ମୋଦି ସରକାରଙ୍କୁ ଦିଗବିଜୟ ସିଂହଙ୍କ ଚ୍ୟାଲେଂଜ : ସାହସ ଅଛି ଯଦି ମୋ ଉପରେ ମୋକଦ୍ଦମା କର

କଂଗ୍ରେସ ନେତା ଦିଗବିଜୟ ସିଂହଙ୍କ ତରଫରୁ ପୁଲୱାମା ଆତଙ୍କବାଦୀ ଆକ୍ରମଣକୁ ଦୁର୍ଘଟଣା କହୁଥିବା ଟ୍ୱିଟ୍ ଏବେ ବିବାଦୀୟ ହୋଇଯାଇଛି । ବିଜେପି ଏହି ଟ୍ୱିଟ୍ ରେ ଦିଗବିଜୟ ସିଂହଙ୍କୁ ଘେରିବାକୁ ଚେଷ୍ଟା କରିଛି । ସେପଟେ ଦିଗବିଜୟ ସିଂହ ଏହି ମାମଲାରେ ମୋଦି ସରକାରଙ୍କୁ ଚ୍ୟାଲେଂଜ କରିଛନ୍ତି ।

मेरे जिस ट्वीट पर आप व आपके मंत्री गण मुझे पाकिस्तान समर्थक मानते हैं देशद्रोही मानते हैं वह मैंने दिल्ली से किया था जहॉं की पुलिस केंद्र सरकार के अन्तर्गत आती है। अगर आप में साहस है तो मेरे ऊपर मुकदमा दायर करें।

— digvijaya singh (@digvijaya_28) March 6, 2019

ଦିଗବିଜୟ ସିଂହ କହିଛନ୍ତି କି, “ମୋର ଯେଉଁ ଟ୍ୱିଟ୍ ଉପରେ ଆପଣ ଏବଂ ଆପଣଙ୍କ ମନ୍ତ୍ରୀମାନେ ମତେ ପାକିସ୍ତାନ ସମର୍ଥକ ମାନୁଛନ୍ତି, ଦେଶଦ୍ରୋହୀ କହୁଛନ୍ତି । ଦିଲ୍ଲୀରୁ ମୁଁ ଟ୍ୱିଟ୍ କରିଥିଲି, ସେଠାକାର ପୁଲିସ କେନ୍ଦ୍ର ସରକାରଙ୍କ ଅଧିନରେ ଆସେ । ଯଦି ଆପଣଙ୍କ ଠାରେ ସାହସ ଅଛି, ତେବେ ମୋ ଉପରେ ମୋକଦ୍ଦମା କରନ୍ତୁ ।”

ସୂଚନାଯୋଗ୍ୟ, ଦିଗବିଜୟ ସିଂହ ଜୈଶ-ଏ-ମହମ୍ମଦର ଆତଙ୍କବାଦୀ କ୍ୟାମ୍ପ ଉପରେ ଭାରତୀୟ ବାୟୁସେନାର ଆକ୍ରମଣକୁ ନେଇ ଟ୍ୱିଟରେ ଲେଖିଥିଲେ କି, ପୁଲୱାମା ‘ଦୁର୍ଘଟଣା’ ପରେ ଆମର ବାୟୁସେନା ଦ୍ୱାରା କରାଯାଇଥିବା ଏୟାର ଷ୍ଟ୍ରାଇକ୍ ପରେ କିଛି ବିଦେଶୀ ମିଡିଆରେ ସନ୍ଦେହ ସୃଷ୍ଟି କରାଯାଉଛି, ଯେଉଁଥିରେ ଆମର ଭାରତ ସରକାରଙ୍କ ବିଶ୍ୱସନୀୟତା ଉପରେ ମଧ୍ୟ ପ୍ରଶ୍ନ ଚିହ୍ନ ଲଗାଯାଉଛି ।