୧୦୦ଟି ପାନୀୟ ଜଳ ପ୍ରକଳ୍ପର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ
ଭୁବନେଶ୍ୱର : ସଚିବାଳୟରେ ୧୦୦ଟି ନୂତନ ପାନୀୟ ଜଳ ଯୋଗାଣ ପ୍ରକଳ୍ପର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ । ୨୦ଟି ଜିଲ୍ଳାର ୪୧ଟି ସହରାଂଚଳ ଲୋକ ଏହି ପାନୀୟ ଜଳ ପ୍ରକଳ୍ପ ଦ୍ୱାରା ଉପକୃତ ହେବେ । ଲୋକାର୍ପଣ ଉତ୍ସବରେ ବହୁ ମନ୍ତ୍ରୀ ଓ ମୁଖ୍ୟ ଶାସନ ସଚିବ ଉପସ୍ଥିତ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୧୦୦ଟି ପାନୀୟ ଜଳ ପ୍ରକଳ୍ପର ଶୁଭାରମ୍ଭ କରିଥିବା ବେଳେ ଅନ୍ୟପଟେ ରାଜ୍ୟରେ ପାଣି ପାଇଁ ହାହାକାର ପରିସ୍ଥିତି ସୃଷ୍ଟି ହୋଇଛି । ନୟାଗଡ଼ରେ ଉକ୍ରଟ ହେଉଛି ପିଇବା ପାଣି ସମସ୍ୟା । ମହାନଦୀରୁ ପାଣି ପାଇଁ ଗତ ୪ ବର୍ଷ ହେଲା ଚାହିଁ ବସିଛନ୍ତି ନୟାଗଡ ସହରବାସୀ । ଖୁବଶୀଘ୍ର ଜଳ ସମସ୍ୟା ଦୂର ହେବ ବୋଲି ମନ୍ତ୍ରୀ ତଥା ସ୍ଥାନୀୟ ବିଧାୟକ ଅରୁଣ ସାହୁ ପ୍ରତିଶ୍ରୁତି ଦେଇଥିଲେ ବି ବିଶ୍ୱାସକୁ ନେଉନାହାନ୍ତି ନୟାଗଡ଼ ବାସିନ୍ଦା ।
ବ୍ରହ୍ମପୁର ମଧ୍ୟ ପାଣି ପାଇଁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । କୂଅ,ପୋଖରୀ,ନଳକୂପ ଶୁଖିଯାଇଛି । ପାଣି ପାଇପ ବିଛାଯାଇଛି କିନ୍ତୁ ସେଥିରେ ପାଣି ଆସୁନି । ଅସହ୍ୟ ଖରା ସାଙ୍ଗକୁ ଜଳ କୋଷ୍ଟରେ ଲୋକେ ହନ୍ତସନ୍ତ ହୋଇପଡିଛନ୍ତି । କିଛି ଅଂଚଳରେ ଟ୍ୟାଙ୍କର ଯୋଗେ ପାଣି ଯୋଗାଇ ଦିଆଯାଉଛି ।