ଜଗନ ମୋହନଙ୍କ ଏଜେଣ୍ଡାରେ ନାହିଁ କୋଟିଆ ପ୍ରସଙ୍ଗ । ଆନ୍ଧ୍ର ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ମିଳିଲା ସୂଚନା
କନକ ବ୍ୟୁରୋ : ଆସନ୍ତା ୯ ତାରିଖରେ ଆନ୍ଧ୍ର ପ୍ରଦେଶ ମୁଖ୍ୟମମନ୍ତ୍ରୀ ଓଡ଼ିଶା ଆସୁଥିବା ବେଳେ କୋଟିଆ ପ୍ରସଙ୍ଗ ଏଜେଣ୍ଡାରେ ନଥିବା ସୂଚନା ମିଳିଛି । ଆନ୍ଧ୍ର ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଏହି ସୂଚନା ମିଳିଛି । ଅର୍ଥାତ ଆନ୍ଧ୍ର ମୁଖ୍ୟମନ୍ତ୍ରୀଙ୍କ ପାଇଁ କୋଟିଆ ବିବାଦର ସମାଧାନ ପ୍ରମୁଖ ପ୍ରସଙ୍ଗ ନୁହେଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଅନ୍ୟ ୪ଟି ପ୍ରମୁଖ ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଆଲୋଚନା କରିବେ ଜଗନମୋହନ ରେଡ୍ଡୀ । ନାଗାବଳୀ ନାଗାବଳୀ, ଝଞ୍ଜାବତୀ ଓ ପୋଲାଭରମ ପ୍ରକଳ୍ପ ପ୍ରସଙ୍ଗରେ ଆଲୋଚନା ହେବ । ନାଗାବଳୀ ନଦୀରେ ନେରେଡି ବ୍ରିଜ ନେଇ ଆଲୋଚନା କରିବେ ଆନ୍ଧ୍ର ମୁଖ୍ୟମନ୍ତ୍ରୀ । ସେହିପରି ଝଞ୍ଜାବତୀ ନଦୀରେ ରବର ଡ୍ୟାମ ପ୍ରକଳ୍ପ ପୁଣି ଆରମ୍ଭ କରିବା ନେଇ ଆଲୋଚନା ହେବ । ପୋଲାଭରମ୍ ପ୍ରକଳ୍ପକୁ ନେଇ ମଧ୍ୟ ଆଲୋଚନା କରିବେ ୨ ମୁଖ୍ୟମନ୍ତ୍ରୀ । ସାବେରୀ ଓ ସିଲେରୁ ନଦୀ କୂଳରେ ଗାର୍ଡ ୱାଲ ନିର୍ମାଣ ନେଇ ମଧ୍ୟ ଆଲୋଚନା ହେବ ବୋଲି ଜଣାପଡ଼ିଛି । କାରଣ ଓଡ଼ିଶା ଓ ଛତିଶଗଡ଼ର ପ୍ରଭାବିତ ଅଂଚଳରେ ଗାର୍ଡ ୱାଲ ନିର୍ମାଣ ପାଇଁ ଆନ୍ଧ୍ରକୁ ନିର୍ଦ୍ଦେଶ ଦେଇଥିଲେ କେନ୍ଦ୍ରୀୟ ଜଳ ଆୟୋଗ ।