ମୋଦି କହିଲେ ଆଗୁଆ ଆସିଲା ଦୀପାବଳି ! ଜିଏସଟି କାଉନସିଲର ନୂଆ ନିଷ୍ପତି ପରେ ୨୭ଟି ସାମଗ୍ରୀ ଉପରେ କମିଛି ଟିକସ
କନକ ବ୍ୟୁରୋ : ୧୫ ଦିନ ଆଗରୁ ଦେଶରେ ଆସିଛି ଦିୱାଲି । ଜିଏସଟି କାଉନସିଲ ବୈଠକରେ ୨୭ଟି ସାମଗ୍ରୀ ଉପରୁ ଟିକସ ହ୍ରାସ ପରେ ସମସ୍ତ ପ୍ରମୁଖ ଖବର କାଗଜ ଏଭଳି ହେଡ ଲାଇନ କରିଥିବା କହିଛନ୍ତି ପ୍ରଧାନମନ୍ତ୍ରୀ ମୋଦି । ୨ ଦିନିଆ ଗୁଜରାଟ ଗସ୍ତରେ ଥିବା ମୋଦି ଏକ ନିର୍ବାଚନୀ ରାଲିକୁ ସମ୍ବୋଧିତ କରି ଏଭଳି ପ୍ରତିକ୍ରିୟା ରଖିଛନ୍ତି । ଆସନ୍ତା ବର୍ଷ ଗୁଜରାଟରେ ବିଧାନସଭା ନିର୍ବାଚନ ହେବାକୁ ଥିବା ବେଳେ ପ୍ରଚାରକୁ ଜୋରଦାର କରିଛି ବିଜେପି ।
Kanak News is now on WhatsApp
Join and get latest news updates delivered to you via WhatsApp
ଜିଏସଟିକୁ ନେଇ କେନ୍ଦ୍ରରେ ମୋଦି ସରକାରଙ୍କୁ କଡା ସମାଲୋଚନା ପରେ ଏହି ପ୍ରସଙ୍ଗ ଉଠାଇ ଭୋଟରଙ୍କୁ ପ୍ରଭାବିତ କରିବାକୁ ଚେଷ୍ଟା କରିଛନ୍ତି ମୋଦି । ସାରା ଦେଶରେ ଏକକ ଟିକସ ବ୍ୟବସ୍ଥା ଲାଗୁ ହେବା ପରେ ବ୍ୟବସାୟୀଙ୍କ ସମସ୍ୟାର ସମାଧାନ ପାଇଁ ୩ ମାସର ଅବଧି ରଖିଥିଲେ କେନ୍ଦ୍ର ସରକାର । ଜିଏସଟିକୁ ନେଇ ଦେଖାଦେଉଥିବା ବିଭିନ୍ନ ସମସ୍ୟାକୁ ବିଚାର କରି ଏ ସଂପର୍କିତ କାଉନସିଲ ଆବଶ୍ୟକ ସଂଶୋଧନ କରିବ ବୋଲି ପ୍ରାବଧାନ କରାଯାଇଛି ।
ଗତକାଲି ଜିଏସଟି କାଉନସିଲ ବୈଠକରେ ନିଆଯାଇଥିବା ନୂଆ ନିଷ୍ପତିକୁ ସମସ୍ତେ ଏକ ସ୍ୱରରେ ସ୍ୱାଗତ କରିଥିବା ମୋଦି କହିଛନ୍ତି । ଗୁଜରାଟରେ ବିଭିନ୍ନ ପ୍ରକଳ୍ପର ଶିଳାନ୍ୟାସ କରିବା ସହ ବିରୋଧୀଙ୍କୁ ଟାର୍ଗେଟ କରିଛନ୍ତି ମୋଦି ।