ସେପ୍ଟେମ୍ବର ୧୯ରେ ମୁହାଁମୁହିଁ ହେବେ ଭାରତ-ପାକିସ୍ତାନ ! ଅଭିଯାନ ପୂର୍ବରୁ ପରସ୍ପରକୁ ଅଭିବାଦନ ଜଣାଇଲେ ଦୁଇ ଦଳର ତାରକା ଖେଳାଳୀ ।
ଗତକାଲି ଠାରୁ ଆରମ୍ଭ ହୋଇଛି ଏସିଆର ସବୁଠାରୁ ବଡ କ୍ରିକେଟ୍ ଟୁର୍ଣ୍ଣାମେଣ୍ଟ ଏସିଆ କପ୍ । ଉଦଘାଟନୀ ମ୍ୟାଚରେ ମୁହାଁମୁହିଁ ହୋଇଥିଲେ ବାଂଲାଦେଶ ଏବଂ ଶ୍ରୀଲଙ୍କା । ଯେଉଁଥିରେ ଶ୍ରୀଲଙ୍କାକୁ ଏକ ବଡ ରନ ବ୍ୟବଧାନରେ ପରାସ୍ତ କରିଥିଲା ବାଂଲାଦେଶ । ତେବେ ସମସ୍ତଙ୍କ ନଜର ସେପ୍ଟେମ୍ବର ୧୯ ତାରିଖକୁ । କାରଣ ଏହି ଦିନ ମୁହାଁମୁହିଁ ହେବେ ଦୁଇ ପ୍ରମୁଖ ପାରମ୍ପରିକ ପ୍ରତିଦ୍ୱନ୍ଦୀ ଦଳ ଭାରତ ଏବଂ ପାକିସ୍ତାନ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏସିଆ କପ୍ ଅଭିଯାନ ଆରମ୍ଭ କରିବା ପୂର୍ବରୁ ଭାରତୀୟ କ୍ରିକେଟ୍ ଦଳ ଦୁବାଇରେ ଥିବା ଆଇସିସି ଏକାଡେମିରେ ଅଭ୍ୟାସ ଆରମ୍ଭ କରିଛି । ପାରମ୍ପରିକ ପ୍ରତିଦ୍ୱନ୍ଦ୍ୱୀ ପାକିସ୍ତାନ ମଧ୍ୟ ସେଠାରେ ତିନି ଦିନ ପୂର୍ବରୁ ଡେରା ପକାଇଛି। ଏହି ଅବସରରେ ଉଭୟ ଦଳର ଦୁଇ ଅଭିଜ୍ଞ ତାରକା ମହେନ୍ଦ୍ର ସିଂହ ଧୋନି ଓ ସୋଏବ ମଲ୍ଲିକ କରମର୍ଦ୍ଦନ କରିବା ସହ ପରସ୍ପରକୁ ଅଭିବାଦନ ଜଣାଉଥିବା ଦେଖିବାକୁ ମିଳିଛି। ଧୋନି, ଅମ୍ବାତି ରାୟୁଡୁ, ମନୀଷ ପାଣ୍ଡେ, କେଦାର ଯାଦବ, କୁଲଦୀପ ଯାଦବ, ୟୁଜବେନ୍ଦ୍ର ଚହଲ, ଭୁବନେଶ୍ୱର କୁମାର ଓ ରୋହିତ ଶର୍ମା ଅଭ୍ୟାସ କରିଥିଲେ। ଭାରତ ତା’ ଅଭିଯାନ ମଙ୍ଗଳବାର ହଂକଂ ବିପକ୍ଷରେ ଆରମ୍ଭ କରିବ। ପରଦିନ ପାକିସ୍ତାନ ସହ ମୁକାବିଲା କରିବ।