କନକ ବ୍ୟୁରୋ : ମଶାଣୀରେ ଲୁଚିଛି କି ସତ? ମାଟି ଖୋଳି ଯୁବତୀଙ୍କ ମୃତଦେହ ବାହାର କଲା ଯାଜପୁର ଧର୍ମଶାଳା ପୋଲିସ । ଆରୁହ ଗାଁର ଉପସାନା ଜେନାଙ୍କ ମୃତ୍ୟୁର କାରଣ ଖୋଜୁଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ଧର୍ମଶାଳା ଥାନା ଅରୁହା ଗାଁର ସ୍ୱର୍ଗତ ଅନନ୍ତ ଜେନାଙ୍କ ଝିଅ ଉପାସନା ଜେନାଙ୍କର ରବିବାର ଦିନ କୌଣସି କାରଣରୁ ମୃତ୍ୟୁ ହୋଇଥିଲା । ମୃତ୍ୟୁ ପରେ ପରିବାର ଲୋକେ ସ୍ଥାନୀୟ ଏକ ଶଶ୍ମାନରେ ଶବକୁ ପୋତିଦେଇଥିଲେ । ତେବେ ଯୁବତୀ ଜଣଙ୍କ ହୃଦଘାତରେ ମୃତ୍ୟୁ ହୋଇଥିବା କୁହାଯାଉଥିବା ବେଳେ ଆତ୍ମହତ୍ୟା ବୋଲି ସନ୍ଦେହ କରାଯାଉଛି । ତେବେ ଏନେଇ କେହି ପୋଲିସକୁ ଖବର ଦେଇଥିବା ବେଳେ ଏସପିଙ୍କ ନିର୍ଦ୍ଦେଶ କ୍ରମେ ତଦନ୍ତ ଜୋରଦାର ହୋଇଛି । ଯଦି ଉପାସନା ଆତ୍ମହତ୍ୟା କରିଥିବାର ପ୍ରମାଣ ମିଳେ ତେବେ ପରିବାର ଲୋକ କାହିଁକି ଏହାକୁ ଲୁଚାଇ ରଖିଥିଲେ ତାହାକୁ ନେଇ ତଦନ୍ତ ଆଗକୁ ବଢାଇପାରେ ପୋଲିସ ।
ଯାଜପୁର ରୋଡ଼ ଏସଡ଼ିପିଓ, ଧର୍ମଶାଳାର ଅତିରିକ୍ତ ତହସିଲଦାର, ଥାନା ଅଧିକାରୀଙ୍କ ଉପସ୍ଥିତିରେ ଜେସିବି ମେସିନ ଲଗାଇ ଯୁବତୀଙ୍କ ମୃତଦେହ ଉଦ୍ଧାର କରାଯାଇଛି । ଯୁବତୀଙ୍କର କେଉଁଭଳି ଭାବେ ମୃତ୍ୟୁ ହେଲା କାହିଁକି ପୋଲିସକୁ ନଜଣାଇ ମୃତଦେହକୁ ପୋତିଦିଆଗଲା ତାହା ଏବେ ସନ୍ଦେହ ଘେରରେ ରହିଛି । ମୃତଦେହକୁ ବାହର କରି ବ୍ୟବଚ୍ଛେଦ ପାଇଁ ପଠାଇଛି ପୋଲିସ । ଘରେ ବିଧବା ମା’ ଓ ଭାଇ ରହୁଥିବା ବେଳେ ଯୁବତୀଙ୍କର କିଭଳି ମୃତ୍ୟୁ ହେଲା ତାକୁ ନେଇ ପ୍ରତିକ୍ରିୟା ସାମ୍ନାକୁ ଆସିନାହିଁ । ଶବ ବ୍ୟବଛେଦ ରିପୋର୍ଟ ଆସିବା ପରେ ପ୍ରକୃତ କାରଣ ସାମ୍ନାକୁ ଆସିବ ବୋଲି କୁହାଯାଉଛି ।