କନକ ବ୍ୟୁରୋ: ଖଣ୍ଡଗିରି ମେଳାରେ ଭଳିକି ଭଳି ବାବାଙ୍କୁ ତ ଆପଣ ଦେଖିଥିବେ । ହେଲେ ଜଣେ ଏପରି ବାବା ଅଛନ୍ତି ଯିଏ ଏବେ ସମସ୍ତଙ୍କ ପ୍ରିୟ ପାଲଟି ଯାଇଛନ୍ତି ତାଙ୍କର ଜନସେବାକୁ ନେଇ । ସେ ସାଧୁ ବି ,ସେ ଡାକ୍ତର ବି । ହଁ ଏକଥା ଆମେ କହୁନୁ, ତାଙ୍କର କାମ ଦେଖିଲେ ଆପଣ କହିବେ । ଖଣ୍ଡଗିରି ମେଳା ବୁଲି ଆସୁଥିବା ଲୋକ, ଏହି ବାବାଙ୍କ ଠାରୁ ଆଶୀର୍ବାଦ ସହ ନେଇ ଆସୁଛନ୍ତି ଗୋଟିଏ ଗୋଟିଏ ପ୍ରେସକ୍ରିପସନ୍ ଆଉ ଡାକ୍ତର ସାଜି ବାବା କରୁଛନ୍ତି ଚିକିତ୍ସା ।
Kanak News is now on WhatsApp
Join and get latest news updates delivered to you via WhatsApp
ଇପସିତା ନାମକ ଜଣେ ଡାକ୍ତର ଛାତ୍ରୀ ମଧ୍ୟ ବାବାଙ୍କ ମହିମା ଉପରେ ବିଶ୍ୱାସ ରଖି ତାଙ୍କ ଆଖି ସମସ୍ୟାକୁ ନେଇ ତାଙ୍କ ପାଖରୁ ଔଷଧ ଲେଖାଇ ନେଇଛନ୍ତି । ଯାହା ଆପଣ ଜାଣିଲେ ତାଜୁବ ହେବେ । କେବଳ ଇପସୀତା ନୁହଁନ୍ତି ତାଙ୍କ ପରି ଖଣ୍ଡଗିରି କୁମ୍ଭମେଳାକୁ ଆସିଥିବା ଶହ ଶହ ଲୋକଙ୍କ ଧାଡି ଲମ୍ବିଛି ଏହି ଡାକ୍ତର ବାବାଙ୍କ ପାଖକୁ । ଗୋଟିଏ ସ୍ଥାନରେ ମେଳା ବୁଲିବା, ବାବାଙ୍କ ସାନିଧ୍ୟ ଲାଭ ତା ସହିତ ରୋଗର ଉପଚାର । ଏପରି ସୁଯୋଗ ନେଇ ଅନେକ ଲୋକ ପ୍ରତିଦିନ ବାବାଙ୍କ ନିକଟରେ ପହଁଚି ରୋଗ କହି ଔଷଧ ଲେଖାଇ ନେଉଛନ୍ତି । ମହନ୍ତ ମୋହନ ଗିରି ନାଗା ସନ୍ୟାସୀଙ୍କ ଦାବି ହେଉଛି ସେ ଆୟୁର୍ବେଦିକ ଚିକିତ୍ସାରେ ରତ୍ନ କରିଛନ୍ତି । ଗୁରୁଙ୍କ କୃପା ବି ରହିଛି । ଏହା ବଳରେ ସବୁ ରୋଗର ସମାଧାନ ଦେଖାଇ ପାରୁଛନ୍ତି ।