ସେଲଟର ହୋମର ଡାର୍ଟି ଡାଡି । ଢେଙ୍କାନାଳ ପରେ ଫୁଲନଖରାକୁ ବ୍ୟାପିଲା ସେଲଟର ହୋମର ନିଆଁ
ଫୁଲନଖରା ସ୍ଥିତ ଗୁଡ ଇଣ୍ଡିଆ ସେଲଟର ହୋମ ଆଗରେ ସ୍ଥାନୀୟ ଲୋକଙ୍କର ପୋଡାଜଳା ।
କନକ ବ୍ୟୁରୋ:ଫୁଲନଖରାକୁ ବ୍ୟାପିଲା ଢେଙ୍କାନାଳ ସେଲଟର ହୋମର ନିଆଁ । ଫୁଲନଖରା ସ୍ଥିତ ଗୁଡ ଇଣ୍ଡିଆ ସେଲଟର ହୋମ ଆଗରେ ସ୍ଥାନୀୟ ଲୋକଙ୍କର ପ୍ରତିବାଦ ସହ ପୋଡାଜଳା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଢେଙ୍କାନାଳ ବେଲଟିଗିରିି ଠାରେ ଥିବା ଗୁଡ ନ୍ୟୁଜ ଇଣ୍ଡିଆ ନାମକ ସ୍ୱେଚ୍ଛାସେବୀ ଅନୁଷ୍ଠାନ ଭିତରେ ନିର୍ଯାତନା ଦିଆଯାଉଥିବାର ଅଭିଯୋଗ ହୋଇଛି । ଘଟଣା ପଦାକୁ ଆସିବା ପରେ ଏହି ଅଭିଯୋଗ କରିଥିବା ଦୁଇ ପିଲାଙ୍କୁ ଜୋରଜବରଦସ୍ତ ତାଙ୍କ ଘରକୁ ପଠାଇ ଦିଆଯାଇଥବାର ସୂଚନା ମିଳିଛି । ଏହାସହ ଘଟଣା ସର୍ମ୍ପକରେ ସଂସ୍ଥାର ଏକ ଇଂଟରନାଲ ମେଲ କନକ ନ୍ୟୁଜର ହସ୍ତଗତ ହୋଇଛି । ଭୁବନେଶ୍ୱରରେ ଥିବା ସଂସ୍ଥାର ହେଡ ଅଫିସରୁ ସେଲଟର ହୋମ ପରିଚାଳକଙ୍କୁ ଏହି ମେଲ ପଠାଯାଇଛି ।
ଯେଉଁଥିରେ ଘଟଣା ସମ୍ପର୍କରେ ପିଲାମାନେ କଣ ପ୍ରତିକ୍ରିୟା ରଖିବେ ସେ ନେଇ ସମ୍ପୂର୍ଣ୍ଣ ନିର୍ଦ୍ଦେଶ ଦିଆଯାଇଛି । ଏପରିକି ଝିଅ ମାନଙ୍କ ସମ୍ବେଦନଶୀଳ ଅଙ୍ଗକୁ ଛୁଇଁବା ଓ ଚୁମ୍ବନ ଦେବା ଆଦି ସର୍ମ୍ପକରେ ତାଙ୍କୁ ପଚରାଗଲେ ସିଧାସଳଖ ମନା କରିବା ପାଇଁ ମଧ୍ୟ ଏହି ମେଲ ଜରିଆରେ ନିର୍ଦ୍ଦେଶ ଦିଆଯାଇଛି । ଗୁଡ ନ୍ୟୁଜ ଇଣ୍ଡିଆ ସଂସ୍ଥାର ମୁଖ୍ୟ ଫୟାଜ ରେହେମାନ ଝିଅଙ୍କ ସମ୍ବେଦନଶୀଳ ଅଙ୍ଗକୁ ଛୁଇଁବା ସହ ତାଙ୍କୁ ଚୁମ୍ବନ ଦେଉଥିବାର ଅଭିଯୋଗ ହୋଇଥିଲା । ଫୟାଜ ରେହେମାନ ସେଲଟର ହୋମର ପୁଅଙ୍କୁ ଏଭଳି ସ୍ନେହ କରିବାକୁ ଚାହୁଁ ନଥିବା ବେଳେ କେବଳ ଝିଅଙ୍କୁ ସ୍ନେହ କରିବା ବାହାନାରେ ଅସଦାଚରଣ କରିଥିବା ଅଭିଯୋଗ ହୋଇଛି ।