ଆତଙ୍କବାଦୀଙ୍କୁ ଗୁଳି ମାରିବା ପୂର୍ବରୁ ବୀର ଯବାନ ମାନେ କ'ଣ ନିର୍ବାଚନ ଆୟୋଗଙ୍କ ଅନୁମତି ନେବେ? ଜାଣନ୍ତୁ ନିର୍ବାଚନ ସଭାରେ କାହିଁକି ଏମିତି କହିଲେ ମୋଦି

ସପ୍ତମ ତଥା ଅନ୍ତିମ ପର୍ଯ୍ୟାୟ ନିର୍ବାଚନ ପାଇଁ ଜୋରଦାର ପ୍ରଚାର କରୁଛନ୍ତି ପ୍ରଧାନମନ୍ତ୍ରୀ ମୋଦି । ଏସବୁ ଭିତରେ କୁଶୀନଗରରେ ଏକ ନିର୍ବାଚନ ସଭାରେ ଏକ ବଡ ବୟାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ନିର୍ବାଚନ ସଭାରେ ପୁଣିଥରେ ସେନାକୁ ସାମ୍ନାକୁ ଆଣିଛନ୍ତି ମୋଦି । ନିର୍ବାଚନ ସଭାରେ ମୋଦି କହିଛନ୍ତି, ଆଜି ସକାଳୁ କାଶ୍ମୀରରେ କିଛି ଆତଙ୍କବାଦୀଙ୍କୁ ଏନକାଉଣ୍ଟର କରିଥିଲେ ଆମ ବୀର ଯବାନ ମାନେ । କିନ୍ତୁ ଏହାକୁ ନେଇ ମଧ୍ୟ କିଛି ଲୋକ ପ୍ରଶ୍ନ ଉଠାଉଛନ୍ତି ଯେ, ମତଦାନ ଚାଲିଥିବା ଆତଙ୍କବାଦୀଙ୍କୁ କାହିଁକି ମାରିଲ ।

ଆତଙ୍କବାଦୀ ମାନେ ବୋମା ଓ ବନ୍ଧୁକ ଧରି ଆକ୍ରମଣ କରୁଛନ୍ତି । ଏଭଳି ସ୍ଥଳେ କଣ ଆତଙ୍କବାଦୀଙ୍କ ଉପରକୁ ଗୁଳି ଚଳାଇବା ପାଇଁ ଭାରତୀୟ ସେନା କଣ ନିର୍ବାଚନ ଆୟୋଗଙ୍କ ଅନୁମତି ଆଣିବେ । ବିରୋଧୀମାନେ ଏ କିଭଳି ନାଟକ କରୁଛନ୍ତି । ଜମ୍ମୁ-କାଶ୍ମୀରରେ ଆତଙ୍କବାଦୀଙ୍କୁ ନିପାତ କରିବାକୁ ଅପରେସନ ଚାଲୁଥିଲା ଓ ଆଗକୁ ମଧ୍ୟ ଚାଲିବ ବୋଲି କହିଛନ୍ତି ମୋଦି ।

ଏହାଛଡା ପରୋକ୍ଷରେ ମମତାଙ୍କୁ ଟାର୍ଗେଟ କରିବାକୁ ଭୁଲିନାହାନ୍ତି ମୋଦି । ନିର୍ବାଚନ ସଭାରେ କହିଛନ୍ତି, ରାମ ନାମ ଧରୁଥିବା ଲୋକଙ୍କୁ ଜେଲରେ ଭର୍ତ୍ତି କରୁଥିବା ବ୍ୟକ୍ତିଙ୍କୁ ଲୋକତାନ୍ତ୍ରିକ ଉପାୟରେ ଦଣ୍ଡ ଦେବା ପାଇଁ ବିଜେପିକୁ ଭୋଟ ଦେବାକୁ ଅପିଲ୍ କରିଛନ୍ତି ମୋଦି ।