୫୯ ବର୍ଷ ପୂର୍ବେ ଆଜିର ଦିନରେ ଆରମ୍ଭ ହୋଇଥିଲା ‘ଦୂରଦର୍ଶନ’ ! କିଛି ଏଭଳି ରହିଛି ‘ଦୂରଦର୍ଶନ’ର ଇତିହାସ ।
ଭାରତରେ ଟେଲିଭିଜନ୍ ଇତିହାସର କାହାଣୀ ଦୂରଦର୍ଶନ ସହ ହିଁ ଆରମ୍ଭ ହୋଇଥିଲା । ଦୂରଦର୍ଶନର ସ୍ଥାପନା ପରୀକ୍ଷାମୂଳକ ଭାବେ ଦିଲ୍ଲୀ ଠାରେ ୧୯୫୯ ମସିହା ସେପ୍ଟେମ୍ବର ୧୫ ତାରିଖରେ ହୋଇଥିଲା । ଆଧୁନିକ ଏବଂ ଡିଜିଟାଲ୍ ସମୟର ଏହି ସମାଜରେ ଲୋକମାନେ ଦୂରଦର୍ଶନ ସମ୍ବନ୍ଧରେ ଅଳ୍ପ ବହୁତେ ହୁଏତ ଜାଣିଥିବେ । କିନ୍ତୁ ପୁରାତନ ପିଢୀର ଲୋକମାନଙ୍କ ସହ ଦୁରଦର୍ଶନର ଅତି ନିବିଡ ସମ୍ପର୍କ ରହିଛି । ୧୯୫୯ ମସିହା ଆଜିର ଦିନରେ ସରକାରୀ ପ୍ରସାରକ ଭାବେ ଦୂରଦର୍ଶନର ସ୍ଥାପନା ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଛୋଟ ପରଦାରେ ଚାଲୁଥିବା କହୁଥିବା, ଫଟୋ ଦେଖାଉଥିବା, ବିଜୁଳୀରେ ଚାଲୁଥିବା ଏହି ଡବା ଲୋକମାନଙ୍କ ପାଇଁ ଅନେକ କୌତୁହଳର ବିଷୟ ଥିଲା, ଯାହା ଘରେ ଟେଲିଭିଜନ୍ ରହିଥିଲା । ଲୋକମାନେ ଦୂର ଦୂରାନ୍ତରରୁ ଏହାକୁ ଦେଖିବାକୁ ଆସୁଥିଲେ । ଛାତରେ ଲାଗିଥିବା ଟେଲିଭିଜନର ଆଣ୍ଟିନା ସମ୍ମାନ ପ୍ରତିଷ୍ଠାର ପ୍ରତୀକ ହେଉଥିଲା ଏବଂ ଦେଶର କଳା ଏବଂ ସଂସ୍କୃତି ସହ ଯୋଡି ହୋଇଥିବା କାର୍ଯ୍ୟକ୍ରମ ଏହି ସରକାରୀ ପ୍ରସାରଣ ସେବାର ଏକ ଅଭିନ୍ନ ଅଙ୍ଗ ଥିଲା ।
ଦୂରଦର୍ଶନର ଆରମ୍ଭ ସମୟରେ ଏଥିରେ କିଛି ସମୟ ପାଇଁ କାର୍ଯ୍ୟକ୍ରମର ପ୍ରସାରଣ କରାଯାଉଥିଲା । ନିୟମିତ ଦୈନିକ ପ୍ରସାରଣର ଆରମ୍ଭ ୧୯୬୫ ମସିହାରେ ଅଲ୍ ଇଣ୍ଡିଆ ରେଡିଓର ଏକ ଅଙ୍ଗ ରୂପରେ ହୋଇଥିଲା । ୧୯୭୨ ମସିହାରେ ଏହି ସେବାକୁ ମୁମ୍ବାଇ ଏବଂ ଅମୃତସର ପର୍ଯ୍ୟନ୍ତ ବିସ୍ତାରିତ କରାଯାଇଥିଲା । ଯାହାକି ଆଜି ଦେଶର ଦୂର ଦୂରାନ୍ତର ଗାଁରେ ଉପଲବ୍ଧ ଅଟେ । ରାଷ୍ଟ୍ରୀୟ ପ୍ରସାରଣର ଆରମ୍ଭ ୧୯୮୨ ମସିହାରେ କରାଯାଇଥିଲା । ଆଉ ଏହି ବର୍ଷ ହିଁ ଦୂରଦର୍ଶନର ରୂପ ରଙ୍ଗୀନ ହୋଇଯାଇଥିଲା । ଏହା ପୂର୍ବରୁ ଏହା କେବଳ ବ୍ଲାକ୍ ଆଣ୍ଡ ହ୍ୱାଇଟରେ ଉପଲବ୍ଧ ହେଉଥିଲା ।