ଆସିଲା କଂଗ୍ରେସର ୪ର୍ଥ ପର୍ଯ୍ୟାୟ ପ୍ରାର୍ଥୀ ତାଲିକା । ରାଜଗଢରୁ ଲଢିବେ ଦିଗବିଜୟ, ବାରଣାସୀରୁ ଲଢିବେ ଅଜୟ ରାୟ ।
କନକ ବ୍ୟୁରୋ: ଆସିଲା କଂଗ୍ରେସର ଚତୁର୍ଥ ଲିଷ୍ଟ । କଂଗ୍ରେସର କେନ୍ଦ୍ରୀୟ ନିର୍ବାଚନ ସମିତି ଶନିବାର ଲୋକସଭା ନିର୍ବାଚନ ପାଇଁ ନିଜର ଚତୁର୍ଥ ପ୍ରାର୍ଥୀ ତାଲିକା ଘୋଷଣା କରିଛି । ଲିଷ୍ଟରେ ଥିବା ସୂଚନା ମୁତାବକ, କଂଗ୍ରେସର ବରିଷ୍ଠ ନେତା ଦିଗବଜିୟ ସିଂହ ରାଜଗଢ ଆସନରୁ ଲୋକସଭା ନିର୍ବାଚନ ଲଢିବେ । ସେହିପରି ବାରଣାସୀରୁ ପ୍ରଧାନମନ୍ତ୍ରୀ ମୋଦୀଙ୍କ ବିରୋଧରେ ଲଢିବେ କଂଗ୍ରେସ ନେତା ଅଜୟ ରାୟ ।
Kanak News is now on WhatsApp
Join and get latest news updates delivered to you via WhatsApp
Congress releases the fourth list of 46 candidates for the upcoming Lok Sabha elections.
Congress leader Digvijay Singh to contest from Rajgarh Lok Sabha Constituency, UP Congress President Ajay Rai from Varanasi, Imran Masood from Saharanpur, Virender Rawat from Haridwar and… pic.twitter.com/wpnr6kvoUr
— ANI (@ANI) March 23, 2024
ତେବେ ଗୁରୁତ୍ୱପୂର୍ଣ୍ଣ କଥା ହେଉଛି, କଂଗ୍ରେସର ନିଜର ଚତୁର୍ଥ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଥିଲେ ବି, ଏପର୍ଯ୍ୟନ୍ତ ରାୟବରେଲି ଓ ଆମେଥୀ ପାଇଁ ପ୍ରାର୍ଥୀ ଘୋଷଣା କରିନି । ଏଥର ଏହି ଲିଷ୍ଟରେ ୪୬ ଜଣ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି । ଯେଉଁଥିରେ ଉତ୍ତରପ୍ରଦେଶର ୯ ଜଣ ପ୍ରାର୍ଥୀ ଥିବାବେଳେ, ୨ ଜଣ ଉତ୍ତରାଖଣ୍ଡ, ମଧ୍ୟପ୍ରଦେଶର ୧୨ଟି ସିଟ୍ ପାଇଁ ପ୍ରାର୍ଥୀ ଘୋଷଣା ହେଇଛି ।
ଅନ୍ୟପଟେ ଓଡିଶାରୁ ମଧ୍ୟ କୌଣସି ପ୍ରାର୍ଥୀଙ୍କ ନାଁ ଘୋଷଣା କରିନି କଂଗ୍ରେସ । ଆଶା କରାଯାଉଥିଲା ଚତୁର୍ଥ ପର୍ଯ୍ୟାୟରେ ଓଡିଶାର କିଛି ଲୋକସଭା ଆସନ ପାଇଁ ଦଳ ପ୍ରାର୍ଥୀ ଘୋଷଣା କରିପାରେ । ହେଲେ ଏଥର ମଧ୍ୟ ପ୍ରାର୍ଥୀ ତାଲିକାରେ ଓଡିଶାର ନାଁ ନାହିଁ ।