ଲୋକସଭାରେ ପରିବେଶ ସୁରକ୍ଷାମନ୍ତ୍ରୀଙ୍କ ସୂଚନା, ଦେଶରେ ଚାଲିଛି ୨.୧୪ କୋଟି ୨୦ ବର୍ଷର ପୁରୁଣା ଗାଡି, କେବଳ ଦିଲ୍ଲୀରେ ୩୬ ଲକ୍ଷ
କନକ ବ୍ୟୁରୋ : ଦେଶର ସଡକରେ ଚାଲିଥିବା ପୁରୁଣା ଗାଡି ଗୁଡିକୁ ହଟାଇବାକୁ କେନ୍ଦ୍ର ସରକାର ପ୍ରୟାସ ଜାରି ରଖିଛନ୍ତି । ହେଲେ ସାରା ଦେଶରେ ଏବେ ୨ କୋଟିରୁ ଅଧିକ ପୁରୁଣା ଗାଡିରେ ସଡକରେ ଚଳାଚଳ କରୁଛି । ଏନେଇ ପରିବେଶ ସୁରକ୍ଷାମନ୍ତ୍ରୀ ଅଶ୍ୱନୀ ଚୌବେ ଲୋକସଭାରେ ବିସ୍ତୃତ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପରିବେଶ ମନ୍ତ୍ରୀ ଅଶ୍ୱନୀ ଚୌବେ ଲୋକସଭାରେ ସୂଚନା ଦେଇ କହିଛନ୍ତି କି ଦେଶରେ ୨.୧୪ କୋଟି ଗାଡି ରାସ୍ତାରେ ଚଳାଚଳ କରୁଛି । ଯାହା ମଧ୍ୟରୁ କର୍ଣ୍ଣାଟକରେ ସବୁଠାରୁ ଅଧିକ ୨୦ ବର୍ଷର ପୁରୁଣା ଗାଡି ରହିଛି । ମନ୍ତ୍ରୀଙ୍କ ସୂଚନା ମୁତାବକ କେବଳ କର୍ଣ୍ଣାଟକରେ ୨୦ ବର୍ଷ ଅଧିକ ପୁରୁଣା ଗାଡି ସଂଖ୍ୟା ୩୬.୧୪ ଲକ୍ଷ । ଏହାସହ ୟୁପିରେ ୨୬.୨୦ ଲକ୍ଷ, କେରଳରେ ୨୦.୬୭ ଲକ୍ଷ,ତାମିଲନାଡୁରେ ୧୫.୯୯ ଲକ୍ଷ, ପଞ୍ଜାବରେ ୧୫.୩୨ ଲକ୍ଷ ୨୦ ବର୍ଷରୁ ଅଧିକ ପୁରୁଣା ଗାଡି ସଡକରେ ଚଳାଚଳ କରୁଛି । ଏହି କ୍ରମରେ ପୁରା ଦେଶରେ ୨.୧୪ କୋଟି ଗାଡି ରହିଛି । ଏହି ପରିସଂଖ୍ୟାନ ମଧ୍ୟରେ ଆନ୍ଧ୍ର ପ୍ରଦେଶ, ମଧ୍ୟ ପ୍ରଦେଶ, ତେଲେଙ୍ଗାନା ଓ ଲାକ୍ଷାଦ୍ୱୀପକୁ ଯୋଡା ଯାଇ ନାହିଁ । କାରଣ ଏହି ରାଜ୍ୟଗୁଡିକ କେନ୍ଦ୍ରୀୟ ‘ବାହାନ ପୋର୍ଟାଲ’ ରେ ନାହିଁ ।
୨୦୧୮ ରେ ସୁପ୍ରିମକୋର୍ଟ ଏକ ନିର୍ଦ୍ଦେଶରେ କହିଥିଲେ କି ଦିଲ୍ଲୀ ଏନସିଆରରେ ୧୦ ବର୍ଷରୁ ଅଧିକ ପୁରୁଣା ଡିଜେଲ ଗାଡି ଓ ୧୫ ବର୍ଷରୁ ଅଧିକ ପୁରୁଣା ପେଟ୍ରୋଲ ଗାଡି ଚାଲିପାରିବ ନାହିଁ । ଏହାକୁ ନେଇ ଏନଜିଟି ତରଫରୁ ୨୦୧୫ରେ ଏକ ନିୟମ ପ୍ରଣୟନ କରିଥିଲେ । ଅନ୍ୟପଟେ ସଦ୍ୟ ସୂଚନା ମୁତାବକ ଦିଲ୍ଲୀ ସଡକରେ ଏବେ ୩୬ ଲକ୍ଷରୁ ଅଧିକ ୨୦ ବର୍ଷର ପୁରୁଣା ଗାଡି ଚଳପ୍ରଚଳ କରୁଛି ।
ସେପଟେ ଚଳିତ ବର୍ଷ କେନ୍ଦ୍ର ସରକାର ନୂଆ ‘ବାହନ ସ୍କ୍ରାପ ପଲିସି’ ଉପସ୍ଥାପନ କରିଛନ୍ତି । ଏହି ପଲିସି ମୁତାବକ ପୁରୁଣା ଗାଡିର ମାଲିକମାନେ ଗାଡିର ଫିଟନେସ୍ ସାର୍ଟିଫିକେଟ ନେଇ ଗାଡି ଚଳାଇ ପାରିବେ । ଏହାସହ ଯେଉଁ ଗାଡିଗୁଡିକୁ ଫିଟନେସ୍ ସାର୍ଟିଫିକେଟ ମିଳିବ ନାହିଁ ସେମାନେ ଏହାକୁ କବାଡିରେ ଦେଇଦେବେ ଓ ଯାହାର ନିଶ୍ଚିତ ରାଶି ସରକାରଙ୍କ ତରଫରୁ ପ୍ରଦାନ କରାଯିବ ।