ବଲିଉଡ୍ ସିନେମାକୁ ଆମେରିକା ରାଷ୍ଟ୍ରପତିଙ୍କ ପ୍ରଶଂସା : ସମଲିଙ୍ଗୀ ସଂପର୍କ ଉପରେ ଆଧାରିତ ଫିଲ୍ମ “ଶୁଭ ମଙ୍ଗଲ ଜ୍ୟାଦା ସାବଧାନ”କୁ ଟ୍ୱିଟରରେ ପ୍ରଶଂସା କଲେ ଡୋନାଲ୍ଡ ଟ୍ରମ୍ପ୍ ।

ଦେଶ ବିଦେଶମନୋରଞ୍ଜନ
By Sibani Panda
422

ପରଦାକୁ ଆସିଛି ବହୁପ୍ରତିକ୍ଷିତ ସିନେମା ଶୁଭ ମଙ୍ଗଲ ଜ୍ୟାଦା ସାବଧାନ । ୨୦୧୭ ରେ ରିଲିଜ ଶୁଭମଙ୍ଗଲ ସାବଧାନର ସିକ୍ୱେଲ ଭାବେ ନିର୍ମାଣ ହୋଇଛି ଏହି ସିନେମା । ମୁଖ୍ୟ ଭୂମିକାରେ ରହିଛି ଭର୍ସାଟାଇଲ ଅଭିନେତା ଆୟୁଷ୍ମାନ ଖୁରାନାଙ୍କ ଅଭିନୟ । ତେବେ ଖାସ୍ କଥା ହେଉଛି ବଲିଉଡ ଫିଲ୍ମ ‘ଶୁଭ ମଙ୍ଗଳ ଜ୍ୟାଦା ସାବଧାନ’କୁ ଆମେରିକା ରାଷ୍ଟ୍ରପତି ପ୍ରଶଂସା କରିଛନ୍ତି । ସମଲିଙ୍ଗୀ ସଂପର୍କ ଉପରେ ଆଧାରିତ ଏହି ରୋମାଂଟିକ କମେଡି ଫିଲ୍ମ ଗତକାଲି ରିଲିଜ ହେବା ପରେ ଦର୍ଶକ ସିନେମାକୁ ଖୁବ୍ ପସନ୍ଦ କରୁଛନ୍ତି ।

ସବୁଠାରୁ ଅଧିକ ଚର୍ଚ୍ଚାରେ ରହିଛି ଫିଲ୍ମଟିର ବିଷୟ। ଦେଶରେ ସମଲିଙ୍ଗି ସଂପର୍କକୁ ଆଇନସିଦ୍ଧ କରାଯିବା ପରେ ଏଭଳି ଏକ କାହାଣୀକୁ ନେଇ ତିଆରି ହୋଇଛି ଆୟୁଷ୍ମାନ ଖୁରାନା ଓ ଜିତେନ୍ଦ୍ର କୁମାରଙ୍କ ଅଭିନୀତ ଫିଲ୍ମ । ପ୍ରଥମେ ଏହି ଫିଲ୍ମର ଥିମକୁ ପ୍ରଶଂସା କରି ଟ୍ୱିଟ କରିଥିଲେ ଜଣେ ବ୍ରିଟିସ ସମାଜସେବୀ । ଯାହାକୁ ରି-ଟ୍ୱିଟ କରିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।

ଭାରତରେ ସମଲିଙ୍ଗି ସଂପର୍କକୁ ଆଇନସିଦ୍ଧ କରାଯାଇଛି । ଏହାପରେ ସମଲିଙ୍ଗି ସଂପର୍କକୁ ନେଇ ତିଆରି ହୋଇଥିଲା ବଲିଉଡ ଫିଲ୍ମ ଶୁଭ ମଙ୍ଗଳ ଜ୍ୟାଦା ସାବଧାନ । ଏହିି ସିନେମା ଲୋକଙ୍କ ଭିତରେ ଅଧିକ ସଚେତନତା ସୃଷ୍ଟି କରିବ ବୋଲି ଏହି ଟ୍ୱିଟର ପୋଷ୍ଟରେ କୁହାଯାଇଛି । ଏହାକୁ ରି-ଟ୍ୱିଟ କରି ଟ୍ରମ ଲେଖିଛନ୍ତି ଗ୍ରେଟ୍ ଅର୍ଥାତ ଅତି ଉତ୍ତମ ବୋଲି ତାଙ୍କ ମତାମତ ଦେଇଛନ୍ତି ।

ସମ୍ବନ୍ଧିତ ଖବର More from author