ଓଡ଼ିଶାରେ ସମ୍ଭାବ୍ୟ ବାତ୍ୟାକୁ ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ଓ ପ୍ରତାପଙ୍କ ସମୀକ୍ଷା । କହିଲେ, କେନ୍ଦ୍ର ପକ୍ଷରୁ ମିଳିବ ସମସ୍ତ ସହଯୋଗ, ଭୟଭୀତ ନ ହୋଇ ସଜାଗ ରହିବାକୁ ଦେଲେ ପରାମର୍ଶ ।
କନକ ବ୍ୟୁରୋ : ଓଡ଼ିଶାରେ ସମ୍ଭାବ୍ୟ ବାତ୍ୟାକୁ ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସମୀକ୍ଷା । ସମ୍ଭାବ୍ୟ ବାତ୍ୟା ୟାସକୁ କେମିତି ମୁକାବିଲା କରାଯିବ ଓ ଏଥିପାଇଁ କେମିତି ପ୍ରସ୍ତୁତି ଚାଲିଛି ସେ ବାବଦରେ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ, ଆଇଏମଡି ନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର ଓ ଏନଡିଆରଏଫ ଡିଜି ସତ୍ୟ ନାରାୟଣ ପ୍ରଧାନଙ୍କ ସହ ଭିଡ଼ିଓ କନଫରେନ୍ସିଂ ଜରିଆରେ ଆଲୋଚନା କରିଛନ୍ତି ଧର୍ମେନ୍ଦ୍ର ।
Kanak News is now on WhatsApp
Join and get latest news updates delivered to you via WhatsApp
ସମ୍ଭାବ୍ୟ ବାତ୍ୟା ପାଇଁ କେନ୍ଦ୍ର ସରକାର ସମସ୍ତ ପ୍ରକାର ସହଯୋଗ ପାଇଁ ପ୍ରସ୍ତୁତ ଏବଂ ଏଥିପାଇଁ ଗୃହମନ୍ତ୍ରୀ ଅମିତ ଶାହାଙ୍କ ସହ ଆଲୋଚନା କରିବେ ବୋଲି ଧର୍ମେନ୍ଦ୍ର କହିଛନ୍ତି । କେନ୍ଦ୍ର ଓ ରାଜ୍ୟ ସରକାରଙ୍କ ସମନ୍ୱୟରେ ଏହି ବାତ୍ୟାର ମୁକାବିଲା କରିପାରିବା ବୋଲି ଧର୍ମେନ୍ଦ୍ର କହିଛନ୍ତି । ତେବେ ଏହି ସମୟରେ ଲୋକମାନଙ୍କୁ ଭୟଭୀତ ନ ହୋଇ ସଜାଗ ହୋଇ ରହିବାକୁ ପରାମର୍ଶ ଦେଇଛନ୍ତି ଧର୍ମେନ୍ଦ୍ର ।
ସେହିଭଳି ବାତ୍ୟାର ସ୍ଥିତି ଓ ଅବସ୍ଥିତିକୁ ନେଇ ଆଲୋଚନା ହୋଇଥିବା ବେଳେ ଏନଡିଆରଏଫ ପକ୍ଷରୁ କଣ ପ୍ରସ୍ତୁତି ହୋଇଛି ସେ ବାବଦରେ ଅବଗତ କରିଛନ୍ତି ଏନଡିଆରଏଫ ଡିଜି ସତ୍ୟ ନାରାୟଣ ପ୍ରଧାନ । ବାତ୍ୟା ସମୟରେ ଓଡ଼ିଶାକୁ ସମସ୍ତ ପ୍ରକାର ସହଯୋଗ ତଥା ବିପର୍ଯ୍ୟୟ ସୁରକ୍ଷା ବଳ ନିୟୋଜିତ କରିବାକୁ ଏନଡିଆରଏଫ ସମ୍ପୂର୍ଣ୍ଣ ପ୍ରସ୍ତୁତ ଥିବା କହିଛନ୍ତି ସତ୍ୟ ନାରାୟଣ ପ୍ରଧାନ ।