ଆଫଗାନିସ୍ତାନରେ ତାଲିବାନ ଆତଙ୍କ । ନିଜ ଅନୁଭୂତି ବଖାଣିଲେ ୨୦୦୮ରୁ ୨୦୧୨ ଯାଏଁ ଆଫଗାନରେ ରହିଥିବା କେନ୍ଦ୍ରାପଡା ଯୁବକ
କନକ ବ୍ୟୁରୋ: ଯେତେବେଳେ ପୁଣି ଥରେ ଆଫଗାନିସ୍ତାନରେ ତାଲିବାନୀ ଶାସନ ଫେରିଛି । ସାରା ଦେଶରେ ଭୟ ଓ ଆତଙ୍କର ବାତାବରଣ ସୃଷ୍ଟି ହୋଇଛି । ଆଉ ସାରା ବିଶ୍ୱର ନଜର ଏହା ଉପରେ ରହିଛି । ସେତିକିବେଳେ ଆଫଗାନିସ୍ତାନରେ ପ୍ରାୟ ୪ ବର୍ଷ ରହିଥିବା ଦୁଇ ଓଡିଆ ଯୁବକ ସେମାନଙ୍କ ଅନୁଭୂତି ବର୍ଣ୍ଣନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତାଲିବାନୀମାନେ କ୍ଷମତାରୁ ଯିବା ପରେ ୨୦୦୮ ମସିହାରୁ ୨୦୧୨ ମସିହ ପ୍ରାୟ ଚାରିବର୍ଷ ଧରି ଆଫଗାନିସ୍ତାନରେ ଚାକିରି କରିଥିଲେ ଏହି ଓଡିଆ ଯୁବକ । ସେତେବେଳେ ଆଫଗାନିସ୍ତାନ କେମିତି ବିକାଶ ପଥରେ ଆଗଉ ଥିଲା , ତାଲିବାନଙ୍କୁ ନେଇ କେମିତି ଭୟ ଥିଲା, ଆଉ ଏବେ ତାଲିବାନୀ ଫେରିବା ପରେ ସେମାନଙ୍କ ଉପରେ କଣ ବିତୁଥିବା ସେନେଇ ଆଶଙ୍କା କରିଛନ୍ତି ।
ସେହିପରି ଆଫଗାନିସ୍ତାନରେ ୪ବର୍ଷ ରହିଥିଲେ ପଟ୍ଟାମୁଣ୍ଡାଇ ଅଂଚଳର ରମେଶ ଚନ୍ଦ୍ର ଖଣ୍ଡାଇ । ସେହି ସମୟରେ କେମିତି ସୁରକ୍ଷା ବ୍ୟବସ୍ଥା କଡାକଡି ଥିଲା ଆଉ ଲୋକମାନେ ନିଜକୁ ସୁରକ୍ଷିତ ଭାବୁଥିଲେ ନିଜ ଅନୁଭୂତିରୁ କହିଛନ୍ତି ।
ତାଲିବାନୀ ଶାସନ ଫେରିବା ପରେ ଆଫଗାନିସ୍ତାନରେ ବିଶେଷ କରି ମହିଳା ଓ ଶିଶୁଙ୍କ ସୁରକ୍ଷା ନେଇ ସମସ୍ତଙ୍କ ମନରେ ସନ୍ଦେହ ସୃଷ୍ଟି ହୋଇଛି । ତାଲିବାନୀମାନେ ବଦଳୁଛନ୍ତି ବୋଲି, ଯେତେ କହିଲେ ବି ଏହାକୁ ସହଜରେ ବିଶ୍ୱାସ କରିବା କଷ୍ଟକର ହୋଇଛି ।