କନକ ବ୍ୟୁରୋ : ନୂଆ ବର୍ଷରେ ନୂଆ ନିୟମ, ମୋଟର ସାଇକେଲ ଚାଳକ ପାଇଁ ଏକ ନୂଆ ଅଭ୍ୟାସ ଆଣିବାକୁ ବାଧ୍ୟ କରିଛି । ମୋଟର ସାଇକେଲ ଚଳାଉଥିଲେ ଏବଂ ପଛରେ କିଏ ସହଯାତ୍ରୀଙ୍କୁ ବସାଇଥିଲେ, ଉଭୟ ଚାଳକ ଏବଂ ସହଯାତ୍ରୀଙ୍କ ପାଇଁ ହେଲମେଟ୍ ମାଧ୍ୟତାମୁଳକ । ଏହି ନିୟମ ଭୁବନେଶ୍ୱରରେ ଏବେ କଡ଼ାକଡ଼ି ହୋଇଛି । କିଛି ବାଇକ୍ ଚାଳକ ନିୟମ ମାନି ଡବଲ ହେଲମେଟ୍ ପରିଧାନ କରୁଛନ୍ତି, ଆଉ କିଛି ବାହାନା ଖୋଜୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନୂଆ ବର୍ଷର ପ୍ରଥମ ଦିନରେ ବାଇକ ଚାଳକ ମାନଙ୍କୁ ସଚେତନତା ଉର୍ଦ୍ଦେଶ୍ୟରେ ଛାଡ଼ି ଦେଇଥିବା ବେଳେ ଦ୍ୱିତୀୟ ଦିନରେ କିନ୍ତୁ କଟକଣା କଡ଼ାକଡ଼ି ହୋଇଛି । ରାଜଧାନୀ ଭୁବନେଶ୍ୱରରର ଜୟଦେବ ବିହାର, ରାଜମହଲ ଛକ, ଏଜି ଛକ ଏବଂ ଲିଙ୍ଗପୁର ଟ୍ରାଫିକ ଛକରେ କଡା ଚେକିଂ ହୋଇଛି । ଏମିତି କି ନିୟମ ଉଲଂଘନ କରୁଥିବା କିିଛି ବାଇକ୍ ଚାଳକଙ୍କୁ ଫାଇନ୍ ମଧ୍ୟ କରାଯାଇଛି ।
କରୋନା କାରଣରୁ ଗାଡ଼ିକାଗଜ ପତ୍ର ପାଇଁ ସମୟ ସୀମା ବଢ଼ାଯାଇଛି । ହେଲେ ବାଇକ୍ରେ ଦୁଇ ଜଣ ଯାତ୍ରା କରୁଥିଲେ ଡବଲ ହେଲମେଟ୍ ବାଧ୍ୟତାମୂଳକ କରାଯାଇଛି । ଦିନକୁ ଦିନ ବଢୁଥିବା ଦୁର୍ଘଟଣାକୁ ଦୃଷ୍ଟିରେ ରଖି ଏହି ନିୟମକୁ କଡ଼ାକଡ଼ି ପାଳନ କରାଯାଇଛି ।