ନୂଆ ନିୟମ ଆଣିଲେ ସରକାର : ଆସନ୍ତା ଆର୍ଥିକ ବର୍ଷରୁ କମିବ ଘରୋଇ କର୍ମଚାରୀଙ୍କ ଟେକହୋମ ସାଲାରି !
ମୋଟ ଦରମାର ୫୦ ପ୍ରତିଶତରୁ କମ୍ ହେବନି ବେସିକ ସାଲାରି; ବଢିବ ପିଏଫ ଓ ଗ୍ରାଚୁଇଟି ବାବଦରେ କର୍ମଚାରୀଙ୍କ ଅଂଶ
କନକ ବ୍ୟୁରୋ : ପ୍ରାଇଭେଟ କମ୍ପାନିରେ ଚାକିରି କରିଛନ୍ତି କି ? ତେବେ ଆସନ୍ତା ଆର୍ଥିକ ବର୍ଷରୁ ଘରକୁ କମ୍ ଦରମା ନେଇ ଆସିପାରନ୍ତି । କାରଣ କେନ୍ଦ୍ର ସରକାରଙ୍କ ନୂଆ ନିୟମ ଆଧାରରେ କର୍ମଚାରୀଙ୍କ ଦରମା ଢାଂଚାରେ ପରିବର୍ତନ ହୋଇପାରେ । ଘରୋଇ କର୍ମଚାରୀଙ୍କ ପାଇଁ ଧାର୍ଯ୍ୟ ପାରିଶ୍ରମିକ ନିୟମରେ କେତେକ ପରିବର୍ତନ କରିଛନ୍ତି କେନ୍ଦ୍ର ସରକାର । ଏହା ଆଗାମୀ ଆର୍ଥିକ ବର୍ଷ ଅର୍ଥାତ ୨୦୨୧ ଏପ୍ରିଲରୁ କାର୍ଯ୍ୟକାରୀ ହେବ ।
Kanak News is now on WhatsApp
Join and get latest news updates delivered to you via WhatsApp
ନୂଆ ନିୟମ ଅନୁସାରେ, କର୍ମଚାରୀଙ୍କୁ ମିଳୁଥିବା ଆଲାଉନ୍ସ ବା ଅନ୍ୟାନ୍ୟ ସୁବିଧା ବାବଦ ଅର୍ଥ, ମୂଳ ଦରମାର ୫୦ ପ୍ରତିଶତରୁ ଅଧିକ ହେବନାହିଁ । ଅର୍ଥାତ କର୍ମଚାରୀଙ୍କ ବେସିକ ସାଲାରୀ ବା ମୂଳ ଦରମା ୫୦ ପ୍ରତିଶତ ରହିବା ବାଧ୍ୟତାମୂଳକ । ତେଣୁ କମ୍ପାନିଗୁଡିକ ମୂଳ ଦରମାକୁ ବଢାଇବା ପାଇଁ ବାଧ୍ୟ ହେବେ । ଏପରି ହେଲେ ଗ୍ରାଚୁଇଟି କିମ୍ବା ପ୍ରୋଭିଡେଂଟ ଫଣ୍ଡ ବାବଦକୁ କର୍ମଚାରୀମାଙ୍କୁ ଅଧିକ ଟଙ୍କା ଦେବାକୁ ପଡିବ । ଫଳରେ କର୍ମଚାରୀଙ୍କ ଟେକ ହୋମ ସାଲାରି ଅର୍ଥାତ ଘରକୁ ନେଉଥିବା ଟଙ୍କା କମିଯିବ । ହେଲେ ଏହା କର୍ମଚାରୀଙ୍କ ସାମାଜିକ ସୁରକ୍ଷା ବୃଦ୍ଧି କରିବା ସହ ପେନସନ ଫଣ୍ଡକୁ ଅଧିକ ଟଙ୍କା ଦେବ । ଯାହା ତାଙ୍କ ଅବସରକାଳୀନ ସମୟକୁ ଅଧିକ ସୁଖଦ କରିପାରିବ ବୋଲି ବିଶେଶଜ୍ଞଙ୍କ ମତ ।