ଉତ୍କଳ ଦିବସ ଅବସରରେ ସ୍ୱତନ୍ତ୍ର କାର୍ଯ୍ୟକ୍ରମ : ରାଜ୍ୟବାସୀଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ବାର୍ତ୍ତା
କନକ ବ୍ୟୁରୋ : କୋଲକାତାର ହୁବୁଲି ନଈ ପଠା ଆୟୋଜିତ ଉତ୍କଳ ଦିବସରେ ସାମିଲ ହୋଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଓଡିଶାର ବରପୁତ୍ରଙ୍କୁ ଶ୍ରଦ୍ଧାସୁମନ ଅର୍ପଣ କରିବା ପରେ କେନ୍ଦ୍ରମନ୍ତ୍ରୀ କହିଛନ୍ତି, ଆଜିର ଦିନ ଓଡିଆଙ୍କ ପାଇଁ ଅତ୍ୟନ୍ତ ମହତ୍ୱପୂର୍ଣ୍ଣ । ଆଜି ଆମେ ଗଙ୍ଗାନଦୀ ଘାଟରେ ଏହି ଦିବସ ପାଳନ କରୁଛୁ । ସମସ୍ତଙ୍କ ଉପରେ ମହାପ୍ରଭୂଙ୍କ ଆଶୀର୍ବାଦ ରହୁ ।
Kanak News is now on WhatsApp
Join and get latest news updates delivered to you via WhatsApp
ରାଧାନାଥ ରାଏ, ଗଙ୍ଗାଧର ମେହେରା, ଫକୀରେମୋହନ ଭଳି ମନୀଷୀଙ୍କ ଯୋଗୁଁ ଭାଷାଭିତିକ ରାଜ୍ୟଭାବେ ଏବଂ ଏକ ରାଜନୈତିକ ୟୁନିଟ ଭାବେ ୧୯୩୬ରେ ସ୍ୱତନ୍ତ୍ର ରାଜ୍ୟ ହୋଇଥିଲା । ସମୁଦ୍ର, ଜଙ୍ଗଲ, ଲୋକଶକ୍ତି, ଖଣିଜ ସଂପଦ ଓ ଅପାର ସମ୍ଭାବନା ଥିବା ଆମ ରାଜ୍ୟ ସବୁଠୁ ସୌଭାଗ୍ୟବାନ । ଠିକ ଏହାର ୧୫ ବର୍ଷ ପରେ ଆମେ ଶହେ ବର୍ଷ ପୂରଣ କରିବା । ଆଜିର ଦିବସରେ ଗଙ୍ଗାନଦୀର ଏହି ତଟରେ ଆମେ ସଂକଳ୍ପ କରିବା ଓଡିଆ ଜାତିକୁ ପୁଣିଥରେ ଏକ ସମୃଦ୍ଧିଶାଳୀ ରାଜ୍ୟଭାବେ ଗଡିବା ଓ ଆମେ ମହାପୁରୁଷଙ୍କ ସ୍ୱପ୍ନକୁ ପୂରଣ କରିବା ବୋଲି କହିଛନ୍ତି କେନ୍ଦ୍ରମନ୍ତ୍ରୀ ।