ମୋଦିଙ୍କୁ ଟ୍ରମ୍ପଙ୍କ କାର୍ଡ ! ଆମେରିକାରେ ଅତିଥି ହେବେ ନରେନ୍ଦ୍ର ମୋଦି
କନକ ବ୍ୟୁରୋ : ଆମେରିକାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିମନ୍ତ୍ରଣ । ଆମେରିକାର ଅତିଥି ହେବା ପାଇଁ ମୋଦିଙ୍କୁ ନିମନ୍ତ୍ରଣ କରିଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଏନେଇ ହ୍ୱାଇଟ୍ ହାଉସ୍ ପକ୍ଷରୁ ସୂଚନା ଦିଆଯାଇଛି । ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିଜେ ପ୍ରଧାନମନ୍ତ୍ରୀଙ୍କୁ ନିମନ୍ତ୍ରଣ କରିଛନ୍ତି ବୋଲି କୁହାଯାଇଛି । ତେବେ ମୋଦି କେବେ ଆମେରିକା ଯିବେ ସେ ନେଇ ତାରିଖ ସ୍ପଷ୍ଟ ହୋଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ ଶେଷ ଭାଗରେ ମୋଦି ଆମେରିକା ଯାଇପାରନ୍ତି ବୋଲି ଅନୁମାନ କରାଯାଉଛି ।ସୋମାବାର ଦିନ ଫୋନ୍ ଯୋଗେ ମୋଦିଙ୍କ ସହ ଡୋନାଲ୍ଡ ଟ୍ରମ୍ପ କଥା ହୋଇଥିଲେ ବୋଲି ସୂଚନା ମିଳିଛି । ଏହି ବର୍ତାଳାପ ସମୟରେ ବିଭିନ୍ନ ରାଜ୍ୟ ନିର୍ବାଚନରେ ବିଜେପିର ସଫଳତା ନେଇ ପ୍ରଧାନମନ୍ତ୍ରୀଙ୍କୁ ଟ୍ରମ୍ପ ଶୁଭେଛା ଜଣାଇଥିଲେ ବୋଲି କୁହାଯାଉଛି ।
ସେହିପରି ମୋଦିଙ୍କ ଆର୍ଥିକ ସଂସ୍କାର ପଦକ୍ଷେପକୁ ମଧ୍ୟ ଟ୍ରମ୍ପ ପ୍ରଶଂସା କରିଥିଲେ ବୋଲି କୁହାଯାଉଛି । ଟ୍ରମ୍ପ ଆମେରିକାର ରାଷ୍ଟ୍ରପତି ହେବା ପରେ ମୋଦିଙ୍କ ସହ ତିନି ଥର କଥା ହୋଇଛନ୍ତି । ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଥମ ସାକ୍ଷାତକୁ ଅପେକ୍ଷା କରିଛି ବିଶ୍ୱ ସମୁଦାୟ ।