ସାଂସଦ ଅପରାଜିତା ଷଡଙ୍ଗୀଙ୍କ ବିରୋଧରେ ଅଭିଯୋଗ । କେନ୍ଦ୍ରଗୃହ ରାଷ୍ଟ୍ରମନ୍ତ୍ରୀଙ୍କୁ ଚିଠି ଲେଖିଲେ ଦିବ୍ୟଶଙ୍କର ମିଶ୍ର । ଅପରାଜିତାଙ୍କ ଜନ୍ମଦିନ ପଳନ ବେଳର ଭିଡିଓକୁ ନେଇ ଉଠାଇଲେ ଆପତ୍ତି ।
କନକ ବ୍ୟୁରୋ : ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀଙ୍କ ବିରୋଧରେ ପୁଣି ଅଭିଯୋଗ । ଏନେଇ କେନ୍ଦ୍ରଗୃହ ରାଷ୍ଟ୍ରମନ୍ତ୍ରୀଙ୍କୁ ଚିଠି ଲେଖିଲେ ଦିବ୍ୟଶଙ୍କର ମିଶ୍ର । ଅପରାଜିତାଙ୍କ ଜନ୍ମଦିନ ବେଳର ଭିଡିଓକୁ ନେଇ ସେ ଆପତ୍ତି ଉଠାଇଛନ୍ତି । ସାଂସଦ ବାରମ୍ବାର କୋଭିଡ ନିୟମ ଉଲ୍ଲଘଂନ କରିଥିବା ସେ ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ ଚିଠିରେ ଲେଖିଛନ୍ତି କି, ଏଭଳି ଦୟିତ୍ୱହୀନତା କାର୍ଯ୍ୟ ତାଙ୍କ ସହ ଅନ୍ୟମାନଙ୍କ ଜୀବନ ମଧ୍ୟ ବିପଦରେ ପଡୁଛି । ତାଙ୍କ ଏଭଳି ଆଚରଣ କୋଭିଡ ଯୋଦ୍ଧାଙ୍କ ମନୋବଳକୁ ଭାଙ୍ଗୁଛି । କୋଭିଡରେ ପ୍ରାଣ ହରାଉଥିବା ବ୍ୟକ୍ତିଙ୍କ ପାଇଁ ଏହା ଅପମାନ । ଏହାସହ ପ୍ରଧାନମନ୍ତ୍ରୀଙ୍କ ବାର୍ତ୍ତା ବିରୋଧରେ ତାଙ୍କ ଆଚରଣ ରହୁଛି । ସାଂସଦ କୋଭିଡ ନିୟମ ପାଳନରେ ସମସ୍ତଙ୍କ ଆଦର୍ଶ ହେବା କଥା ବୋଲି ଦିବ୍ୟ ଶଙ୍କର ମିଶ୍ର ଚିଠିରେ ଉଲ୍ଲେଖ କରିଛନ୍ତି ।
ଭୁବନେଶ୍ୱରରେ କରୋନାରେ ୧୦୯ ଜଣଙ୍କ ଜୀବନ ଯାଇଛି । ସେହିପରି ୫ ଜଣ କରୋନା ଯୋଦ୍ଧା ମଧ୍ୟ ପ୍ରାଣ ହରାଇଛନ୍ତି । ଏଭଳି ସମୟରେ ସାଂସଦଙ୍କ ଜନ୍ମଦିନ ପାଳନ ସ୍ଥିତିକୁ ପରିହାସ କରୁଛି ବୋଲି ସେ ଚିଠିରେ ଲେଖିଛନ୍ତି ।
ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗି ଜନ୍ମଦିନ ପାଳନ କରିଥିବା ବେଳେ ଏହି ଉତ୍ସବରେ ଶତାଧିକ କର୍ମୀ ଏକାଠି ହୋଇଥିବାର ଦେଖିବାକୁ ମିଳିଛି । ତେବେ ସାଂସଦଙ୍କ ଉପସ୍ଥିତିରେ ଚାଲିଥିଲା ନାଚ । ସାମାଜିକ ଦୂରତା ନଥିଲା । କେହି ମାସ୍କ ପିନ୍ଧି ନଥିଲେ । ସମସ୍ତେ ସାଂସଦଙ୍କ ଜନ୍ମଦିନ ପାଳନ କରିବାରେ ମସଗୁଲ ଥିଲେ ଆଉ ଭୁଲି ଯାଇଥିଲେ କରୋନା କଟକଣା । ସାଂସଦଙ୍କ ଜନ୍ମଦିନ ଉତ୍ସବର ଏହି ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେଉଛି । ସାଂସଦ ବାରମ୍ବାର ନିୟମ ଉଲଂଘନ କରୁଥିବାରୁ ତାଙ୍କ ବିରୋଧରେ ଅଭିଯୋଗ ଆଣିଛନ୍ତି ମନ୍ତ୍ରୀ ଦିବ୍ୟ ଶଙ୍କର ମିଶ୍ର ।