କଣ ସଚିନ ହେବାକୁ ଚାହୁଁଛନ୍ତି ଆଗାମୀ ବିସିସିଆଇ ଅଧ୍ୟକ୍ଷ? ପଢନ୍ତୁ କଣ କହିଲେ ଲିଟିଲ ମାଷ୍ଟର …
କନକ ବ୍ୟୁରୋ: କଣ ସଚିନ ହେବାକୁ ଚାହୁଁଛନ୍ତି ଆଗାମୀ ବିସିସିଆଇ ଅଧ୍ୟକ୍ଷ? ଏହି ପ୍ରଶ୍ନର ନିଜେ ଉତ୍ତର ରଖିଛନ୍ତି କ୍ରିକେଟର ସଚିନ ତେନ୍ଦୁଲକର । ବିସିସିଆଇ ଅଧ୍ୟକ୍ଷ ପଦକୁ ନେଇ ପ୍ରଶ୍ନରେ ସଚିନ ପ୍ରତିକ୍ରିୟା ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏକ କାର୍ଯ୍ୟକ୍ରମରେ ସଚିନଙ୍କୁ ପ୍ରଶ୍ନ କରାଯାଇଥିଲା ଯେ କଣ କେବେ ସଚିନ ବିସିସିଆଇ ଅଧ୍ୟକ୍ଷ ହେବାକୁ ଚାହୁଁଛନ୍ତି କି? ଏହାର ଉତ୍ତରରେ ସଚିନ ଅତି ମଜାଳିଆ ଢଙ୍ଗରେ ଜବାବ ରଖିଛନ୍ତି । ସେ କହିଛନ୍ତି, ମୁଁ ଦ୍ରୁତ ବୋଲିଂ କରେ ନାହିଁ । ଗୋଟିଏ ସମୟରେ ଯେତେବେଳେ ସୌରଭ ଗାଙ୍ଗୁଲି ୱିକେଟ ନେଉଥିଲେ ସେ ଘଣ୍ଟା ପ୍ରତି ୧୪୦ କିମି ବେଗରେ ବଲ ଫୋଫାଡୁଥିଲେ । ତେବେ ତାଙ୍କ ଅଣ୍ଟାରେ ଅସୁବିଧା ଦେଖାଦେଇଥିଲା । ସଚିନ ହସି ହସି କହିଥିଲେ ମୁଁ ୧୪୦ କମି ବେଗରେ ବୋଲିଂ କରେନାହିଁ । ହସି ହସି ସେ ଏହି ପ୍ରଶ୍ନକୁ ଟାଳି ଦେଇଥିଲେ । ଦ୍ରୁତ ବୋଲିଂର ଉଦାହରଣ ସେ ଏଥିପାଇଁ ଦେଉଥିଲେ କାହିଁକି ନା ବର୍ତ୍ତମାନର ବିସିସିଆଇ ସଭାପତି ରୋଜର ବିନ୍ନି ଜଣେ ଦ୍ରୁତ ବୋଲର ଏବଂ ପୂର୍ବତନ ଅଧନାୟକ ସୌରଭ ଗାଙ୍ଗୁଲି ମଧ୍ୟ ଜଣେ ମଧ୍ୟମ ଗତିର ଦ୍ରୁତ ବୋଲର । ତେଣୁ ସେ ଏହାର ମଜାଳିଆ ଢଙ୍ଗରେ ଉଦାହରଣ ଦେଇ ଉତ୍ତର ରଖିଥିଲେ ।