ସନ୍ତାନ ପାଇବା ଆଶାରେ ଡାକ୍ତରଖାନାକୁ ଗଲେ ମହିଳା ! ମହିଳାଙ୍କୁ ଧୋକା ଦେଇ ୮୯ ବର୍ଷୀୟ ଡାକ୍ତର ହେଲେ ୪୯ ପିଲାଙ୍କ ବାପା ।
ସନ୍ତାନଟିଏ ପାଇବା ପାଇଁ ବାପା ମା’ କେତେ ଦିଅଁ ଦେବତାକୁ ପୁଜନ୍ତି । ସମାଜର ଟାହିଟାପରାରୁ ବଚିଂବା ପାଇଁ ଡାକ୍ତର ଠାରୁ ଆରମ୍ଭ କରି ଠାକୁର ପର୍ଯ୍ୟନ୍ତ ସମସ୍ତଙ୍କ ପାଖକୁ ଯାଆନ୍ତି । କିନ୍ତୁ ଏହି ସମୟରେ ସେମାନେ ବେଳେବେଳେ ଠକାମୀର ଶିକାର ମଧ୍ୟ ହୋଇଯାଆନ୍ତି । ଏଭଳି ଏକ ଖବର ଏବେ ନ୍ୟାଦରଲ୍ୟାଣ୍ଡରୁ ଆସିଛି । ସନ୍ତାନ ପାଇଁ ଆଇଭିଏଫ୍ କ୍ଲିନିକ୍ ପ୍ରସିଦ୍ଧ ଥିବାରୁ ଏଠାକୁ ଅନେକ ସଂଖ୍ୟକ ରୋଗୀ ଆସିଥାନ୍ତି । କିନ୍ତୁ ମହିଳାଙ୍କୁ ଧୋକା ଦେଇ ଏଠାକାର ଡାକ୍ତର ୪୯ ଜଣ ପିଲାଙ୍କ ବାପା ହୋଇଛନ୍ତି । ଏଠାକାର ଡାକ୍ତର ଆଇଭିଏଫ୍ ପ୍ରସିଦ୍ଧ କ୍ଲିନିକ୍ ଚଲାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଡିଏନଏ ଟେଷ୍ଟରୁ ଜଣାପଡିଛି ଯେ ଜନ୍ କାରବତା ନାମରେ ଡାକ୍ତର କମ୍ ସେ କମ୍ ୪୯ ମହିଳାଙ୍କୁ ମା’ କରିବା ପାଇଁ ନିଜ ସ୍ପର୍ମର ବ୍ୟବହାର କରିଥିଲେ । ତେବେ ଏହି ସଂଖ୍ୟା ବଢିବାର ମଧ୍ୟ ଆଶଙ୍କା ରହିଛି । ୨୦୧୮ ରେ ଜନ୍ କାରବତାଙ୍କ ମୃତ୍ୟୁ ହୋଇଗଲା । କୋର୍ଟ ତରଫରୁ କୁହାଗଲା ଯେ ବାପାମା’କୁ ଡାକ୍ତରଙ୍କ ଡିଏନଏ ଟେଷ୍ଟ୍ ର ରେଜଲ୍ଟ ଦେଖାଯିବ । ଡାକ୍ତର ସ୍ପର୍ମ ଡୋନର୍ ସ୍ଥାନରେ ଧୋକାବାଜିରେ ନିଜ ସ୍ପର୍ମକୁ ବ୍ୟବହାର କରିଥିଲେ । ତେବେ ଜାଞ୍ଚ୍ ରେ ୪୯ ଜଣ ପିଲାଙ୍କ ଡିଏନଏ ମ୍ୟାଚ୍ କରିଥିଲା । ତେବେ ଏହି ଡାକ୍ତରଙ୍କ କ୍ଲିନିକ୍ ଏବେ ବନ୍ଦ ହୋଇଯାଇଛି । ୮୯ ବର୍ଷୀୟ ବୟସରେ ମୃତ୍ୟୁ ହୋଇଥିବା ଏହି ଡାକ୍ତର ସ୍ୱୀକାର କରିଥିଲେ ଯେ ସେ ୬୦ ଜଣ ଶିଶୁଙ୍କର ପିତା ହୋଇସାରିଛନ୍ତି ।