କନକ ବ୍ୟୁରୋ : ଶୀତ ବଢିିବା ସହିତ ବଢୁଛି ଶୁଖୁଆ ଚାହିଦା । ଏହାରି ଭିତରେ ସଜେଇ ହେଉଛି ସାରୁଅ ଏବଂ ରାଜସୁନାଖଳାର ସୁଖୁଆ ବଜାର । ଓଡିଆଙ୍କ ଖାଦ୍ୟରେ ରହିଛି ଏହି ଶୁଖୁଆର ଚାହିଦା । ଶୀତ ଦିନେ ପଖାଳ କଂସା ପାଖକୁ ଏହି ଶୁଖୁଆର ଅଧିକ ଖୋଜା ପଡୁଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ରାଜପଥ ୫୭ ନମ୍ବର ଖୋର୍ଦ୍ଧା ବଲାଙ୍ଗୀର ଯିବାର ବାଟ କଡରେ ପଡେ ସାରୁଅ ଆଉ ସେଠାରୁ ୧୫ କିମି ଯିବା ପରେ ପଡେ ରାଜସୁନଖଳା ବଜାର । ଏହି ବଜାର ଦୁଇଟି ଶୁଖୁଆ ମାର୍କେଟ ପାଇଁ ବେଶ୍ ଜଣାଶୁଣା । ଏହି ବାଟ ଦେଇ ଗାଡ଼ିରେ ଯିବା ବେଳେ ଶୁଖୁଆ ବାସ୍ନାରେ ଲୋକେ ଅଟକି ଯାଅନ୍ତି । ଆଉ ସାଥିରେ ମନ ପସନ୍ଦର ଶୁଖୁଆ କିଛି କିଣିନେବାକୁ ଭୁଲି ନଥାନ୍ତି ।
ଖାରପାଣିଆ, ଖାଇଙ୍ଗା, କୋକଳି, ଚିଙ୍ଗୁଡି, ଚାନ୍ଦି , କଦଳିମଞ୍ଜ, ଖଙ୍ଗା, ଲାଞ୍ଜି, ବୋରାଗ, କାଉଆ, ପଥରମୁଣ୍ଡି, ଇଲିସି, ଲୁଣି ଆଉ ଚିଙ୍ଗୁଡିକୁ ମିଶାଇଲେ ୭୦ରୁ ଅଧିକ ପ୍ରକାର ଶୁଖୁଆ ମିଳୁଛି ଏହି ବଜାରରେ । ରାସ୍ତା କଡରେ ସବୁ ରହିଛି ଧାଡିକୁ ଧାଡି । ଅନ୍ୟ ଦୋକାନ ଅପେକ୍ଷା, ଏଠାରେ ଶୁଖୁଆ ଦୋକାନରେ ଭିଡ ହୋଇଥାଏ । ଶୁଖୁଆ ଦାମ ୧୦୦ ଟଙ୍କାରୁ ନେଇ ଦୁଇ ହଜାର ଟଙ୍କା ଯାଏଁ ରହିଛି । ଉଭୟ ଗ୍ରାହକ ଓ ବ୍ୟବସାୟୀ ସଭିଏଁ ଏଠାରୁ ଶୁଖୁଆ କିଣି ନେବାକୁ ଆସିଥାନ୍ତି ।