କୋଭିଡ୍ ଟିକାର ଦାମକୁ ନେଇ ସୁପ୍ରିମକୋର୍ଟଙ୍କୁ କେନ୍ଦ୍ର ସରକାରଙ୍କ ଶପଥ ନାମା । ‘ସରକାରଙ୍କ ଉପରେ ଅଦାଲତ ଦଖଲର ସୀମା ରହିଛି’
କନକ ବ୍ୟୁରୋ : କେନ୍ଦ୍ର ସରକାର ଓ ସୁପ୍ରିମ କୋର୍ଟଙ୍କ ମଧ୍ୟରେ ଟିକାର ଦାମ ଓ ଟିକାକରଣକୁ ନେଇ ଚାଲିଥିବା ମାମଲାରେ କେନ୍ଦ୍ର ସରକାର ତାଙ୍କର ଶପଥନାମା କୋର୍ଟରେ ଦାଖଲ କରିଛନ୍ତି । ଏଥିରେ କେନ୍ଦ୍ର ସରକାର କହିଛନ୍ତି କି ଟିକାକରଣକୁ ନେଇ କେନ୍ଦ୍ର ସରକାରଙ୍କର ନୀତି ସମାନ ରହିଛି । ସରକାର ସବୁ ରାଜ୍ୟକୁ ଜନସଂଖ୍ୟା ତୁଳନାରେ ଟିକା ପ୍ରେରଣ କରୁଛନ୍ତି । ଏହାସହ ଏଭଳି ମହାମାରୀ ସମୟରେ ସରକାରଙ୍କ ଉପରେ ଅଦାଲତ ହସ୍ତକ୍ଷେପ କରିବାର ଏକ ସୀମା ରହିଛି । ଏହାସହ ଟିକାର ସମାନ ଦାମ ନେଇ କୋର୍ଟରେ ହୋଇଥିବା ଆବେଦନ ଉପରେ କେନ୍ଦ୍ର ସରକାର ରବିବାର ଦିନ ତାଙ୍କର ଶପଥନାମା କୋର୍ଟରେ ଦାଖଲ କରିଥିଲେ । ଏଥିରେ କୁହାଯାଇଛି କି, ରାଜ୍ୟ ମାନଙ୍କ ଅନୁରୋଧ ପରେ ୧୮ ରୁ ୪୪ ବର୍ଷର ଲୋକଙ୍କୁ ଟିକା ଦେବାକୁ କେନ୍ଦ୍ର ସରକାର ମଞ୍ଜୁରୀ ପ୍ରଦାନ କରିଥିଲେ । ଏହାସହ ପ୍ରତି ରାଜ୍ୟକୁ ସମାନ ଦରରେ ଟିକା ଦେବାକୁ ଟିକା ନିର୍ମାତା କମ୍ପାନୀ ମାନଙ୍କୁ ରାଜି କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଶପଥନାମାରେ ସରକାର କହିଛନ୍ତି କି ଏହି ନୀତି ନ୍ୟାୟ ସଙ୍ଗତ, ବିନା ଭେଦଭାବରେ ୧୮ ରୁ ୪୫ ବର୍ଷର ଲୋକଙ୍କୁ ଟିକାକରଣ ନିମନ୍ତେ କରାଯାଇଛି । ଏହାସହ ଏଭଳି ମାମଲାରେ କୋର୍ଟଙ୍କ ହସ୍ତକ୍ଷେପର ଆବଶ୍ୟକତା ନାହିଁ ବୋଲି ସରକାର କହିଛନ୍ତି ।
କହିରଖୁ କି କୋଭିଡ-୧୯ ଟିକା ମୂଲ୍ୟ ନିର୍ଦ୍ଧାଣ ଉପରେ ଆଉଥରେ ବିଚାର କରିବାକୁ କୋର୍ଟ ନିର୍ଦ୍ଦେଶ ଦେବା ପରେ କେନ୍ଦ୍ର ସରକାରଙ୍କ ତରଫରୁ ଏଭଳି ଶପଥନାମା କୋର୍ଟଙ୍କୁ ଦିଆଯାଇଛି । ଏହି ମାମଲାରେ ଆଜି ଶୁଣାଣି ହେବାର ଅଛି ।