ରାଜ୍ୟରେ କରୋନା ସ୍ଥିତି ନେଇ ସୁବ୍ରତ ବାଗଚୀଙ୍କ ସାମ୍ବାଦିକ ସମ୍ମିଳନୀ: ନିୟମ ଉଲ୍ଲଙ୍ଘନକାରୀଙ୍କ ଯୋଗୁଁ ସଂକ୍ରମଣ ବଢୁଥିବା ନେଇ ରଖିଲେ ଉଦାହରଣ; ସାମାନ୍ୟତମ ଲକ୍ଷଣରୁ ମୃତ୍ୟୁର ଦୂରତା ହୋଇପାରେ ୨୪ଘଂଟା
କନକ ବ୍ୟୁରୋ: ରାଜ୍ୟରେ କରୋନା ସ୍ଥିତି ନେଇ ସୁବ୍ରତ ବାଗଚୀଙ୍କ ସାମ୍ବାଦିକ ସମ୍ମିଳନୀ । ଲକ୍ଷଣ ନଲୁଚାଇବାକୁ ପରାମର୍ଶ ଦେଇଛନ୍ତି ସୁବ୍ରତ ବାଗଚୀ । ଲକ୍ଷଣ ଲୁଚାଇଲେ ସୁସ୍ଥରୁ ଭେଂଟିଲେଟରର ଦୂରତା କେବଳ ୨୪ଘଂଟାର ହୋଇପାରେ ବୋଲି ସତର୍କ କରାଇ ଦେଇଛନ୍ତି । ଏବଂ ସାମାନ୍ୟତମ ଲକ୍ଷଣରୁ ମୃତ୍ୟୁର ଦୂରତା କେବଳ ୨୪ଘଂଟା ହୋଇପାରେ ବୋଲି ସତର୍କ କରାଇ ଦେଇଛନ୍ତି । ଏହାସହ ନିୟମ ଉଲ୍ଲଙ୍ଘନକାରୀଙ୍କ ଯୋଗୁଁ ସଂକ୍ରମଣ ବଢୁଥିବା ନେଇ ଉଦାହରଣ ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବ୍ରହ୍ମପୁରର ଏକ ଉଦାହରଣ ଦେଇ ବାଗଚୀ କହିଛନ୍ତି ଯେ, ଲକଡାଉନ ଚାଲିଥିବା ସମୟରେ ବ୍ରହ୍ମପୁରର ଜଣେ ଗହଣା ଦୋକାନୀ ପଛପଟ କବାଟ ଦେଇ ଘର ଘର ବୁଲି ଗହଣା ବିକିଥିଲେ । ଏପରିକି କରୋନା ପଜିଟିଭ ଆସିବା ପରେ ମଧ୍ୟ ସେ ହୋମ୍ କ୍ୱାରେଂଟିନରେ ନ ରହି , ଘରୁ ଭୁବନେଶ୍ୱର ଲୁଚି ପଳାଇ ଆସିଥିଲେ । ଏହାପରେ ଲକ୍ଷଣ ବଢିବା ସହ ସେ ଭୁବନେଶ୍ୱରର ଅନେକ ଲୋକଙ୍କ ସଂସ୍ପର୍ଶରେ ଆସିଥିଲେ ଏବଂ ଘରୋଇ ମେଡିକାଲକୁ ପରୀକ୍ଷା ପାଇଁ ଗଲେ । ଏବେ ସେ ନିଜେ ବିପଦରେ ଅଛନ୍ତି, ଅନ୍ୟମାନଙ୍କୁ ବି ବିପଦକୁ ଟାଣିଆଣିଛନ୍ତି ବୋଲି ଉଦାହରଣ ଦେଇଛନ୍ତି କୋଭିଡ ମହାମାରୀକୁ ନେଇ ଲୋକଙ୍କଠାରେ ଅସାବଧାନତା ବିଷୟରେ କହିଛନ୍ତି ରାଜ୍ୟ ସରକାରଙ୍କ କୋଭିଡ ମୁଖପାତ୍ର ସୁବ୍ରତ ବାଗଚୀ ।
ତେବେ କୋଭିଡ ସମସ୍ତଙ୍କୁ ମାରୁନାହିଁ ସତ କିନ୍ତୁ ସୁସ୍ଥ ଦେଖାଯିବା ଏବଂ ଭେଂଟିଲେଟର ପର୍ଯ୍ୟନ୍ତ ପହଂଚିବାର ବ୍ୟବଧାନ ବହୁ କ୍ଷେତ୍ରରେ ମାତ୍ର ୨୪ ଘଂଟାଠାରୁ ମଧ୍ୟ କମ ରହୁଛି ବୋଲି ଚେତାବନୀ ଦେଇଛନ୍ତି ବାଗଚୀ । ତେଣୁ ଆମକୁ ମନେ ରଖିବାକୁ ହେବ କି ଆଶଙ୍କା କମିନାହିଁ, ଭୟ ସାଙ୍ଗରେ ସାବଧାନତାକୁ ବି ଆମକୁ ଗୁରୁତ୍ୱ ଦେବାକୁ ପଡିବ । ଜନ୍ମ ଦେଇଥିବା ବାପାମାଆଙ୍କ ମୁହଁକୁ ଅନେଇ ଆମକୁ ବିବେକର ସହ କାମ କରିବାକୁ ହେବ । ହୋମ କ୍ୱାରେଂଟିନକୁ ସଂପୂର୍ଣ୍ଣ ଭାବେ ଗୁରୁତର ସହିତ ଆମକୁ ମାନିବାକୁ ହେବ । ମାସ୍କ ପିନ୍ଧନ୍ତୁ, ମାସ୍କ ପିନ୍ଧାନ୍ତୁ ଏବଂ ଅନ୍ୟଙ୍କୁୁ କରୋନାର ଭୟାବହତା ସଂପର୍କରେ ସଚେତନ କରାଇବାକୁ ପରାମର୍ଶ ଦେଇଛନ୍ତି ରାଜ୍ୟ ସରକାର । ଘରେ ବସିଲେ ସମସ୍ତଙ୍କୁ ବିରକ୍ତ ଲାଗିବ, ତେଣୁ ଟାଇମ କରିବା ପାଇଁ ଗାଡି ଧରି ବାହାରକୁ ବାହାରି ଗଲେ ଟାଇମ ପାସ ତ ହୋଇଯିବ ସତ କିନ୍ତୁ ଲାଇଭ୍ ମଧ୍ୟ ଫେଲ ହେବାର ସମ୍ଭାବନା ରହିଛି । ତେଣୁ ଟାଇମ ପାସ୍ = ଲାଇଭ୍ ଫେଲ୍ । ଟାଇମ ପାସ୍ କରୁ କରୁ ଯଦି ଲାଇଭ ଫେଲ ହୋଇଗଲା ତେବେ ତାର ଦ୍ୱାୟିତ୍ୱ କିଏ ନେବ ବୋଲି ପ୍ରଶ୍ନ କରିଛନ୍ତି ସୁବ୍ରତ ବାଗଚୀ ।