କନକ ବ୍ୟୁରୋ : ଧାମନଗରରେ ଆସନ୍ତାକାଲି ଭୋଟ ଗଣତି । ହେଲେ ଏହା ପୂବ ର୍ରୁ ଧାମନଗର ତିହିଡିରେ ନିର୍ବାଚନୀ ହିଂସା ଦେଖିବାକୁ ମିଳିଛି । ତିହିଡି ତଳଗପବିନ୍ଧା ଗାଁରେ ବିଜେପି ସମର୍ଥକଙ୍କୁ ବିଜେଡି କର୍ମୀ ଆକ୍ରମଣ କରିଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବିଜେପି ସମର୍ଥକଙ୍କୁ ଗତକାଲି ବିଳମ୍ବିତ ରାତିରେ ବିଜେଡି କର୍ମୀ ଲୁହା ରଡରେ ମରଣାନ୍ତକ ଆକ୍ରମଣ କରିଥିବା ସୂଚନା ମିଳିଛି । ଆକ୍ରମଣରେ ତଳଗପବିନ୍ଧା ଗାଁର ସଂଜିବନୀ ବହେରା ଓ ଶଶିକାନ୍ତ ଜେନା ଗୁରୁତର ଆହତ ହୋଇଛନ୍ତି । ସେମାନଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି । ଅଭିଯୋଗ ପାଇବା ପରେ ତିହିଡି ପୁଲିସ ଘଟଣାର ତଦନ୍ତ ଆରମ୍ଭ କରିଛି ।
ଇଭିଏମରେ ପ୍ରାର୍ଥୀ ଭାଗ୍ୟ ସିଲ ଥିବା ବେଳେ ଫଳାଫଳକୁ ନେଇ ନେତାଙ୍କ ଛାତି ଧଡପଡ ହେଉଛି । ଷ୍ଟ୍ରଙ୍ଗରୁମରେ କଡା ସୁରକ୍ଷା ବଳୟରେ ଇଭିଏମ ରଖାଯାଇଛି । ହେଲେ ଗଡବଡ ଆଶଙ୍କାରେ ନେତା ଷ୍ଟ୍ରଙ୍ଗରୁମ ବାହାରେ ରାତି ଅନିଦ୍ରା ହୋଇ ଜଗି ରହୁଥିବା ଦୃଶ୍ୟ ସାମ୍ନାକୁ ଆସିଛି ।
କାଲି ସକାଳ ୮ଟାରୁ ଭୋଟ ଗଣତି ଆରମ୍ଭ ହେବ । ୨ଟି ବ୍ଲକ ଓ ଗୋଟିଏ ଏନଏସିର ମୋଟ୍ ୧୪ଟି ଗଣତି ଟେବୁଲରେ ୧୮ ରାଉଣ୍ଡ ଭୋଟ ଗଣତି ହେବ । ଧାମନଗର ବ୍ଲକର ଅସୁରାଳି ଜୋନରୁ ଭୋଟ ଗଣତି ଆରମ୍ଭ ହୋଇ ତିହିଡି ବ୍ଲକରେ ଭୋଟ ଗଣତି ଶେଷ ହେବ ବୋଲି ସୂଚନା ମିଳିଛି । ଏହାପରେ ସ୍ପଷ୍ଟ ହୋଇଯିବ ଧାମନଗର ଜନତା କାହାକୁ ନେତା ବାଛିଛନ୍ତି ।