୟ ଖେଳାଇ ଦେଇଛି । ଏନେଇ ବାଦାମବାଡି ଥାନାରେ ପିଡିତାଙ୍କ ପିତା ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁ କରି ତଦନ୍ତ ଚଲାଇଛି ।
Kanak News is now on WhatsApp
Join and get latest news updates delivered to you via WhatsApp
୧୦ ବର୍ଷ ତଳେ ଦିଲ୍ଲୀର ନିର୍ଭୟାକାଣ୍ଡର ବିଭିଷାକା ଏଯାଏଁ କାହା ମନରୁ ଲିଭି ନଥିବା ବେଳେ କଟକରେ ଚଳନ୍ତା ବସରେ ଜଣେ ନାବାଳିକାକୁ ଦୁଷ୍କର୍ମ ଉଦ୍ୟମ ଅଭିଯୋଗ ହଇଚଇ ସୃଷ୍ଟି କରିଛି । ଉପସ୍ଥିତ ବୁଦ୍ଧି ଖଟାଇ ନାବାଳିକା ଜଣକ ଅଳ୍ପକେ ପିଶାଚମାନଙ୍କ କବଳରୁ ଖସି ଯାଇଛନ୍ତି ।
ଶୂନଶାନ ପଡିଥାଏ ଲିଙ୍କ୍ ରୋଡ । ଝାଞ୍ଜରିମଙ୍ଗଳା ମନ୍ଦିର ଯିବା ପାଇଁ ଲିଙ୍କ ରୋଡରେ ବାପାକୁ ଅପେକ୍ଷା କରିଥିଲେ ନାବାଳିକା । ସେହିବାଟ ଦେଇ ଯାଉଥିଲା ଅନୁୁଗୁଳରୁ କଟକ ଯାତାୟତ କରୁଥିବା ମହାନ୍ତି ବସ । ଗାଡିର ନମ୍ବର ହେଉଛି ଓଆର-୦୫-ଏଜେ-୨୨୭୪ । ରାସ୍ତାରେ ଏକାଲା ନାବାଳିକାକୁ ଦେଖି, ବସ ଭିତରକୁ ଭିଡି ନେଇଥିଲା ବସର କଣ୍ଡକ୍ଟର । ବସ ଭିତରେ କେହିନଥିବାର ସୁଯୋଗ ନେଇ ନାବାଳିକାକୁ ସମ୍ବେଦନଶୀଳ ଅଙ୍ଗକୁ ସ୍ପର୍ଶ କରି ଦୁଷ୍କର୍ମ ଉଦ୍ୟମ କରିଥିଲା ଦୁର୍ବୃତ । କୌଶଳକ୍ରମେ ନାବାଳିକା ଜଣକ ବସରୁ ଡେଇଁପଡି ପିଶାଚଙ୍କ କବଳରୁ ଅଳ୍ପକେ ବର୍ତି ଯାଇଛନ୍ତି । ବାଦାମବାଡି ଥାନାରେ ଏଭଳି ଅଭିଯୋଗ କଟକରେ ଚାଂଚଲ୍ୟ ଖେଲାଇ ଦେଇଛି ।
ଦୁଷ୍କର୍ମ ଉଦ୍ୟମ କରି ବିଫଳ ହେବା ପରେ ବସକୁ ନେଇ ଡ୍ରାଇଭର ଓ କଣ୍ଟକ୍ଟର ଘଟଣାସ୍ଥଳରୁ ଚମ୍ପଟ ମାରିଛନ୍ତି । ଏନେଇ ବାଦାମବାଡି ଥାନାରେ ପିଡିତାଙ୍କ ପିତା ଏତଲା ଦେବା ପରେ ପୁଲିସ ମାମଲା ରୁଜୁ କରି ତଦନ୍ତ ଚଲାଇଛି । ସେପଟେ କଣ୍ଡକ୍ଟର ଜଣକ ଫେରାର ହୋଇଯାଇଥିବା ସୂଚନା ମିଳିଛି ।
ଘଟଣା ସଂପର୍କରେ କଟକ ଡିସିପି ସୂଚନା ଦେଇ କହିଛନ୍ତି, ଏଭଳି ଏକ ଘଟଣାକୁ ନେଇ ଥାନାରେ ମାମଲା ରୁଜୁ ହୋଇଛି । ପୋଲିସ ଘଟଣାର ତଦନ୍ତ କରୁଛି । ଅଭିଯୁକ୍ତଙ୍କୁ ଖୋଜା ଚାଲିଛି । ଘଟଣାର ସବୁ ଦିଗକୁ ନଜର ଦିଆଯିବ । କୌଣସି ପରିସ୍ଥିତିରେ ନାବାଳିକାଙ୍କ ପ୍ରତି ଅତ୍ୟାଚାର ଅଭିଯୋଗ ଯଦି ପ୍ରମାଣିତ ହୁଏ । ତେବେ ଦୋଷୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ ।