JSW ପ୍ରକଳ୍ପକୁ କିଏ ଦେଉଛି ସମର୍ଥନ କିଏ କରୁଛି ବିରୋଧ । ପୁଲିସ ସହ ଗ୍ରାମବାସୀ ମୁହାଁମୁହିଁ ହେବା ପରେ ବଦଳୁଛି ଚିତ୍ର ।
କନକ ବ୍ୟୁରୋ : ପ୍ରକଳ୍ପକୁ ନେଇ ଦୁଇ ଭାଗ ହେଲେ ଦୁଇ ପଡୋଶୀ ଗାଁ । ଜଗତସିଂହପୁର ଢ଼ିଙ୍କିଆ ପଞ୍ଚାୟତରେ ଜେଏସଡବ୍ଲୁ ପ୍ରକଳ୍ପ ସମର୍ଥନରେ ବାହାରିଛନ୍ତି ଗୋବିନ୍ଦପୁର ଗାଁ । କମ୍ପାନୀ ପକ୍ଷରୁ ପ୍ୟାକେଜ୍ ଘୋଷଣା ପରେ ପ୍ରଶାସନର ଉପସ୍ଥିତିରେ ଗୋବିନ୍ଦପୁର ଗାଁର ୬ ପରିବାର ନିଜ ନିଜ ପାନ ବରଜ ଭାଙ୍ଗି ଜେଏସଡବ୍ଲୁ ପ୍ରକଳ୍ପକୁ ସମର୍ଥନ ଜଣାଇଛନ୍ତି । ଅନ୍ୟପକ୍ଷରେ ପ୍ରକଳ୍ପ ବିରୋଧରେ ଗାଁମୁଣ୍ଡରେ ବାଉଁଶରେ ତାଟି କରି ତାଲା ପକାଇ ଜଗିବସିଛନ୍ତି ଗ୍ରାମବାସୀ ।
Kanak News is now on WhatsApp
Join and get latest news updates delivered to you via WhatsApp
ଜଗତସିଂହପୁର ଜିଲ୍ଲା ଏରସମା ବ୍ଲକ ଢ଼ିଙ୍କିଆ ପଞ୍ଚାୟତରେ ଜେଏସଡବ୍ଲୁ ପ୍ରକଳ୍ପକୁ ନେଇ ଦୁଇଭାଗ ହୋଇଛନ୍ତି ପଡୋଶୀ ଦୁଇ ଗାଁ । କମ୍ପାନୀ ପକ୍ଷରୁ ପ୍ୟାକେଜ୍ ଘୋଷଣା ପରେ ପାନବରଜ ଭାଙ୍ଗିଛନ୍ତି ଗୋବିନ୍ଦପୁର ଗାଁ ଲୋକ । ପ୍ରଶାସନର ଉପସ୍ଥିତିରେ ଗୋବିନ୍ଦପୁର ଗାଁର ୬ ପରିବାର ନିଜ ନିଜ ପାନ ବରଜ ଭାଙ୍ଗି ଜେଏସଡବ୍ଲୁ ପ୍ରକଳ୍ପକୁ ସମର୍ଥନ କରିଛନ୍ତି । ଅନ୍ୟପଟେ ପ୍ରକଳ୍ପ ବିରୋଧରେ ଗାଁମୁଣ୍ଡରେ ବାଉଁଶରେ ତାଟି କରି ତାଲା ପକାଇ ଜଗିବସିଛନ୍ତି ଗ୍ରାମବାସୀ । ଛୋଟ ଛୋଟ ପିଲାଙ୍କୁ ଆଗରେ ରଖି ବିରୋଧ ଜାରି ରଖିଛନ୍ତି ଢ଼ିଙ୍କିଆ ଗାଁର ଲୋକେ ।
ଜେଏସଡବ୍ଲୁ ପ୍ରକଳ୍ପକୁ ନେଇ ଢ଼ିଙ୍କିଆ ପଞ୍ଚାୟତର ଲୋକେ ଦୁଇଭାଗରେ ଭାଗ ହୋଇଥିବାବେଳେ ପୋଲିସ ଫ୍ଲାଗମାର୍ଚ୍ଚ କରିଛି । ଗାଁ ଭିତରେ ପଶି ଆନ୍ଦୋଳନକାରୀ ଗ୍ରାମବାସୀଙ୍କୁ ଘଉଡାଇବା ପାଇଁ ଉଦ୍ୟମ କରିଛି । ଏପରିକି କେତେକ ଗ୍ରାମବାସୀଙ୍କୁ ମାଡ ମାରିଥିବା ଅଭିଯୋଗ ହୋଇଛି । ଯାହାଫଳରେ ପୁଣି ଥରେ ଚର୍ଚ୍ଚାକୁ ଆସିଛି ଢ଼ିଙ୍କିଆ ପଂଚାୟତ ।
ପୋସ୍କୋ କମ୍ପାନୀ ଯେତେବେଳେ ଏହି ସ୍ଥାନରେ କମ୍ପାନୀ ପ୍ରତିଷ୍ଠା ପାଇଁ ଜମି ଅଧିଗ୍ରହଣ କାର୍ଯ୍ୟ ଆରମ୍ଭ କରିଥିଲା ସେତେବେଳେ ଦେଖିବାକୁ ମିଳିଥିଲା ଏମିତି ଦୃଶ୍ୟ । ହେଲେ, ପୋସ୍କୋ ପ୍ରକଳ୍ପରୁ ଓହରିଯିବା ପରେ ଶାନ୍ତ ପଡିଥିଲା ଢ଼ିଙ୍କିଆ ଅଂଚଳ । ଯାହା ଏବେ ଆଉ ଥରେ ଅଶାନ୍ତ ହୋଇଛି ।