କରୋନା ପାଇଁ ପିଉଛନ୍ତି କି କାଢା? ଜାଣନ୍ତୁ କିଛି ଗୁରୁତ୍ୱପୂର୍ଣ୍ଣ କଥା ।
କନକ ବ୍ୟୁରୋ: ଏବେ କରୋନା ହେଉ କି ଓମିକ୍ରନ୍ ପାଇଁ ହେଉ ଅଧିକାଂଶ ଲୋକେ କାଢା ପିଇବା ଅଭ୍ୟାସ କରିସାରିଛନ୍ତି । ଯଦିଓ କିଛି ଲୋକେ ପୂର୍ବରୁ ଏହାକୁ ପିଉଥିଲେ ହେଲେ ଏବେ କରୋନା ଯୋଗୁଁ ଏହା ଅନେକଙ୍କ ଘରେ ଲୋକଙ୍କ ଅଭ୍ୟାସରେ ପଡିଯାଇଛି । କରୋନା ଥଣ୍ଡାକାଶ ଓ ତଣ୍ଟି ଦରଜରୁ ରକ୍ଷା ପାଇବା ପାଇଁ ଲୋକେ ଦୁଇ ବର୍ଷ ଭିତରେ କାଢାର ବହୁଳ ବ୍ୟବହାର କରୁଛନ୍ତି । କିନ୍ତୁ ଜାଣନ୍ତି କି? କାରଣ କାଢାର ମାତ୍ରାଧିକ ବ୍ୟବହାର ଶରୀର ପାଇଁ କେତେ କ୍ଷତିକାରକ?
Kanak News is now on WhatsApp
Join and get latest news updates delivered to you via WhatsApp
ଏବେ ଇମ୍ୟୁନିଟି ବଢାଇବା ପାଇଁ କାଢା ଘରେ ଘରେ ପରିଚିତ । ପୂର୍ବରୁ କାଢା କିଛି ସୀମିତ ଲୋକଙ୍କ ଘରେ ନିର୍ଦ୍ଦିଷ୍ଟ ସମୟରେ ବ୍ୟବହାର ହେଉଥିଲା । ମାତ୍ର କୋଭିଡ ଆସିବା ପରେ ୨୦୨୦ ଠାରୁ ଏହାର ବ୍ୟବହାର ଖୁବ୍ ବଢିଯାଇଛି । ବିଶେଷଜ୍ଞଙ୍କ କହିବା କଥା ଯେ, ଏବେ କାଢାରେ ଲୋକମାନେ ଆବଶ୍ୟକଠାରୁ ଅଧିକ ଜିନିଷ ପକାଉଛନ୍ତି , ଯାହା ଆଦୌ ଠିକ୍ ନୁହେଁ । କାଢା ଦିନକୁ ମାତ୍ର ଥରେ ପିଇବା ଆବଶ୍ୟକ । ଏହାକୁ ଅଧିକ ଥର ପିଇଲେ ପେଟ ଗରମ ହେବା ସହ ଦେହ ଅସହଜ ଲାଗେ । ସେହିପରି କାଢାର ମାତ୍ରାଧିକ ବ୍ୟବହାର ଦ୍ୱାରା ଲିଭର ଓ କିଡନୀ ଉପରେ ଏହାର କ୍ଷତିକାରକ ପ୍ରଭାବ ପଡିପାରେ । ଯଦି କୌଣସି ବ୍ୟକ୍ତି ପୂର୍ବରୁ କିଛି ରୋଗର ପିଡୀତ ହୋଇଥାନ୍ତି ତେବେ କାଢା ପିଇବା ପୂର୍ବରୁ ଡାକ୍ତରଙ୍କ ପରାମର୍ଶ ନେବାକୁ ଭୁଲନ୍ତୁ ନାହିଁ ।