ସାରା ବିଶ୍ୱରେ ନିଜର ଆଧିପତ୍ୟ ବିସ୍ତାର କରିବାକୁ କିଛି ବର୍ଷ ହେବ ଚୀନ ଅତ୍ୟାଧୁନିକ ଅସ୍ତ୍ରଶସ୍ତ୍ର ଯୋଗାଡ କରିବାରେ ଲାଗିଛି । ଏହାସହ ନିଜ ସେନାକୁ ସାମରିକ ଭାବେ ବିଶ୍ୱରେ ଶକ୍ତିଶାଳୀ କରିବାକୁ ପାଣିଭଳି ଅର୍ଥ ଖର୍ଚ୍ଚ କରୁଛନ୍ତି ଚୀନର କମ୍ୟୁନିଷ୍ଟ ଶାସକ । ହେଲେ ଏତେ ଅତ୍ୟାଧୁନିକ ଅସ୍ତ୍ରଶସ୍ତ୍ର ଥାଇବି ପିପୁଲ୍ସ ଲିବରସେନ ଆର୍ମି ଉଚ୍ଚ ସ୍ଥାନରେ କାହିଁକି ଯୁଦ୍ଧ ଲଢି ପାରୁନାହିଁ । ଏନେଇ ଆମେରିକାର ଏକ ମାଗାଜିନ ‘ନ୍ୟାସନାଲ ଇଣ୍ଟରେଷ୍ଟ’ ରେ ଏକ ରିପୋର୍ଟ ପ୍ରକାଶ ପାଇଛି ।
କନକ ବ୍ୟୁରୋ : ଆମେରିକାର ମାଗାଜିନ ‘ନ୍ୟାସନାଲ ଇଣ୍ଟରେଷ୍ଟ’ ରିପୋର୍ଟ ମୁତାବକ ଚୀନ ସେନା ଆଧୁନିକ ଅସ୍ତ୍ରଶସ୍ତ୍ରରେ ସଜ୍ଜିତ ହୋଇଥିଲେ ବି ଉଚ୍ଚ ସ୍ଥାନରେ କୌଣସି ଯୁଦ୍ଧ ଭଳି ପରିସ୍ଥିତିରେ ସାମ୍ନା କରିବାରେ ବିଫଳ ହେଉଛି ଚୀନ ସେନା । କାରଣ ଭାବେ କୁହାଯାଇଛି କି ଚୀନ ସେନା ପାଖରେ ଥିବା ଅସ୍ତ୍ରଶସ୍ତ୍ର ଦ୍ୱାରା କୌଣସି ଉଚ୍ଚ ସ୍ଥାନରେ ପହଂଚିବାର ବ୍ୟବସ୍ଥା ନାହିଁ । ଏଭଳି ସ୍ଥିତି ଯୋଗୁଁ ଉଚ୍ଚ ସ୍ଥାନରେ ମୁହାଁ ମୁହିଁ ଲଢେଇ କରିବାରେ ବିଫଳ ହେଉଛି ଚୀନ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି କିଛିଦିନ ତଳେ ଚୀନ ସେନା ପକ୍ଷରୁ ନିଜର କ୍ଷମତା ପ୍ରଦର୍ଶନ କରିବା ଆଳରେ ପଶ୍ଚିମାଞ୍ଚଳରେ ନୂଆ ରକେଟ ସହ ଯୁଦ୍ଧ ଅସ୍ତ୍ରଶସ୍ତ୍ର ପରୀକ୍ଷଣ କରିଥିଲା । ଏହା ମଧ୍ୟରେ ପିଏଚଏଲ-୧୧ ମଲ୍ଟି ରକେଟ୍ ଲଞ୍ଚର, ପିଏଚଏଲ-୦୩ ଲଙ୍ଗ ରେଞ୍ଜ ରକଟେ୍ ଲଞ୍ଚର ଓ ପିସିଏଲ ହୋବିଜର ବୋମା ବି ପ୍ରଦର୍ଶନ କରାଯାଇଥିଲା । ଏନେଇ ଚୀନର ସରକାରୀ ଖବର କାଗଜ ‘ଗ୍ଲୋବାଲ ଟାଇମ୍ସ’ ରେ ଖବର ପ୍ରକାଶ ପାଇଥିଲା । ଏହି ଅସ୍ତ୍ରଶସ୍ତ୍ର ଜରିଆରେ ଉଚ୍ଚ ପାହାଡ ଉପରେ ଚୀନସେନା ଅଭ୍ୟାସ କରୁଥିବାର ଲାଇଭ ଚିତ୍ର ଦେଖିବାକୁ ମଳିଥିଲା ।
ଏହାରି ମଧ୍ୟରେ ଚୀନକୁ ଆମେରିକାର ଥିବା ଚିନୁକ ହେଲିକପ୍ଟର ଭଳି ସାଧନର ଆବଶ୍ୟକତା ରହିଛି । ଯେଉଁ ହେଲିକପ୍ଟର ସହାୟତାରେ ଉଚ୍ଚ ସ୍ଥାନରେ ନିଜର ଯୁଦ୍ଧାସ୍ତ୍ର ପହଂଚାଇ ପାରିବ । କହିରଖୁ କି ଏହି ହେଲିକପ୍ଟର ମୋବାଇଲ ଆର୍ଟିଲରୀ ଓ ରକେଟ ଲଞ୍ଚର ଭଳି ଅସ୍ତ୍ରକୁ ଉଚ୍ଚ ସ୍ଥାନରେ ପହଂଚାଇବାକୁ ସକ୍ଷମ ।
ଚୀନ ସେନା ପାଖରେ ରହିଛି ଜେଡ-୮ ଭଳି କାର୍ଗୋ ଟ୍ରାନ୍ସପୋର୍ଟ ଭଳି ହେଲିକପ୍ଟର । ଏହି ହେଲିକପ୍ଟରର କ୍ଷମତା ଆମେରିକା ସେନା ପାଖରେ ଥିବା ଚିନୁକ ହେଲିକପ୍ଟରର ଅଧା ବୋଲି କୁହାଯାଉଛି । ଜେଡ-୮ ଭଳି କାର୍ଗୋ ଟ୍ରାନ୍ସପୋର୍ଟ ହେଲିକପ୍ଟରର ୨୦ ହଜାର ପାଉଣ୍ଡ ଓଜନର ଦର୍ବ୍ୟ ବୋହିନେବାର କ୍ଷମତା ଥିବାବେଳେ ଚିନୁକ ହେଲିକପ୍ଟର ପାଖରେ ୫୦ ହଜାର ପାଉଣ୍ଡ ଓଜନା ଦର୍ବ୍ୟ ଉଠାଇ ପାରିବାର କ୍ଷମତା ରହିଛି । ଏହି ଅସୁବିଧା କାରଣରୁ ଚୀନ ଉଚ୍ଚ ସ୍ଥାନକୁ ଯୁଦ୍ଧାସ୍ତ୍ର ବୋହି ନେଇ ଯୁଦ୍ଧ କରିବାକୁ ଅସୁବିଧାରେ ସମ୍ମୁଖୀନ ହେଉଛି ।