କନକ ବ୍ୟୁରୋ : ଟୋକିଓ ପାରାଅଲିମ୍ପିକ୍ସ ଡିସକସ ଥ୍ରୋରେ ଭାରତର ଯୋଗେଶ କଥୁନିଆ ରୌପ୍ୟ ପଦକ ଜିତିଛନ୍ତି । ଡିସକସ ଥ୍ରୋ ଏଫ୍୫୬ ଫାଇନାଲର ଦ୍ୱିତୀୟ ସ୍ଥାନରେ ରହିଥିଲେ ଯୋଗେଶ । ଷଷ୍ଠ ଓ ଶେଷ ପ୍ରୟାସରେ ୪୪.୩୮ ମିଟର ଫିଙ୍ଗି ରୌପ୍ୟ ପଦକ ନିଜ ନାଁରେ କରିଥିଲେ । ତାଙ୍କର ପ୍ରଥମ, ତୃତୀୟ ଓ ଚତୁର୍ଥ ପ୍ରାୟସ ବିଫଳ ହୋଇଥିଲା । ଦ୍ୱିତୀୟ ଓ ପଂଚମ ପ୍ରୟାସରେ ୪୨.୮୪ ଓ ୪୩.୫୫ ମିଟର ଫିଙ୍ଗିଥିଲେ । ବ୍ରାଜିଲ୍ ଖେଳାଳି ୪୫.୨୫ ମିଟର ଫିଙ୍ଗି ସ୍ୱର୍ଣ୍ଣ ପଦକ ଜିତିଥିଲେ । ଯୋଗେଶଙ୍କର ଏହା ହେଉଛି ପ୍ରଥମ ପାରା ଅଲିମ୍ପିକ୍ସ ।
Kanak News is now on WhatsApp
Join and get latest news updates delivered to you via WhatsApp
ପ୍ରାରମ୍ଭରୁ କଥୁରିୟା ‘ଫାଉଲ୍’ରୁ ଖେଳ ଆରମ୍ଭ କରିଥିଲେ। କିନ୍ତୁ, ଏହା ପରେ ସେ ୪୨.୮୪ ମିଟର୍ ଦୂରକୁ ଡିସ୍କସ୍ ଥ୍ରୋ’ କରିଥିଲେ। ଏହାପରେ ସେ ଏଥିରେ ଆହୁରି ପାରଦର୍ଶିତା ପ୍ରଦର୍ଶନ କରି ୪୩.୫୫ ମିଟର୍ ଦୂରକୁ ଡିସ୍କସ୍ ଥ୍ରୋ’ କଲେ । ଶେଷରେ ଚୂଡ଼ାନ୍ତ ପାଳିରେ ସେ ୪୪.୩୮ ମିଟର୍ ଦୂରକୁ ଡିସ୍କସ୍ ଫିଙ୍ଗି ରୌପ୍ୟ ପଦକ ଲାଭ କରିବା ଯୋଗ୍ୟତା ଅର୍ଜନ କରିଥିଲେ । ନୂଆଦିଲ୍ଲୀର କିରୋଡ଼ିମଲ୍ କଲେଜରୁ ବାଣିଜ୍ୟରେ ସ୍ନାତକ ଡିଗ୍ରି କରିଥିବା ୨୪ ବର୍ଷିୟ କଥୁରିୟା ୨୦୧୯ରେ ଦୁବାଇ ଚାମ୍ପିଅନ୍ସିପ୍ରେ କାଂସ୍ୟ ପଦକ ଜିଣିଥିଲେ ।