କଟକ ଏସସିବି ମେଡିକାଲରେ ଚାଲିଲା ଅନ୍ଧାରୀ ଚିକିତ୍ସା । ୧୫ ମିନିଟ ପାଇଁ ବିଜୁଳି ଚାଲିଯିବା ପରେ ଜରୁରୀକାଳୀନ ୱାର୍ଡରେ ଟର୍ଚ୍ଚ ଲଗାଇ ରୋଗୀ ଦେଖିଲେ ଡାକ୍ତର ।
କନକ ବ୍ୟୁରୋ : କଟକ ବଡ ମେଡିକାଲରେ ବଡ ବିଭ୍ରାଟ ସାମ୍ନାକୁ ଆସିଛି । ଏସସିବି ମେଡିକାଲ କଲେଜରେ ଅନ୍ଧାରୀ ଚିକିତ୍ସା ଭଳି ଉଦବେଗଜନକ ଚିତ୍ର ସାମ୍ନାକୁ ଆସିଛି । ଜରୁରୀକାଳୀନ ୱାର୍ଡରେ ଟର୍ଚ୍ଚ ଆଲୁଅରେ ଡାକ୍ତର ରୋଗୀ ଦେଖୁଥିବାର ଭିଡିଓ ଏବେ ରାଜ୍ୟର ସବୁଠାରୁ ବଡ ମେଡିକାଲର ଅବ୍ୟବସ୍ଥାକୁ ପଦାରେ ପକାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ରାତି ପ୍ରାୟ ସାଢେ ୯ଟାରେ କଟକ ଏସସିବି ମେଡିକାଲ କଲେଜରେ ୧୫ ମିନିଟ ପାଇଁ ବିଜୁଳି ଆଲୁଅ ଚାଲି ଯାଇଥିଲା । ଏହି ସମୟରେ ସେଠାରେ ଚିକିତ୍ସିତ ହେଉଥିବା ବ୍ୟକ୍ତି ଓ ଚିକିତ୍ସା କରୁଥିବା ଡାକ୍ତର ଟର୍ଚ୍ଚ ବ୍ୟବହାର କରି ଚିକିତ୍ସା କରିଥିଲେ । ତେବେ ଜରୁରୀକାଳୀନ ବିଭାଗକୁ ରୋଗୀ ତତକ୍ଷଣାତ ଚିକିତ୍ସା ପାଇଁ ଆସୁଥିବାବେଳେ କୌଣସି ବିକଳ୍ପ ବ୍ୟବସ୍ଥା ନରହିବା ବଡ ପ୍ରଶ୍ନବାସୀ ସୃଷ୍ଟି କରିଛି । ହସ୍ପିଟାଲ କର୍ତୃପକ୍ଷଙ୍କୁ ପଚାରିବାରୁ ୧୫ ମିନିଟ ପାଇଁ ବିଜୁଳି ଯାଇଥିଲା ଓ ପରେ ପରିସ୍ଥିତି ସ୍ୱାଭାବିକ ହୋଇଥିଲା ବୋଲି କହିଛନ୍ତି କଟକ ଏସସିବି ମେଡିକାଲର ଜରୁରୀକାଳୀନ ଅଧିକାରୀ ।