କନକ ବ୍ୟୁରୋ: ବାଙ୍କୀରେ ଜିତିଲା ବିଜେଡି । ବାଙ୍କୀ ବିଧାନସଭା ନିର୍ବାଚନମଣ୍ଡଳୀରେ ବିଜେଡି ପ୍ରାର୍ଥୀ ଦେବୀ ରଞ୍ଜନ ତ୍ରିପାଠୀ ବିଜୟୀ ହେଇଥିବା ସୂଚନା ମିଳିଛି । ତେବେ ଏହି ଆସନରେ ବିଜେଡିର ଗଡ ହେଇ ରହିଆସିଛି । କେବଳ ୨୦୦୪ ମସିହାକୁ ଛାଡିଦେଲେ ଏହି ଆସନକୁ ବିଜେଡି ୨୦୦୦ ମସିହାରୁ ଜିତି ଆସୁଛନ୍ତି । ଦେବୀରଞ୍ଜନ ତ୍ରିପାଠୀଙ୍କ ବାପା ପ୍ରଭାତ ରଞ୍ଜନ ତ୍ରିପାଠୀ ଏହି ଆସନରୁ ବିଜୟୀ ହେଇ ଆସୁଥିଲେ । ହେଲେ ଗତ ସାଧାରଣ ନିର୍ବାଚନରେ ପ୍ରଭାତଙ୍କ ବଦଳରେ ଦେବୀ ରଞ୍ଜନଙ୍କୁ ପ୍ରାର୍ଥୀ କରିଥିଲା ଦଳ । ଆଉ ଦଳର ଭରସାକୁ କାଏମ୍ ରଖିବା ସହିତ ବିଜୟୀ ହେଇଛନ୍ତି ଦେବୀରଞ୍ଜନ ।