ତୃତୀୟ ଲହର ନେଇ କେନ୍ଦ୍ରୀୟ ପ୍ୟାନେଲ ସତର୍କ କରାଇବା ପରେ ଓଡ଼ିଶାର ପ୍ରସ୍ତୁତି : ପିକ୍ ସମୟରେ ରାଜ୍ୟରେ ଦିନକୁ ଆସିପାରେ ୧୪ ହଜାର ମାମଲା
୨.୨ %ହାରରେ ୭୦୦ ଆଇସିୟୁ ବେଡ ଓ ଭେଂଟିଲେଟର ପ୍ରସ୍ତୁତ ରଖୁଛନ୍ତି ସରକାର
କନକ ବ୍ୟୁରୋ : ତୃତୀୟ ଲହର ନେଇ କେନ୍ଦ୍ରୀୟ ପ୍ୟାନେଲ ସତର୍କ କରାଇବା ପରେ କେତେ ପ୍ରସ୍ତୁତ ଅଛନ୍ତି ରାଜ୍ୟ ସରକାର । ଆଜି ଡିଏମ୍ଇଟି ସିବିକେ ମହାନ୍ତି କହିଛନ୍ତି, ତୃତୀୟ ଲହର ଶୀର୍ଷ ଛୁଇଁଲା ବେଳକୁ ଦେଶରେ ସର୍ବାଧିକ ଦୈନିକ ୪ ଲକ୍ଷ ମାମଲା ଆସିପାରେ ବୋଲି ଆକଳନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଓଡ଼ିଶାର ଜନସଂଖ୍ୟା ଦେଶର ୩.୬ ପ୍ରତିଶତ ହୋଇଥିବାରୁ ସେପ୍ଟେମ୍ବର ଅକ୍ଟୋବର ବେଳକୁ ରାଜ୍ୟରେ ଦିନକୁ ୧୪ ହଜାର ୪୦୦ ମାମଲା ଆସିପାରେ । ସେଥିପାଇଁ ବିଶେଷଜ୍ଞଙ୍କ ଆକଳନ ଆଧାରରେ ରାଜ୍ୟ ସରକାର ପ୍ରସ୍ତୁତି କରିଛନ୍ତି । ଦୈନିକ ୧୪ ହଜାର ଆକ୍ରାନ୍ତଙ୍କ ମଧ୍ୟରୁ ୨.୨ ପ୍ରତିଶତ ଅର୍ଥାତ୍ ୭୦ ଜଣଙ୍କୁ ଆଇସିୟୁ ବେଡ୍ ବିମ୍ବା ଭେଂଟିଲେଟରର ଆବଶ୍ୟକତା ରହିବ । ଏତିକି ସଂଖ୍ୟକ ରୋଗୀଙ୍କ ପାଇଁ ୧୦ ଦିନ ହିସାବରେ ୭୦୦ ଆଇସିୟୁ ବେଡ୍ ଆବଶ୍ୟକ ପଡିପାରେ ବୋଲି କହିଛନ୍ତି ଡିଏମ୍ଇଟି ।
ସେପଟେ ସ୍ୱାସ୍ଥ୍ୟ ନିର୍ଦ୍ଦେଶକଙ୍କ କହିବା ହେଲା, ତୃତୀୟ ଲହରରେ ଶିଶୁ ଓ କିଶୋରମାନେ ଅଧିକ ସଂକ୍ରମିତ ହୋଇପାରନ୍ତିି ବୋଲି ଆଶଂକା କରାଯାଉଛି । ତେଣୁ ହସ୍ପିଟାଲରେ ଶିଶୁଙ୍କ ଚିକିତ୍ସା ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଆବଶ୍ୟକ ପଡିଲେ, କୋଭିଡ୍ ହସ୍ପିଟାଲରେ ମଧ୍ୟ ଶିଶୁମାନଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯିବ । ବର୍ତମାନ ଦେଶରେ ୧୨ରୁ ୧୩ ପ୍ରତିଶତ ରହିଛି ଶିଶୁ ସଂକ୍ରମଣ ହାର । କରୋନାର ସଂକ୍ରମଣ ଶୀର୍ଷରେ ପହଂଚିଲା ବେଳକୁ ୧୦୦ ଜଣରେ ୨୩ ଜଣ ଶିଶୁଙ୍କୁ ହସ୍ପିଟାଲରେ ରଖି ଚିକତ୍ସା ଆବଶ୍ୟକ ପଡିପାରେ ।