ଦୁର୍ଗାପୂଜା ପରେ ଏବେ ଦୋଳ ବିମାନରେ ସୁନା କାରିଗରି । କଟକରେ ପ୍ରଥମ କରି ଦୋଳ ବିମାନରେ କରାଯାଉଛି ସୁନା କାମ, ଲାଗିବ ଅଢେଇ କେଜିର ସୁନା
କନକ ବ୍ୟୁରୋ : ସୁନା ଚାନ୍ଦି ମେଢ ପରେ ଏବେ ସୁନାର ଦୋଳ ବିମାନ । ଏବେ ବିମାନରେ ଦେଖିବାକୁ ମିଳିବ ସୁନା କାରିଗରୀର ଝଲକ । କଟକ ଅଲିଶା ବଜାରର ତାରକସୀ କାରିଗର ପ୍ରଦୀପ କୁମାର ପୃଷ୍ଟି ଲାଗିପଡିଛନ୍ତି ସୁନା ଦୋଳ ବିମାନ କାମରେ । ଅଢେଇ କେଜି ସୁନାରେ ତିଆରି ହେଉଥିବା ଏହି ବିମାନରେ ଖଂଯା ଯାଉଛି ସୁନା । ଅତି ସୂକ୍ଷ୍ମ କାରୁକାର୍ଯ୍ୟ ସବୁ କରାଯାଉଛି । ଆଉ ଲାଗିପଡିଛନ୍ତି ୪ରୁ ୫ ଜଣ କ।।ରିଗର । ଏବେ ବିମାନର ତଳ ପାଖ କାମ ସରିଥିବା ବେଳେ ଆସନ୍ତା ବର୍ଷ ଆହୁରି ଅଧିକ ସୁନାରେ ତିଆରି ବିମାନର ଉପର ଅଂଶ ତିଆରି କରାଯିବ ।
Kanak News is now on WhatsApp
Join and get latest news updates delivered to you via WhatsApp
କଟକ କାଠଗଡା ସାହି ମଦନ ମୋହନ ଜିଉ ପୂଜା କମିଟି ପକ୍ଷରୁ ଓଡ଼ିଶାରେ ପ୍ରଥମ ଥର ପାଇଁ ନିର୍ମାଣ କରାଯାଉଛି ସୁନାର ଦୋଳ ବିମାନ । ଆସନ୍ତା ୨୫ ତାରିଖରେ ଦୋଳ ପୁର୍ଣ୍ଣିମା ଥିବା ବେଳେ ପୂର୍ବରୁ ବିମାନ ସମ୍ପ୍ରୁ୍ଣ୍ଣ କରିବା ଲକ୍ଷ୍ୟ ରଖିିଛି କମିଟି । ମୋଟ ଅଢେଇ କିଲୋ ସୁନାର ବ୍ୟବହାର କରାଯାଇଛି । ଯାହାର ମୂଲ୍ୟ ପାଖାପାଖି ୨ କୋଟି ଟଙ୍କା ରହିଛି ।
ଚଳିତ ଦୋଳ ଯାତ୍ରାରେ କାଠଗଡା ସାହି ମଦନ ମୋହନ ଜିଉଙ୍କ ଦୋଳ ବିମାନ ଓଡ଼ିଶା ବାସୀଙ୍କ ଦୃଷ୍ଟି ଆକର୍ଷଣ ପାଲଟିବ ।