ମଥୁରା ନଗରୀରେ ଚାଲିଛି କଂସଙ୍କ ରାଜୁତି । ନଗର ପରିକ୍ରମା ବେଳେ ନଜରକୁ ଆସିଲା ସରକାରୀ ବସଷ୍ଟାଣ୍ଡର ଅବ୍ୟବସ୍ଥା : ସରକାରୀ ବାବୁଙ୍କୁ ତାଗିଦ କରିବା ସହ ଫାଇନ୍ କଲେ ୨ ଲକ୍ଷ ସ୍ୱର୍ଣ୍ଣ ମୁଦ୍ରା
କନକ ବ୍ୟୁରୋ : ଜମୁଛି ମହାରାଜ କଂସଙ୍କ ଦରବାର । ଗତକାଲି ଦ୍ୱିତୀୟ ସଂଧ୍ୟାରେ ମଥୁରା ନଗରୀରେ କାରାଗାରରେ ଶ୍ରୀକୃଷ୍ଣ ଜନ୍ମ, ଶ୍ରୀକୃଷ୍ଣଙ୍କୁ ନେଇ ବସୁଦେବଙ୍କ ଗୋପପୁର ଯାତ୍ରା, ଉଗ୍ରସେନଙ୍କ ସହ ଭେଟ, ବିଜୁଳି କନ୍ୟା ସହ ମଥୁରାକୁ ପ୍ରତ୍ୟାବର୍ତନ ଆଦି ମଂଚସ୍ଥ ହୋଇଥିଲା । ସେପଟେ ଗୋପପୁରରେ ଶ୍ରୀକୃଷ୍ଣଙ୍କୁ ବସୁଦେବ ଗୋପପୁରରେ ପ୍ରବେଶ ଓ ସେଠାରୁ ବିଜୁଳି କନ୍ୟାକୁ ଆଣିବାର ଦୃଶ୍ୟ ମଂଚସ୍ଥ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଆଜି ମଥୁରା ନଗରୀରେ କଂସ ମହାରାଜଙ୍କ ଶ୍ୟାମେଶ୍ୱର ମହାଦେବ ଦର୍ଶନ, କାରାଗୃହ ପ୍ରବେଶ, ବିଜୁଳି କନ୍ୟାକୁ ପ୍ରହାର, ଦୈବବାଣୀ, ରାଜଦରବାରରେ କଂସଙ୍କ ମନ୍ତ୍ରଣା ଅଭିନୟ ମଧ୍ୟମେରେ ପ୍ରଦର୍ଶିତ ହେବ । ସେପଟେ ଆଜି ଗୋପପୁରରେ ନନ୍ଦ ଦରବାର ଉଦଘାଟନ, ନନ୍ଦୋତ୍ସବ, କୃଷ୍ଣଙ୍କ ଦୋଳିଝୁଲା, ରାସନୃତ୍ୟ, ନଗର ସଂକୀର୍ତନ ସହ କୃଷ୍ଣଙ୍କ ଗୋପପୁର ଭ୍ରମଣ ଅଭିନୀତ ହେବ ।