ବିମାନଯାତ୍ରୀଙ୍କ ପାଇଁ କଡା କଟକଣା । ମାସ୍କ ନପିନ୍ଧିଲେ ବିମାନରୁ ଯାତ୍ରୀଙ୍କୁ ଓହ୍ଳାଇ ଦେବାକୁ ଡିଜିସିଏର ନିର୍ଦ୍ଦେଶ ।
କନକ ବ୍ୟୁରୋ : କରୋନା ସଂକ୍ରମଣ ବଢୁଥିବାରୁ ବିମାନ ଯାତ୍ରୀଙ୍କ ପାଇଁ ଜାରି ହୋଇଛି କଡା ନିୟମ । ଯାତ୍ରୀମାନେ ଠିକ୍ ଭାବରେ ମାସ୍କ ନପିନ୍ଧିଲେ ବିମାନରୁ ଓହ୍ଳାଇ ଦେବାକୁ ନିର୍ଦ୍ଦେଶ ଜାରି କରାଯାଇଛି । ଏୟାରପୋର୍ଟ ଅଥରିଟି ଅଫ୍ ଇଣ୍ଡିଆ, ସିଆଇଇଏସଏଫ ଓ ଦେଶର ସବୁ ବିମାନ ବନ୍ଦର କର୍ତ୍ତୃପକ୍ଷଙ୍କୁ ତତ୍କାଳ ଏହି ନିର୍ଦ୍ଦେଶ ଲାଗୁ କରିବାକୁ ନିର୍ଦ୍ଦେଶ ଦେଇଛି ଡାଇରେକ୍ଟର ଜେନେରାଲ ଅଫ ସିଭିଲ ଏଭିଏସନ ବା ଡିଜିସିଏ ।
Kanak News is now on WhatsApp
Join and get latest news updates delivered to you via WhatsApp
ଠିକ୍ ଭାବରେ ମାସ୍କ ପିନ୍ଧିବା ପାଇଁ ଯାତ୍ରୀଙ୍କୁ ବାରମ୍ବାର ତାଗିଦ କରିବା ପରେ ସମ୍ପୃକ୍ତ ଯାତ୍ରୀ ଜଣକ ମାସ୍କ ଠିକ୍ ଭାବରେ ନପିନ୍ଧିଲେ ତାଙ୍କୁ ବିମାନରୁ ଓହ୍ଳାଇ ଦେବାକୁ ନିର୍ଦ୍ଦେଶ ଜାରି କରିଛି ଡିଜିସିଏ । ଏପରିକି ବିନା ମାସ୍କରେ ଯେପରି କେହି ବିମାନବନ୍ଦରକୁ ପ୍ରବେଶ କରିବେ ନାହିଁ ତା ଉପରେ ନଜର ରଖିବ ସିଆଇଏସଏଫ । ଏପରିକି ଯାତ୍ରା କରୁଥିବା ସମୟରେ ବିମାନବନ୍ଦରରେ କିଛି ଯାତ୍ରୀ ଠିକ୍ ଭାବେ ମାସ୍କ ପିନ୍ଧୁନଥିବା ଦେଖିବାକୁ ମିଳୁଥିବା କହିଛି ଡିଜିସିଏ । ଏହାକୁ ଦୃଷ୍ଟିରେ ରଖି ଏହି ନୂଆ ନିର୍ଦ୍ଦେଶ ଜାରି କରାଯାଇଛି ।
ଏପରିକି ଅଧିକାଂଶ ଯାତ୍ରୀ ମାସ୍କ ପିନ୍ଧିବା ନାଁରେ କେବଳ ନାକ ତଳକୁ ମାସ୍କ ପିନ୍ଧିଥିବା ଦେଖିବାକୁ ମିଳିଛି । କିନ୍ତୁ ମାସ୍କରେ ପାଟି ଓ ନାକ ଉଭୟ ଘୋଡାଇ ରଖିବା ଉଚିତ । କେବଳ ଚେକିଂ ହେଉଥିବା ସ୍ଥାନରେ ମାସ୍କ ପିନ୍ଧିବା ପରେ ବିମାନ ବନ୍ଦର ଭିତରେ, ଏପରିକି ଯାତ୍ରା କରିବା ବେଳେ ନିୟମ ଉଲ୍ଲଙ୍ଘନ କରି ବିମାନ ଭିତରେ ମାସ୍କ ପିନ୍ଧୁନଥିବା ଦେଖିବାକୁ ମିଳୁଛି । କରୋନା ସଂକ୍ରମଣକୁ ଦୂରେଇ ରଖିବା ପାଇଁ ଠିକ୍ ଭାବରେ ମାସ୍କ ପିନ୍ଧିବା ନିହାତୀ ଜରୁରୀ ବୋଲି ଡିଜିସିଏ କହିଛି । ମାସ୍କ ପିନ୍ଧିବା ସହ ସାମାଜିକ ଦୂରତା, ପିପିଇ କିଟ୍, ସାନିଟାଇଜର ଉପରେ ଗୁରୁତ୍ୱ ଦେବାକୁ କୁହାଯାଇଛି । ଏୟାରପୋର୍ଟ ଅଧିକାରୀଙ୍କୁ ଚିଠି ଲେଖି ଡିଜିସିଏ କହିଛି ଯଦି କୌଣସି ଯାତ୍ରୀ କୋଭିଡ ନିୟମ ଉଲ୍ଲଙ୍ଘନ କରିବେ ତେବେ ତାଙ୍କୁ ସତର୍କ କରାଯିବ । ଯଦି ବାରମ୍ବାର ସତର୍କ କରାଯିବା ପରେ ବି ଯାତ୍ରୀ ଜଣକ ନିୟମ ନମାନିବେ ତେବେ ତାଙ୍କୁ ବଳପୂର୍ବକ ବିମାନରୁ ଓହ୍ଲାଇ ଦିଆଯିବ ।