ସିଂହକୁ ସୁରକ୍ଷା ଦେବେ କୁକୁର ! ଆଇନ ଉଲ୍ଲଘଂନ କଲେ ହେବ ଜେଲ, ଜାଣନ୍ତୁ କେଉଁଠି ।
ଏଣିକି ଏସିଆର ସିଂହ ମାନଙ୍କର ସୁରକ୍ଷା ପାଇଁ କୁକୁର ମାନଙ୍କୁ ନିୟୋଜିତ କରାଯିବ । ତେବେ ଜଙ୍ଗଲ ଗୁଡିକରେ ବେଆଇନ ଭାବରେ ପ୍ରବେଶ କରି ସିଂହ ମାନଙ୍କ ପଛରେ ଗାଡି ଦୌଡାଇବା ଏବଂ ଶିକାରର ଭିଡିଓ କରିବା ଭଳି ମାମଲା ଦିନକୁ ଦିନ ବଢିବାରେ ଲାଗିଛି । ଏମିତି ଲୋକମାନଙ୍କୁ ସିଂହ ମାନଙ୍କ ପାଖରୁ ଦୂରେଇ ରଖିବା ପାଇଁ ଗୁଜୁରାଟ ପ୍ରଦେଶ ସରକାର ଏଣିକି ପ୍ରଶିକ୍ଷିତ କୁକୁର ମାନଙ୍କୁ ନିୟୋଜିତ କରିବା ପାଇଁ ନିଷ୍ପତ୍ତି ନେଇଛି । ବୁଧବାର ରାଜ୍ୟ ସରକାର ଏହି ଦିଗରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି । ଏଣିକି ବେଆଇନ ଭାବରେ ଜଙ୍ଗଲରେ ପ୍ରବେଶ କରି ସିଂହ ମାନଙ୍କୁ ହଇରାଣ କରୁଥିବା ଲୋକମାନଙ୍କ ବିରୋଧରେ ବନ୍ୟ ଅଧିନିୟମର ଧାରା ୯ ଅନ୍ତର୍ଗତ ମାମଲା ରୁଜୁ କରାଯିବ । ଏହି ଧାରାରେ ଅପରାଧୀ ଘୋଷିତ ହେଲେ ୭ବର୍ଷ ଜେଲ ଦଣ୍ଡରେ ଦଣ୍ଡିତ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ବିଜୟ ରୁପାଣିଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକ ପରେ ଜଙ୍ଗଲ ଏବଂ ପରିବେଶ ମନ୍ତ୍ରୀ ଗଣପତ ବସାବା କହିଛନ୍ତି ଯେ, ସିଂହମାନଙ୍କର ଯିବା ଆସିବା ବାଟରେ ବନ୍ୟ ପ୍ରାଣୀ ମିତ୍ର ମାନଙ୍କର ନିଯୁକ୍ତି କରାଯିବ । ଏହି ଅଞ୍ଚଳ ଗୁଡିକରେ ନୂଆ ଥାନା ସମତେ ୱେୟାରଲେସ ନେଟୱାର୍କ ମଧ୍ୟ ସ୍ଥାପନ କରାଯିବ । ଜଙ୍ଗଲର ପୂର୍ବ ଅଞ୍ଚଳରେ ନୂଆ ପର୍ଯ୍ୟଟନ ଜୋନ ବିକଶିତ କରାଯିବ । ସିଂହ ମାନଙ୍କର ସୁରକ୍ଷା ପାଇଁ ଜିଲ୍ଲା ସ୍ଥରରେ ଜିଲ୍ଲାପାଳଙ୍କ ଅଧ୍ୟକ୍ଷତାରେ ମନିଟରିଂ କମିଟି ଗଠନ କରାଯିବ ।