ମୁଖ୍ୟମନ୍ତ୍ରୀଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରଶ୍ନ । ପଚାରିଲେ, ‘ରତ୍ନଭଣ୍ଡାର ଚାବି କିଏ ହଜେଇଲା, ଡୁପ୍ଲିକେଟ ଚାବି କିଏ ବନେଇଲା’?
କନକ ବ୍ୟୁରୋ: ବିଜେପି ଉପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବକ୍ତବ୍ୟ ପରେ ଜବାବ ରଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କହିଛନ୍ତି ମୁଖ୍ୟମନ୍ତ୍ରୀଙ୍କ ଅଣଓଡିଆ ପାର୍ଶ୍ୱଚରମାନେ ଘେରିକି ଅଛନ୍ତି । ମୁଖ୍ୟମନ୍ତ୍ରୀଙ୍କୁ ଗ୍ୟାଙ୍ଗ ଅ୍ରଫ୍ ଫୋର ଭଳି ଘେରି ତାଙ୍କୁ ବାସ୍ତବତା ଜଣାଉନାହାଁନ୍ତି । ଅନେକ ଗୁରୁତ୍ୱପୂର୍ଣ୍ଣ ବିଷୟ ମୁଖ୍ୟମନ୍ତ୍ରୀଙ୍କୁୁ ବ୍ୟକ୍ତିଗତ ଭାବେ ଜଣାନାହିଁ । ତାଙ୍କୁ ଲେଖିକି ଯାହା ଦିଆଯାଉଛି ସେ ତାକୁ ଦୋହରାଉଛନ୍ତି । ମୁଖ୍ୟମନ୍ତ୍ରୀ କହୁଛନ୍ତି, ଓଡିଆ ଭାଷାକୁ ଶାସ୍ତ୍ରୀୟ ଭାଷାର ମାନ୍ୟତା ବାବଦରେ କେନ୍ଦ୍ର ପକ୍ଷରୁ ଟଙ୍କାଟିଏ ବି ଦିଆଯାଇନାହିଁ । ୨୦୧୪ରେ ଓଡିଆକୁ ଶାସ୍ତ୍ରୀୟ ମାନ୍ୟତା ଦିଆଯିବା ପରେ କେନ୍ଦ୍ର ସିଆଇଆଇ ରାଜ୍ୟ ସରକାରଙ୍କୁ ଅନୁଷ୍ଠାନ ଖୋଲିବାକୁ ଜାଗା ମାଗିଥିଲା । ହେଲେ ଜାଗାଟିଏ ଯୋଗାଇବାକୁ ରାଜ୍ୟ ସରକାରଙ୍କୁ ବର୍ଷ ବର୍ଷ ଲାଗିଗଲା । ମୁଖ୍ୟମନ୍ତ୍ରୀ ବୋଧେ ଭୁଲିଯାଇଛନ୍ତି ଯେ ଓଡିଆ ଭାଷାର ଗବେଷଣା କରିବାକୁ କେନ୍ଦ୍ର ପକ୍ଷରୁ ୩୦ କୋଟି ଟଙ୍କା ଆର୍ଥିକ ସହାୟତା ଦିଆଯାଇଛି । ଓଡିଶା ରିସର୍ଚ୍ଚ ସେଣ୍ଟର ଖୋଲାଯିବା ସହ ପଶ୍ଚିମ ଓଡିଶାର ଭାଷା ଓ ସଂସ୍କୃତିର ଗବେଷଣା ପାଇଁ ସମ୍ବଲପୁର ଆଇଆଇଏମରେ ରଙ୍ଗବତୀ ସେଣ୍ଟର ପ୍ରତିଷ୍ଠା କରାଯାଇଛି । ଆଦିବାସୀ ଭାଷାରେ ବର୍ଣ୍ଣବୋଧ ମଧ୍ୟ ପ୍ରସ୍ତୁତ କରାଯାଇଛି । କିନ୍ତୁ ଏସବୁ ବାବଦରେ ମୁଖ୍ୟମନ୍ତ୍ରୀଙ୍କୁ ତାଙ୍କର ସହଯୋଗୀମାନେ ଅବଗତ କରିନାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ଧର୍ମେନ୍ଦ୍ର କହିଛନ୍ତି, ‘ମୁଁ ମୁଖ୍ୟମନ୍ତ୍ରୀଙ୍କୁ ମନେପକାଇଦେବାକୁ ଚାହେଁ, ଓଡିଶୀ ଗୀତକୁ ଶାସ୍ତ୍ରୀୟ ମାନ୍ୟତା ଦେବାକୁ ଦୁଇ ଦୁଇ ଥର ଅନୁରୋଧ କରିଛି ହେଲେ ମୁଖ୍ୟମନ୍ତ୍ରୀ ଏହାକୁ ପ୍ରତ୍ୟାକ୍ଷାନ କରିଛନ୍ତି । ଅନେକ କଥା ମୁଖ୍ୟମନ୍ତ୍ରୀଙ୍କୁ ଜଣଯାଉନାହିଁ । କିଛଇ ନଜାଣି ବିଜେପିକୁ ଦୋଷ ଦେଉଛନ୍ତି ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀ ବୋଧହୁଏ ଜାଣିପାରୁନାହାଁନ୍ତି, ଯେ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ହେବା ପରେ ଆଜିଯାଏଁ ୪୯ ଜଣ ଓଡିଆ ମହାନୁଭବ ବ୍ୟକ୍ତିତ୍ୱଙ୍କୁୁ ସମ୍ମାନିତ କରିଛନ୍ତି । ଓଡିଶାର ମହାନ ବ୍ୟକ୍ତିତ୍ୱଙ୍କୁ ଖୋଜି ଖୋଜି ସମ୍ମାନିତ କରିଛନ୍ତି । ତଥାପି ମୁଖ୍ୟମନ୍ତ୍ରୀ ମୋଦୀଙ୍କୁ ଦୋଷାରୋପ କରୁଛନ୍ତି ।
