ଇରାନ ପରମାଣୁ ଚୁକ୍ତିରୁ ଅଲଗା ହେଲା ଆମେରିକା : ଟ୍ରମ୍ପ ପ୍ରଶାସନର ଘୋଷଣା, ତେହେରାନ ଉପରେ ଲାଗିବ କଟକଣା । ଅନ୍ୟ ଦେଶ ସହାୟତା କଲେ ପଡିବେ ବିପଦରେ
କନକ ବ୍ୟୁରୋ : ଶେଷରେ ଇରାନ ପରମାଣୁ ଚୁକ୍ତିରୁ ଅଲଗା ହୋଇଗଲା ଆମେରିକା । ଇରାନ ସହ ପରମାଣୁ ଚୁକ୍ତି ଶେଷ କରିବା ନେଇ ଘୋଷଣା କରିଛି ଟ୍ରମ୍ପ ପ୍ରଶାସନ । ଏହା ସହ ୨୦୧୫ରେ ହୋଇଥିବା ଏହି ଗୁରୁତ୍ୱପୂର୍ଣ ପରମାଣୁ ଚୁକ୍ତିରୁ ଓହରି ଯାଇଛି ଆମେରିକା । ପରମାଣୁ ଚୁକ୍ତିରୁ ଅଲଗା ହେବା ସହ ଇରାନ ଉପରେ ଆର୍ଥିକ କଟକଣା ମଧ୍ୟ ଲାଗୁ କରାଯିବ ବୋଲି କହିଛନ୍ତି ଆମେରିକା ରାଷ୍ଟ୍ରପତି ଡେନାଲ୍ଡ ଟ୍ରମ୍ପ । ଏହା ସହ ଯଦି କୌଣସି ଦେଶ ଇରାନକୁ ଆଣବିକ ଅସ୍ତ୍ରଶସ୍ତ୍ର ସହାୟତା କରେ ତେବେ ସେହି ଦେଶ ବିରୋଧରେ ମଧ୍ୟ କଟକଣା ଲାଗୁ କରାଯିବ ବୋଲି ଟ୍ରମ୍ପ ଚେତାବନୀ ଦେଇଛନ୍ତି । ସେ କହିଛନ୍ତି ଏହା ଦ୍ୱାରା ବିଶ୍ୱକୁ ଏହା ବାର୍ତ୍ତା ଯିବ ଯେ ଆମେରିକା ଖାଲି ଧମକ ଦିଏନାହିଁ, ଏହାକୁ କାର୍ଯ୍ୟକାରୀ ମଧ୍ୟ କରେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଟ୍ରମ୍ପ ପ୍ରଶାସନର ଏପରି ନିଷ୍ପତ୍ତିକୁ ବଡ ଭୁଲ ବୋଲି କହିଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା । ସେ କହିଛନ୍ତି ଯେ ଏହା ଦ୍ୱାରା ସାରା ବିଶ୍ୱରେ ଆମେରିକାର ବିଶ୍ୱସନୀୟତା ହ୍ରାସ ପାଇବ । ଇରାନ ପରମାଣୁ ଚୁକ୍ତିରୁ ଆମେରିକା ଅଲଗା ହେବା ନେଇ ଫ୍ରାନ୍ସ, ଜର୍ମାନୀ ଓ ବ୍ରିଟେନ ମଧ୍ୟ ନିରାଶା ଜାହିର କରିଛନ୍ତି । ୨୦୧୫ରେ ଏହି ପରମାଣୁ ଚୁକ୍ତି ୬ଟି ପରମାଣୁ ଶକ୍ତି ସଂପନ୍ନ ରାଷ୍ଟ୍ର ଆମେରିକା, ବ୍ରିଟେନ୍, ଚୀନ୍, ଫ୍ରାନ୍ସ, ଜର୍ମାନୀ ଓ ଇରାନ ମଧ୍ୟରେ ହୋଇଥିଲା ।