ମାଲକାନଗିରିର ମଲାଲାଙ୍କୁ ଭେଟିଲେ ଡିଜିପି ଅଭୟ: କହିଲେ, ସ୍କୁଲ ଅଙ୍ଗନବାଡି ଓ ସ୍ୱାସ୍ଥ୍ୟକୁ ସ୍ୱାଭାବିକ କରିବା ପାଇଁ ହେବ ଉଦ୍ୟମ; କୁଶୁମାଣି ଖିଲଙ୍କ ନିସ୍ୱାର୍ଥପର ଉଦ୍ୟମକୁ କଲେ ପ୍ରଶଂସା
କନକ ବ୍ୟୁରୋ: ଆମେ ଆପଣଙ୍କୁ ଜଣାଇଥିଲୁ ମାଲକାନଗିରିର ମଲାଲା କୁଶୁମାଣି ଖିଲଙ୍କ କାହାଣୀ । କିପରି ଜଣେ ଆଦିବାସୀ ଝିଅ ଉପାନ୍ତ ଅଂଚଳରେ ଶିକ୍ଷାର ମଞ୍ଜି ବୁଣିବା ପାଇଁ ଚେଷ୍ଟା କରୁଛନ୍ତି । ଯେଉଁଠି ଶିକ୍ଷକ ପହଂଚି ପାରୁନାହାନ୍ତି, କରୋନା କଟକଣା ପାଇଁ ପାଠପଢା ବ୍ୟାହତ ହେଉଛି ଓ ସ୍କୁଲ ଘର ନଥିବାରୁ ପାଠ ପଢାର ରାହାରୁ ଦୁରେଇ ଯାଉଛନ୍ତି ଛାତ୍ରଛାତ୍ରୀ ସେଠି ଶିକ୍ଷାର ନୂଆ ଆଶା ତିଆରି କରୁଛନ୍ତି ମାଲକାନଗିରିର କୁଶୁମାଣି ଖିଲ । ଲାଲ କରିଡରର ଛୋଟ ଛୋଟ ପିଲାଙ୍କୁ ପାଠ ପଢାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଉ ଯେତେବେଳେ ମାଲକାନଗିରିର ମାଂଓ କରିଡରରେ ଥିବା ଗୋରାସେତୁରେ ପ୍ରଶାସନ ପହଂଚିଛି ସେତେବେଳେ ମାଲକାନଗିରିର ମଲାଲାଙ୍କୁ ଭେଟିବାକୁ ଭୁଲିନାହାନ୍ତି ଡିଜିପି ଅଭୟ । ରବିବାର ଡିଜିପିଙ୍କ ମାଲକାନଗିରି ଗସ୍ତ ବେଳେ ତାଙ୍କୁ ଭେଟିଛନ୍ତି କୁଶୁମାଣି ଖିଲ । ଖୁବଶୀଘ୍ର ସେହି ଅଂଚଳରେ ଅଙ୍ଗଡବାଡି କେନ୍ଦ୍ର ଏବଂ ପାଠ ପଢିବା ପାଇଁ ଅନ୍ୟାନ୍ୟ ଆନୁଷଙ୍ଗିତ ସୁବିଧା ଯୋଗାଇ ଦିଆଯିବ ବୋଲି ଡିଜିପି ତାଙ୍କୁ କହିଛନ୍ତି ।