‘୨୦୧୭ରେ ବିଜ୍ଞାନ ଭବନରେ ଯେତେବେଳେ ପାଇକ ବିଦ୍ରୋହର ୨୦୦ ବର୍ଷ ପୂର୍ତ୍ତି ପାଳନ କରିବାବେଳେ ମୁଁ ନିଜେ ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରିଥିଲି । ସେତେବେଳେ ପାଇକ ବିଦ୍ରୋହର ସ୍ମାରକ ପ୍ରତିଷ୍ଠା କରିବାକୁ ୧୦୦ କୋଟି ବଜେଟ ମଞ୍ଜୁର କରି ରାଜ୍ୟ ସରକାରଙ୍କୁ ମାତ୍ର ୯ ଏକର ଜାଗା ମାଗିଥିଲେ । ଆସି ୨୦୨୪ ହେଲାଣି ହେଲେ ସେ ଜାଗା ଖଣ୍ଡକ କିନ୍ତୁ ସ୍ମାରକ ପ୍ରତିଷ୍ଠା ପାଇଁ ଏଯାଏଁ ଦେଉନାହିଁନ୍ତି’ ।
‘ସବୁଠାରୁ ବଡ କଥା ହେଲା ଶ୍ରୀମନ୍ଦିର ରତ୍ନ ଭଣ୍ଡାର କଥା ପଚାରିଲେ ଏହାକୁ ମୁଖ୍ୟମନ୍ତ୍ରୀ ଆଡେଇଦେଉଛନ୍ତି । ନିଜ ଅନୁଚରମାନଙ୍କ ବୁଦ୍ଧିରେ ମୁଖ୍ୟମନ୍ତ୍ରୀ ମୋଦୀଙ୍କୁ ତ ଆକ୍ଷେପ କରୁୁଛନ୍ତି ହେଲେ କାଲିର ପ୍ରତିକ୍ରିୟାରେ ତ କାହିଁକି ରତ୍ନଭଣ୍ଡାର କଥା ଉଠାଇଲେନାହିିଁ । ଉଚ୍ଚନ୍ୟାୟାଳୟ ନିର୍ଦ୍ଦେଶ ଦେଲେ କମିଟି ବନାଇ ଏ ସମସ୍ୟାକୁ ସମାଧାନ କରିବାକୁ କିନ୍ତୁ ମୁଖ୍ୟମନ୍ତ୍ରୀ ସବୁବେଳେ ଏ କଥାକୁ ଆଡେଇଦେଉଛନ୍ତି । ମୁଁ ଏବେ ପଚାରୁଛି, ରତ୍ନ ଭଣ୍ଡାର ଚାବି କୁଆଡେ ଗଲା, କିଏ ଏହାର ଡୁପ୍ଲିକେଟ ଚାବି ବନେଇଲା । କାହିଁକି ଖୋଲାଯାଉନି ରତ୍ନଭଣ୍ଡାର । ସେ ଡୁପ୍ଲିକେଟ୍ ଚାବି ବି ଗଲା କୁଆଡେ । ରତ୍ନଭଣ୍ଡାର ସମ୍ପତ୍ତି କାହିଁକି ଗଣାଯାଉନି । ରତ୍ନଭଣ୍ଡାର ଖୋଲିବାକୁ ବାରମ୍ବାର କୁହାଯାଛଉଥିଲେ ବି କାହିଁକି ଖୋଲୁ ନାହାଁନ୍ତି?
ଆଉ ଏକ ବଡ ଅଭିଯୋଗ ଆଣିଛନ୍ତି ଧର୍ମେନ୍ଦ୍ର ପ୍ରଧାନ । କହିଛନ୍ତି, ‘୨୦୨୦ରେ ଯେତେବେଳେ ଦେଶ ଏକ ଆହ୍ୱାନଭୂଳକ ସ୍ଥିତି ଦେଇ ଗତି କରୁଥିଲା ସେତେବେଳେ ବିଜେଡି ସରକାର ବଡ ବଡ ଓକିଲଙ୍କୁ ଧରି ସୁପ୍ରିମକୋର୍ଟରେ ମାମଲା ଦାଏର କରିଥିଲେ । ଏହାର ଯଥେଷ୍ଟ ପ୍ରମାଣ ରହିଛି । ହେଲେ ପ୍ରଧାନମନ୍ତ୍ରୀ ମୋଦୀ ଓ ଜଷ୍ଟିସ୍ ଅରୁଣ ମିଶ୍ରଙ୍କ ହସ୍ତକ୍ଷେପ ପରେ ଏହି ସମସ୍ୟା ସମାଧାନ ହେଲା ଏବଂ ରଥନିର୍ମାଣ କରାଯାଇ ରଥଯାତ୍ରା ଅନୁଷ୍ଠିତ ହେଲା । ଏତେସବୁ ପରେ ବି ମୁଖ୍ୟମନ୍ତ୍ରୀ ପ୍ରଧାନମନ୍ତ୍ରୀଙ୍କୁ ନିନ୍ଦା କରୁଛନ୍ତି ! ଏହା ଅତି ଲଜ୍ଜାଜନକ ବିଷୟ’ ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ ।