/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/post_attachments/wp-content/uploads/2021/01/6-16.jpg)
କନକ ବ୍ୟୁରୋ: ଚିଲିକାରେ ଆରମ୍ଭ ହୋଇଛି ଡଲଫିନ ଗଣନା । ୧୮ଟି ଦଳରେ ୭୨ ଜଣ ଏହି ଗଣନା କାମରେ ସାମିଲ ହୋଇଛନ୍ତି । ସେଥିରୁ ୧୦ଟି ଦଳରେ ବାଲୁଙ୍ଗା ରେଂଜରେ ଓ ୮ଟି ଦଳ ସାତପଡ଼ା ରେଂଜରେ ଡ଼ଲଫିନ ଗଣନାରେ ସାମିଲ ହୋଇଛନ୍ତି । ବାଲୁଙ୍ଗାଁ ବନ୍ୟପ୍ରାଣୀ ବିଭାଗ ନେତୃତ୍ୱରେ ଏହି ଗଣନା କାର୍ଯ୍ୟ ଭୋର ୫ଟାରୁ ମାଧ୍ୟାହ୍ନ ୧୨ ଟା ପର୍ଯ୍ୟନ୍ତ ଚାଲିବ ।
/kanak/media/post_attachments/wp-content/uploads/2021/01/IMG-20210117-WA0017.jpg "publive-image")
ସେପଟେ, ଭିତରକନିକାରେ କୁମ୍ଭୀର ଗଣନା ଆରମ୍ଭ ହୋଇଯାଇଛି । ଗତ ୧୫ ତାରିଖଠାରୁ ୨୩ ତାରିଖ ଯାଏଁ ଏହି କୁମ୍ଭୀର ଗଣନା ଚାଲିବ । ଭିତରକନିକାର ନଦୀନାଳ ବିଶେଷକରି ରାଜନଗର ବନଖଣ୍ଡ ଅନ୍ତର୍ଗତ ରାଜନଗର ରେଞ୍ଜ, କନିକା ରେଞ୍ଜ, ଗହୀରମଥା ଓ ମହାକାଳପଡା ରେଞ୍ଜରେ କୁମ୍ଭୀର ଗଣନା କରାଯାଉଛି । ଏହି ଗଣନାରେ ଫରେଷ୍ଟର, ଫରେଡଗାର୍ଡ ସହ କର୍ମଚାରୀମାନେ ସାମିଲ ହୋଇଛନ୍ତି ।
/kanak/media/post_attachments/wp-content/uploads/2021/01/bhitarkanika_national_park_facts.jpg "publive-image")
ତେବେ କୁମ୍ଭୀର ଗଣନା କାର୍ଯ୍ୟ ପାଇଁ ୨୨ଟି ଦଳ ଗଠନ କରାଯାଇଛି । ରାଜନଗର ରେଞ୍ଜରେ ୭ଟି, କନିକା ରେଞ୍ଜରେ ୧୧ଟି , ଗହୀରମଥା ଓ ମହାକାଳପଡା ରେଞ୍ଜରେ ୨ଟି ଲେଖାଁଏ ଟିମ ଗଠନ କରାଯାଇଛି । ଏହି ସମୟରେ ଭିତରକନିକାରେ ଭିତରକନିକାରେ ପର୍ଯ୍ୟଟକଙ୍କୁ ଡଙ୍ଗାରେ ବୁଲିବା ନିଷେଧ କରାଯାଇଛି ।