ପ୍ରମାଣପତ୍ର ପାଇଁ ଲାଂଚ ମାଗୁଛନ୍ତି ଡାକ୍ତର । ଢେଙ୍କାନାଳ ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଅଧିକାରୀ ଲାଂଚ ମାଗୁଥିବା ବେଳର ଭିଡିଓ ଭାଇରାଲ
ଫିଟନେସ୍ ସାର୍ଟିଫିକେଟ ପାଇଁ ନେଉଥିଲେ ଟଙ୍କା
କନକ ବ୍ୟୁରୋ: ଡ୍ରାଇଭିଂ ଲାଇସନ୍ସର ଫିଟନେସ୍ ସାର୍ଟିଫିକେଟ୍ ଦେବାକୁ ଡାକ୍ତର ନେଉଛନ୍ତି ଲାଂଚ । ବିନା ଟଙ୍କାରେ କିଛି କାମ ହେବନି ବୋଲି ସିଧା ସିଧା ମନା କରିଦେଉଛନ୍ତି । ବାଧ୍ୟ ହୋଇ ଡ୍ରାଇଭିଂ ଲାଇସନ୍ସ ପାଇଁ ଫିଟନେସ୍ ସାର୍ଟିଫିକେଟ୍ ପାଇବାକୁ ଜଣକ ପିଛା ଶହେରୁ ଦୁଇ ଶହ ଟଙ୍କା ଦେଉଛନ୍ତି ଲୋକେ । ତେବେ ଲାଂଚ ନେବାର ଏପରି ଘଟଣା ସାମ୍ନାକୁ ଆସିଛି ଢେଙ୍କାନାଳ ଜିଲ୍ଲା ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ।
Kanak News is now on WhatsApp
Join and get latest news updates delivered to you via WhatsApp
ଫିଟନେସ୍ ସାର୍ଟିଫିକେଟ୍ ପାଇଁ ଟଙ୍କା ନେଉଥିବା ଡାକ୍ତର ଜଣକ ହେଉଛନ୍ତି ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଡାକ୍ତର ସ୍ଥିତପ୍ରଜ୍ଞ ମହାନ୍ତି । ଫିଟନେସ୍ ସାର୍ଟିଫିକେଟ୍ ଦେବାକୁ ଜଣ ପିଛା ଆଦାୟ କରୁଛନ୍ତି ଶହେ ରୁ ୨୦୦ ଟଙ୍କା । ତେବେ ଏହି ଟଙ୍କା ନେବା ସମୟର ଭିଡିଓ ଏବେ ଭାଇରାଲ ହେବାରେ ଲାଗିଛି । ରାଜ୍ୟ ସରକାର ସ୍ୱାସ୍ଥ୍ୟ ବିଭାଗରେ ଫାଇଭ୍ ଟି ଲାଗୁ କରିଥିବା ସମୟରେ ଡାକ୍ତର ସାର୍ଟିଫିକେଟ୍ ଦେବାକୁ ଏପରି ଲାଂଚ ନେବା ଭିଡିଓ ଚର୍ଚ୍ଚା ସୃଷ୍ଟି କରିଛି ।