ଆଡପମଣ୍ଡପରେ ତିନିଠାକୁର । ଆଜି ଭକ୍ତମାନେ ପାଇଲେ ଆଡପ ଅଭଡା ।
କନକ ବ୍ୟୁରୋ: ଆଡପମଣ୍ଡପରେ ଏବେ ତିନିଠାକୁର । କୋଭିଡ ଯୋଗୁଁ ଦୁଇବର୍ଷ ହେବ ଦର୍ଶନ ପାଇବାକୁ ବଞ୍ଚିତ ଥିବା ଭକ୍ତଙ୍କ ଆଡପ ଦର୍ଶନ ପାଇବା ପରେ ପୁରୀରେ ଲାଗିଛି ଭକ୍ତଙ୍କ ଗହଳି । ରଥ ଉପରେ ମହାପ୍ରଭୁ ଦୁଇଦିନ ଧରି ଶୁଖିଲା ମହାପ୍ରସାଦ ଭୋଗ ଖାଉଥିଲେ । ଏବେ ମହାପ୍ରଭୁଙ୍କ ପାଖରେ ଲାଗିଛି ଅନ୍ନପ୍ରସାଦ । ଭକ୍ତମାନେ ପ୍ରସାଦ ରୂପେ ଖାଇବାକୁ ପାଇଛନ୍ତି ସେମାନଙ୍କ ପ୍ରିୟ ଆଡପ ଅଭଡା ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆଡପ ଦର୍ଶନ କରିବା ପାଇଁ ମେଡିକାଲ ଛକରୁ ଲମ୍ବା ଲାଇନରେ ବ୍ୟାରିକେଡରେ ଭକ୍ତମାନେ ଶୃଙ୍ଖଳିତ ଦର୍ଶନ କରିଆସୁଛନ୍ତି । ଗହଳି ଥିବା ସତ୍ୱେ ସମସ୍ୟାକୁ ଖାତିର ନ କରି ଭକ୍ତମାନେ ଆଡପମଣ୍ଡପରେ ମହାପ୍ରଭୁଙ୍କୁ ଦର୍ଶନ କରୁଛନ୍ତି ଏଥିପାଇଁ କଡା ସୁରକ୍ଷା ବ୍ୟବସ୍ଥା କରାଯାଇଛି । ଗୁଣ୍ଡିଚା ମନ୍ଦିର ଚାରିପଟେ ୪୦ ପ୍ଲାଟୁନ ପୁଲିସ ଫୋର୍ସ ମୁତୟ ହୋଇଛନ୍ତି । ସୋମବାର ମଧ୍ୟାହ୍ନ ଧୂପର ପରେ ହେବ ବନକଲାଗି ନୀତି । ଏଥିପାଇଁ ସବୁ ପ୍ରକାରର ବ୍ୟବସ୍ଥା ହୋଇଛି । ବନକଲାଗି ନୀତି ପାଇଁ ୪ ଘଣ୍ଟା ଲାଗୁଥିବାରୁ ଭକ୍ତଙ୍କ ପାଇଁ ଦର୍ଶନ ସନ୍ଧ୍ୟାରେ ବନ୍ଦ ରହିବ । ୫ ତାରିଖରେ ହେରାଂପଚମୀ ଥିବାରୁ ଏଥିପାଇଁ ବି ପ୍ରସ୍ତୁତି ଆରମ୍ଭ ହୋଇଛି ।