ପ୍ରୟାଗରାଜରେ ପୌଷ ପୂର୍ଣ୍ଣିମା । ସଙ୍ଗମସ୍ଥଳରେ ବୁଡ଼ ପକାଇବା ପାଇଁ ଶ୍ରଦ୍ଧାଳୁଙ୍କ ଭିଡ଼, ପ୍ରଶାସନ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା ।
କନକ ବ୍ୟୁରୋ: ପବିତ୍ର ପୌଷ ପୂର୍ଣ୍ଣିମା ଅବସରରେ ସଙ୍ଗମସ୍ଥଳରେ ଶ୍ରଦ୍ଧାଳୁଙ୍କ ଭିଡ଼ । ଉତ୍ତର ପ୍ରଦେଶର ପ୍ରୟାଗରାଜ ଅନ୍ତର୍ଗତ ସଙ୍ଗମ ସ୍ଥଳରେ କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ବାର୍ଷିକ ମାଘ ମେଳା ଆରମ୍ଭ ହୋଇଛି । ଆଜି ସଙ୍ଗମରେ ୪୦ ଲକ୍ଷରୁ ଅଧିକ ଯାତ୍ରୀ ବୁଡ଼ ପକାଇବେ ବୋଲି ଅନୁମାନ କରାଯାଉଛି । ଚନ୍ଦ୍ରଗ୍ରହଣ ପଡୁଥିବାରୁ ବୁଡ଼ପକାଳିଙ୍କ ସଂଖ୍ୟା ଆହୁରି ବଢ଼ିବାର ସମ୍ଭାବନା ମଧ୍ୟ ରହିଛି । ସବୁଠାରୁ ବଡ଼ କଥା ହେଲା, ମାଘ ମେଳା ଦିନ ‘କଳ୍ପବାସ’ ମଧ୍ୟ ଆରମ୍ଭ ହୁଏ । ଏଥିରେ ଭକ୍ତମାନେ ଏକ ମାସ ଯାଏଁ ପାଳି କରି ସନ୍ନ୍ୟାସୀମାନଙ୍କ ପରି ଜୀବନଯାପନ କରିବା ସହ ଉପବାସ ଓ ପୂଜାର୍ଚ୍ଚନା କରିଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସଙ୍ଗମ ସ୍ଥଳ ମେଳା ନଗରୀରେ ୩, ୫୦୦ ସୁରକ୍ଷା କର୍ମୀଙ୍କୁ ମୁତୟନ କରାଯାଇ କଡ଼ା ସୁରକ୍ଷା ବନ୍ଦୋବସ୍ତ କରାଯାଇଛି । ପ୍ରବଳ ଶୀତ ପଡ଼ିଥିବାରୁ କାଳେ କେହି ଅସୁସ୍ଥ ହୋଇ ପଡ଼ିବେ, ସେଥିପାଇଁ ସଙ୍ଗମ ଚାରିପଟେ ଏବଂ ମେଳା ନଗରୀର ଅନ୍ୟାନ୍ୟ ଅଞ୍ଚଳରେ ଆମ୍ବୁଲାନସ୍ ପ୍ରସ୍ତୁତ କରି ରଖାଯାଇଛି ।
ଏହାଛଡ଼ା ମେଳା ନଗରୀରେ ଡାକ୍ତରଖାନା, ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ମଧ୍ୟ ଖୋଲାଯାଇଛି । ପରିମଳ, ଘାଟ, ନିରାପତ୍ତା, ଅଗ୍ନିଶମ ସେବା, ରେସନ୍ ବଣ୍ଟନ, ହୃତସମ୍ପଦ ଶିବିର, ପାନୀୟ ଜଳ, ପ୍ରଦୂଷଣ ନିୟନ୍ତ୍ରଣ ଏବଂ ଅନ୍ୟାନ୍ୟ ଆବଶ୍ୟକ ବ୍ୟବସ୍ଥା ମଧ୍ୟ ସେଠାରେ କରାଯାଇଛି । ତେବେ ପ୍ରୟାଗରାଜରେ ବୁଡ଼ ପକାଇବା ପାଇଁ ସଙ୍ଗମସ୍ଥଳରେ ଦେଶବିଦେଶରୁ ଶ୍ରଦ୍ଧାଳୁଙ୍କ ସମାଗମ ଧିରେ ଧିରେ ବଢ଼ିବାରେ ଲାଗିଛି ।